கடவுளை எப்போது நினைப்போம்?

கிரி.. இந்த பதிவை படிக்கும் போது கொஞ்சம் நேர்தியா இல்லாதது போல தோன்றுகிறது.. சொல்ல வந்த மெசேஜ் சரியா சொல்லலையா? இல்லை நான் சரியா புரிந்து கொள்ளவில்லையா? என்று தெரியவில்லை.. என்னை பொறுத்தவரை கடவுள் நம்பிக்கை உண்டு.. நடப்பபை எல்லாம் இறைவன் புறத்தில் இருந்து தான் நடக்கிறது என்பதை முழுவதும் நம்பினாலும், சில கசப்பான நிகழ்வுகள் எதிர்பாராமல் நடக்கும் போது சில நேரம் நம்பிக்கை சறுக்குவதும் உண்டு..

நம்மை சுற்றி நடக்கின்ற பல நிகழ்வுகளை தீர்மானிப்பது பணம் தான்.. பணம் தான் இங்கு பிரதான பொருளாக இருக்கிறது.. பணமிருந்தால் மட்டும் மகிழ்ச்சியாக வாழ முடியாது என்று கூறலாம்.. ஆனால் பணமில்லாமல் இங்கு வாழவே முடியாது என்பது தான் யதார்த்தம்.. பணத்திற்கான அளவீடு என்பது அவரவர் தேவையை பொறுத்து அமைகிறது.. பசியோடு இருக்கும் போது தான் உணவின் அருமை புரியும்..

என்னை பொறுத்தவரை கடந்த காலங்களை அதிகம் அசை போடுபவன் நான்.. வயது, சூழல், வாழ்வியல் எல்லாம் மாறினாலும் நான் என்னுடைய கடந்த காலங்களை அதிகமதிகம் நினைப்பத்துண்டு.. அந்த நினைவுகளை எல்லாம் நான் நெஞ்சில் அப்படியே தேக்கி வைத்து இருக்கிறேன்.. நேரம் கிடைக்கும் போது அவைகளை மீண்டும் அசைபோட்டு என்னுடைய கடினமான நாட்களை கூட மகிழ்ச்சியாக கொண்டாடுவதுண்டு..

3 இடியட்ஸ் படத்துல ஒரு காட்சி வரும்.. நண்பன் தேர்வில் தோல்வி அடைந்தால் துக்கப்படுகிறோம்.. அதே நண்பன் தேர்வில் முதலிடம் வந்தால் இன்னும் அதிகம் துக்கப்படுகிறோம்.. இது தான் எதார்த்தம்.. சக மனிதனின் வெற்றியை கொண்டாட ஏனோ மனது ஒத்துக்கொள்வதில்லை.. சக மனிதர்களை கொண்டாட வேண்டும் என்ற மனநிலை வந்து விட்டாலே நம்முள் இருக்கும் எல்லா நெகடிவ் எண்ணங்களும் மடிந்து போகிவிடும்.

அடுத்தடுத்து நான்கு துக்கம் தொடர்ந்து வந்துச்சுனா, நாத்திகன் கூட ஆத்திகனாக மாறி விடுவாங்க!!! கண்ணதாசன் ஐயா சொன்னாரான்னு தெரியல? எங்கோ கேள்விப்பட்டது.. ஆனால் எதார்த்தமான வார்த்தைகள்.. எனக்கு இறைநம்பிக்கையில் பிடிக்காத ஒரே விஷியம்.. கடவுளுக்கும், நமக்கும் இடையில் இருக்கும் புரோக்கர்கள் தான்.. என்னுடைய இறைவனிடத்தில் நான் எனக்காக தேவையை கேட்க ஏன் இடையில் ஒருவர்??

இது மட்டும் புரியாத புதிர். பணமிருப்பார்கள் இந்த பூஜைகளையும், மற்ற சடங்குகளையும் செய்ய இயலும்.. ஆனால் பணமில்லாதவர்களின் நிலை?? இந்த பரிகாரம், சடங்குகளுக்கு பின் இறுதியில் இருப்பது பணம் ஒன்று மட்டுமே.. எல்லா மதத்திலும் இது உள்ளது.. இது ஒரு தவறான நிலைப்பாடு என்பது என் கருத்து.. பகிர்வுக்கு நன்றி கிரி..

@யாசின்

“கிரி.. இந்த பதிவை படிக்கும் போது கொஞ்சம் நேர்தியா இல்லாதது போல தோன்றுகிறது.”

அப்படியா! நீங்க கூறியதை படித்த பிறகு திரும்ப இரு முறை படித்துப்பார்த்தேன், சரியாக இருப்பது போலவே தான் இருந்தது.

அடுத்த முறை உங்களுக்கும் புரியும் விதத்தில் எழுத முயற்சிக்கிறேன்.

“நடப்பபை எல்லாம் இறைவன் புறத்தில் இருந்து தான் நடக்கிறது என்பதை முழுவதும் நம்பினாலும், சில கசப்பான நிகழ்வுகள் எதிர்பாராமல் நடக்கும் போது சில நேரம் நம்பிக்கை சறுக்குவதும் உண்டு..”

அது மனித இயல்பு. அனைவருக்கும் இந்த எண்ணம் வராமல் போகாது.

“ஆனால் பணமில்லாமல் இங்கு வாழவே முடியாது என்பது தான் யதார்த்தம்.. பணத்திற்கான அளவீடு என்பது அவரவர் தேவையை பொறுத்து அமைகிறது.. பசியோடு இருக்கும் போது தான் உணவின் அருமை புரியும்..”

இது உண்மை தான் யாசின். ஏற்றுக்கொள்கிறேன்.

பசியோடு இருப்பவர்கள் அதைக் கடப்பது எப்படி என்று அதற்கான முயற்சிகளில் ஈடுபட வேண்டும். அதைச் செய்யாமல், புலம்பிக்கொண்டு இருப்பதால் பயனில்லை.

கடவுள் வழி காட்டி இருக்கலாம் ஆனால், அதை அவர்கள் உணராமல் கடந்து இருக்கலாம்.

பணத்துக்கு அதிக முக்கியத்துவம் கொடுக்காமல் இருந்தால் அதன் முக்கியத்துவம் நமக்கு குறைந்து விடும்.

தற்போது பணத்துக்கு அதிக முக்கியத்துவம் கொடுப்பதில்லை ஆனால், தேவை என்று வரும் போது அதுவாகவே எனக்கு கிடைத்து விடுகிறது.

எப்படி கிடைக்கும் என்று சொல்ல முடியாது, எதிர்பார்க்கவும் முடியாது ஆனால், கிடைக்கும்.

பணத்துக்கான தேவை முடிந்தும் பலர் அதிகரித்துக்கொண்டே இருப்பதே பல சிக்கல்களுக்கு காரணம். தேவை குறையும் போது பணத்துக்கான அவசியமும் குறையும்.

ஆசையால் தேவைகளை அதிகரிப்பதே பிரச்சனைகளுக்கு காரணம்.

எடுத்துக்காட்டுக்கு, வெளிநாட்டில் இருப்பவர்களும் கடனில் இருக்கிறார்கள், உள்நாட்டில் இருப்பவர்களும் கடனில் இருக்கிறார்கள்.

ஏன்?

தேவைகளை அதிகரிப்பதே. ஒரு வீடு, நிலம் என்று நிறுத்துவதில்லை, மேலும் மேலும் வாங்க ஆசைப்படும் போது பணத்துக்கான தேவை அதிகரிக்கிறது.

எனவே, இயல்பாகவே மனஉளைச்சல்களை ஏற்படுத்துகிறது.

நான் இதிலிருந்து விலகிவிட்டேன்.

என் அடிப்படை தேவைகளை மட்டுமே பார்ப்பதால், கடந்த 5 வருடங்களாக குறிப்பாக வெளிநாட்டிலிருந்து இந்தியா வந்த பிறகு நிம்மதியாக இருக்கிறேன்.

தேவைகளை, எதிர்பார்ப்புகளைக் குறைத்து கொண்டேன். எனவே, எனக்கு பணச்சிக்கல் எதுவுமில்லை.

பணத்தேவை வந்தாலும், கடவுள் அருளால் தானாகவே யாராவது உதவி செய்து விடுகிறார்கள்.

“பணமிருப்பார்கள் இந்த பூஜைகளையும், மற்ற சடங்குகளையும் செய்ய இயலும்.. ஆனால் பணமில்லாதவர்களின் நிலை?”

இதில் குழம்ப ஒன்றுமே இல்லை. எதையும் செய்யாமல் இருப்பது தான் நல்லது.

கடவுள் இதையெல்லாம் செய்யக்கூறுவதில்லையே. நாம் தானே இதெல்லாம் செய்ய வேண்டும் என்று நினைக்கிறோம்.

பணம் இருந்தால் செய்யலாம் இல்லையென்றால், கோவிலுக்கு சென்று கும்பிட்டுவிட்டு வந்தால் முடிந்தது.

எதிர்பார்ப்புகளை குறைத்தால், நிம்மதி தானாக வரும்.

“இந்த பரிகாரம், சடங்குகளுக்கு பின் இறுதியில் இருப்பது பணம் ஒன்று மட்டுமே.”

முழுக்க அப்படி சொல்ல முடியாது. எனக்கு அப்படியில்லை.

கடவுள் எனக்கு போதுமான அளவு கொடுத்து இருப்பதாகவே உணர்கிறேன். எனவே, பணத்தை கேட்டு என்றும் வேண்டுவதில்லை.

வேறு பிரச்சனைகள் வரும் போது அதை சரி செய்ய வேண்டுவேன் அவ்வளவே.