உச்சநீதிமன்ற நீதிபதி என்ன சொல்ல வருகிறார்?

கிரி, கடந்த சில நாட்களாக நடைபெற்று வரும் இந்த பிரச்சனையை பற்றி நான் அதிகம் எந்த செய்திகளையும் பார்க்கவில்லை.. காரணம் ஊடகங்களில் சிறிய செய்திகளை கூட இவர்கள் பேசி பேசியே ஊதி பெரியதாகி உலக அளவில் பார்வையை கொண்டு வந்து விடுவார்கள்.. கிட்டத்திட்ட இந்த பிரச்சனையில் நடந்ததும் இது தான்.. மீடியா, (வடிவேல் சொல்வது போல தான், “இவங்க புடுங்கறது எல்லாம் தேவையில்லாத ஆணிதான்”..).

இந்தியா போன்ற பரந்து விரிந்த ஒரு தேசத்தில் பல மதங்கள், பல கோட்பாடுகள், பல சட்டதிட்டங்கள், பல சடங்குகள் என இருக்கிறது.. இது சரியா? தவறா? என்பதை அந்தந்த மதத்தை பின்பற்றுபவர்கள் முடிவு செய்ய வேண்டிய விஷியம்..இதெல்லாம் ஒரு நாளில் ஏற்பட்டது இல்லை.. பல ஆண்டுகளாக நடைமுறையில் இருப்பவைகள்..

ஒரு மதத்தை சேர்ந்தவர்கள், மற்ற மதங்களின் கோட்பாடுகளை மதிக்க வேண்டும்.. அதை விட்டு உங்கள் மதம், பெரிதா, எங்கள் மதம் பெரிதா என்ற வீண் தர்க்கம் தேவையில்லை.. இது வரம்பு மீறும் போது தேவையில்லாத குழப்பங்களும் சர்ச்சைகளும் ஏற்படுகிறது.. இது தொடரும் பட்சத்தில் அது கலவரமாகவும் சில சமயம் மாறி விடுகிறது.. இதில் பெரும்பாலும் பாதிக்கபடுவது ஒன்றுமே செய்யாத அப்பாவி பொது மக்கள் தான்..

என்னை பொறுத்தவரை எல்லா மதத்தினரையும் சகோதர்களாக மதிக்க வேண்டும்..அவர்களுடன் நட்பு பாரட்ட வேண்டும்.. என் தந்தை,பாட்டன், பூட்டன் இவ்வாறு தான் வாழ்ந்தார்கள்.. நானும் அவ்வாறு தான் வாழ விரும்புகிறேன்.. என் சந்ததிக்கும் இதை தான் கற்று கொடுப்பேன்..

நண்பர் சக்தி இந்து மதத்தை சேர்ந்தவராக இருந்தாலும், கிட்டத்திட்ட 17 ஆண்டுகளுக்கு மேல் நட்பு பாராட்டி வருகிறோம்.. எங்கள் இருவருக்குள்ளும் மதம் சம்பந்தபட்ட, விவாதமோ, தர்க்கமோ என்றுமே ஏற்பட்டதில்லை.. இனியும் வராது என்பதில் இருவரும் உறுதியாக இருக்கிறோம்..

ஒவ்வொருவரும் பிற மதத்தை பற்றி எந்த ஒரு கருத்தும் கூறாமல் சகிப்பு தன்மையுடன் நடந்தாலே இந்த பிரச்சனைகள் முடிவுக்கு வரும். சிங்கப்பூர் சுதந்திரம் அடைந்த காலத்தில் இன கலவரங்கள் மிகுதியாக நடந்ததாகவும் கடுமையான சட்டங்கள் மூலம் அந்நாட்டு அரசாங்கம் சமநிலையை கொண்டுவந்ததாகவும் அறிந்திருக்கிறேன்…ஆனால் இந்த நாட்டு அரசாங்கத்திடம் இருந்து அப்படிப்பட்ட வலிமையான நடவடிக்கைகளை எதிர்பாக்க முடியாது ….

கிரி. ராஜஸ்தான் மாநிலம் உதய்பூர் கன்ஹையா லால் கொலையை பற்றி உங்கள் கருத்து என்ன? அதை பற்றி நீங்கள் கட்டுரை எழுதுவீர்கள் என நினைத்தேன். மிக மோசமான சகிப்புத்தன்மையற்ற இஸ்லாமிய மதவெறியர்களால் நடத்தப்பட்ட கொடூர கொலை. அந்த வீடியோவை பார்த்தாலே பதைபதைக்கிறது.

Harish சொல்வது போல் பா.ஜ.க. உறுப்பினர்களான உதய்பூர் கன்ஹையா லால் கொலையாளிகள் பற்றி நன்றாக எழுதுங்கள் கிரி. பா.ஜ.க. வின் இரட்டை வேடத்தை அம்பலப்படுத்துங்கள். உங்களைப் போன்ற நியாயமான எழுத்தாளர்கள் தான் இதற்கு முன் வர வேண்டும்.

@யாசின்

“ஊடகங்களில் சிறிய செய்திகளை கூட இவர்கள் பேசி பேசியே ஊதி பெரியதாகி உலக அளவில் பார்வையை கொண்டு வந்து விடுவார்கள்.. கிட்டத்திட்ட இந்த பிரச்சனையில் நடந்ததும் இது தான்”

சரியாகக் கூறினீர்கள். ஊடகங்களே நாட்டின் நடக்கும் பல பிரச்சனைகளுக்கு காரணம்.

“வடிவேல் சொல்வது போல தான், “இவங்க புடுங்கறது எல்லாம் தேவையில்லாத ஆணிதான்”

🙂

“இந்தியா போன்ற பரந்து விரிந்த ஒரு தேசத்தில் பல மதங்கள், பல கோட்பாடுகள், பல சட்டதிட்டங்கள், பல சடங்குகள் என இருக்கிறது.. இது சரியா? தவறா? என்பதை அந்தந்த மதத்தை பின்பற்றுபவர்கள் முடிவு செய்ய வேண்டிய விஷியம்..இதெல்லாம் ஒரு நாளில் ஏற்பட்டது இல்லை.. பல ஆண்டுகளாக நடைமுறையில் இருப்பவைகள்..”

மாற்றுக்கருத்தில்லாமல் ஏற்றுக்கொள்கிறேன்.

“ஒரு மதத்தை சேர்ந்தவர்கள், மற்ற மதங்களின் கோட்பாடுகளை மதிக்க வேண்டும்.. அதை விட்டு உங்கள் மதம், பெரிதா, எங்கள் மதம் பெரிதா என்ற வீண் தர்க்கம் தேவையில்லை”

இது தான் உண்மை ஆனால், இப்பிரச்சனையை தடுக்க முடியாது என்பது கசப்பான உண்மை.

“என்னை பொறுத்தவரை எல்லா மதத்தினரையும் சகோதர்களாக மதிக்க வேண்டும்..”

எல்லோரும் உங்களைப் போலவே இருந்து விட்டால், நாட்டில் பிரச்சனைகளே இருக்காது ஆனால், உங்களைப்போல உள்ளவர்கள் சதவீதம் வெகு குறைவே.

“எங்கள் இருவருக்குள்ளும் மதம் சம்பந்தபட்ட, விவாதமோ, தர்க்கமோ என்றுமே ஏற்பட்டதில்லை.. இனியும் வராது என்பதில் இருவரும் உறுதியாக இருக்கிறோம்.”

மகிழ்ச்சி யாசின் 🙂 . இதே போலவே தொடர வேண்டும் என்பதே என் விருப்பமும்.

என் மனதிலும் உங்களுக்கு எப்போது ஒரு இடம் இருக்கும் யாசின். உங்களை போன்றவர்களின் நட்பை இழக்க நான் என்றுமே நினைத்ததில்லை.

சக்தி போலவே நம் நட்பும் தொடர இறைவனை வேண்டுகிறேன்.

@payapulla

“ஒவ்வொருவரும் பிற மதத்தை பற்றி எந்த ஒரு கருத்தும் கூறாமல் சகிப்பு தன்மையுடன் நடந்தாலே இந்த பிரச்சனைகள் முடிவுக்கு வரும்.”

மிகச்சரி. அவரவர் மதம் அவரவருக்குச் சிறப்பு. தேவையற்ற கருத்துகளைத் தவிர்க்க வேண்டும்.

“சிங்கப்பூர் சுதந்திரம் அடைந்த காலத்தில் இன கலவரங்கள் மிகுதியாக நடந்ததாகவும் கடுமையான சட்டங்கள் மூலம் அந்நாட்டு அரசாங்கம் சமநிலையை கொண்டுவந்ததாகவும் அறிந்திருக்கிறேன்”

இது போல நடந்து கொள்ளும் நபர்களை வெளுத்து, ஐந்து / பத்து வருடங்கள் என்று சிறையில் தள்ளினால் எல்லோரும் மூடிட்டு இருப்பானுக.

கடுமையான தண்டனை இல்லாததே இது போல நடக்க காரணம்.

“இந்த நாட்டு அரசாங்கத்திடம் இருந்து அப்படிப்பட்ட வலிமையான நடவடிக்கைகளை எதிர்பாக்க முடியாது ….”

இந்தியாவில் அப்படி முடியாது காரணம், சிங்கப்பூர் ஜனநாயக நாடாக இருந்தாலும் கட்டுப்பாடான ஜனநாயகமே உள்ளது.

இந்தியாவில் நடந்து கொள்வது போல, பேசுவது போல இருக்க முடியாது.

ஒருவகையில் நல்லது, ஒருவகையில் கெட்டது.

அங்கே சில வருடங்கள் வசித்தவன் என்ற முறையில் கூறுகிறேன். பிரச்சனைகள் இருந்தாலும் எனக்கு இந்தியாவே பிடித்துள்ளது.

@ஹரிஷ்

“கிரி. ராஜஸ்தான் மாநிலம் உதய்பூர் கன்ஹையா லால் கொலையை பற்றி உங்கள் கருத்து என்ன? அதை பற்றி நீங்கள் கட்டுரை எழுதுவீர்கள் என நினைத்தேன்”

இது போன்ற உணர்ச்சிகரமான நிகழ்வுகளில் உடனே கருத்து கூறுவதில்லை என்பதை சில வருடங்களாக பின்பற்றி வருகிறேன்.

காரணம், இவ்வாறு கூறி சில காரணங்களால் பின்னர் நாம அவசரப்பட்டு கூறி விட்டோமே என்று நினைத்துள்ளேன். எனவே, முன்பு போன்று தற்போது எழுதுவதில்லை.

கொஞ்சம் தெளிவான நிலைக்கு வந்த பிறகு, மனம் தெளிவடைந்து ஆசுவாசமான பிறகு மொத்தப் பிரச்சனையையும் கூறும் போது மற்றவற்றையும் ஒரு பகுதியாக கூறி விடுகிறேன்.

இக்கட்டுரையில் கூறியது போல.

பலரும் உணர்ச்சிகரமாக இருக்கும் மன நிலையில் நாமும் அதைத் தூண்டும் நபராக இருந்து விடக்கூடாது என்ற எச்சரிக்கையே காரணம், வேறு எதுவுமில்லை.

ஆனால், நான் கூற நினைக்கும் கருத்தை யாருக்கும் பயப்படாமல் தைரியமாக கூறுவேன் காரணம், நான் யாரையும் திருப்தி செய்ய நினைப்பதில்லை.

என் மனசாட்சிக்கு மட்டுமே பயப்படுவேன். மற்றவர்கள் என்ன நினைப்பார்கள் என்பது பற்றி கவலையில்லை.

@Muhammad Fahim

ரொம்ப வருடங்களுக்குப் பிறகு வருகிறீர்கள் என்று நினைக்கிறன்.

“Harish சொல்வது போல் பா.ஜ.க. உறுப்பினர்களான உதய்பூர் கன்ஹையா லால் கொலையாளிகள் பற்றி நன்றாக எழுதுங்கள் கிரி. பா.ஜ.க. வின் இரட்டை வேடத்தை அம்பலப்படுத்துங்கள்”

நான் யாருங்க அம்பலப்படுத்த.. எனக்கு என்ன தெரியும்? செய்திகளில் வந்ததை வைத்து எழுதுகிறேன் அவ்வளவே.

வழக்கு பதியப்பட்டுள்ளது. நீதிமன்றம் விசாரணை செய்து தீர்ப்பை வழங்கப்போகிறார்கள். வரும் தீர்ப்பை ஏற்றுக்கொள்வோம், அவ்வளவே.

“உங்களைப் போன்ற நியாயமான எழுத்தாளர்கள் தான் இதற்கு முன் வர வேண்டும்.”

கலாய்க்கிறீர்களா உண்மையாக கூறுகிறீர்களா என்று தெரியவில்லை 🙂 .

ரொம்ப வருடங்களுக்கு பிறகு வந்துள்ளீர்கள் என்பதால், நான் எழுதிய கட்டுரைகளை தவற விட்டு இருக்கலாம்.

எனவே இக்கட்டுரையை படித்துப் பாருங்கள். நியாயமான எழுத்தாளர்கள், நபர்கள் என்று உலகில் எவரும் இல்லை என்பதே என் கருத்து.

https://www.giriblog.com/neautral-is-possible-or-not/

கிரி நீங்கள் மேலே குறிப்பிட்ட கட்டுரையை முன்பே வாசித்து இருக்கிறேன். உங்கள் நிலைப்பாடு புரிகிறது. நபிகள் நாயகத்திடம் ஒருவர் வந்து ஒருவர் தமது சமூகத்தை ஆதரிப்பது இனவாதமாக ஆகுமா என்று கேட்டார். அதற்கு நபியவர்கள் இனவாதமாக ஆகாது. ஆனால் ஒரு சமூகம் தவறு செய்தால் அதை‌ நமது சமூகம் என்பதற்காக ஆதரிப்பது இனவாதமா கும் என்றார்கள். இந்த உண்மையை எல்லாரும் விளங்கி நடந்தால் நல்லது.