கனவு வீடு என்ன ஆகும்?

// சிங்கப்பூரிலிருந்து வர முடிந்த என்னால், சென்னையிலிருந்து கோபிக்கு போய் விட முடியாதா?!

உங்கள் கட்டுரையை 15 வருடங்களுக்கு மேலாக படித்து வருகிறேன்.
நீங்கள் செய்ய கூடியவர் என்பதை பார்த்திருக்கிறேன்.

எனக்கு பிடித்த பணி என் வீட்டிலிருந்து செல்லும் தொலைவில் கிடைத்த காரணத்தினாலேயே மிக நீண்ட காலம் (10yrs) ஒரே நிறுவனத்தில் இருந்தேன். பிறகு எதிர்காலம் கருதி வேறு மாநிலத்திற்கு சென்றும் WFH கார்ணமாக வீட்டிலிருந்தே 2 ஆண்டுகளாக பணிபுரிகிறேன் 😃. சொந்த ஊரில் இருப்பதே என் விருப்பம் 🙏🏽

வாழ்நாள் கனவு : ஒரு சாதாரண குடும்பத்தில் வளர்ந்ததால் பெரிய கனவுகளை கண்டதில்லை.. சொல்லப்போனால் கனவு காண எண்ணியது கூட இல்லை. சில ஆண்டுகளுக்கு பின் பொருளாதாரத்தில் முன்னேற்றம் ஏற்பட்ட பிறகும் வாழ்நாள் கனவு என்று இதுவரை ஏதும் இல்லை.. ஆனால் சம்பாரிக்க தொடங்கும் முன், என் தாத்தாவிற்கு (என் தந்தை சிறு வயதில் தவறியதால், எனக்கு மிகவும் பிடித்தவர்) அவர் போதும், போதும் என்னும் அளவிற்கு பணத்தை அதிகம் கொடுக்க வேண்டும் என்ற விருப்பம் இருந்தது. அதை அவர் மரணிக்கும் வரை செய்ய முடிந்தது.

படையப்பா படத்தில் (வெற்றி கொடி கட்டு) பாடலின் நடுவில் வரும் வரிகளை தற்போது கேட்டாலும் ஒரு கணம் யோசிக்க வைக்கும்..

யாருக்கும் தீங்கின்றி
வாழ்பவன் மனிதன்
ஊருக்கே வாழ்ந்து
உயர்ந்தவன் புனிதன்..

கிட்டத்திட்ட இது போன்ற வாழ்க்கையை தான் வாழ வேண்டும் என்ற சிந்தனை எப்போதும் உண்டு..

அதே போல் அம்மாவின் ஒரே ஆசை / விருப்பம் / கனவு சொந்த வீடு மட்டுமே.. காரணம் 40 ஆண்டுகளுக்கு மேலாக வாடகை வீடுகள் மாறி மாறி வசித்து வந்ததால் அவரின் விருப்பம் சொந்த வீடு என்பது தான். கடவுள் கிருபையால் இந்த இரண்டையும் என்னால் நிறைவேற்ற முடிந்தது..ஒவ்வொரு வீட்டையும் காலி செய்து விட்டு வேறு வீட்டிற்கு போகும் போது “எப்படா” இந்த நிலை மாறும் என்று இருக்கும். பொதுவாக என் அம்மா அவரின் எமோஷன்ஸ் வெளிக்காட்டி கொள்ளமாட்டார்.

சொந்த ஊரிலேயே வாழ்ந்து, சொந்த வீட்டிலேயே இருந்து பணிக்குச் சென்று வருபவர்கள், என்னைப்பொறுத்தவரை ஆசீர்வதிக்கப்பட்டவர்கள் – 200% நிச்சயம் ஏற்று கொள்கிறேன். இதே கருத்தை நான் என் கல்லூரி நண்பர்களிடம் பகிரும் போது அவர்களின் பார்வை வேறு மாதிரி இருக்கிறது.. நீங்கள் சொல்வது போல் அக்கரைக்கு இக்கரை பச்சை. பொதுவாக வெளிநாட்டு வேலை என்பது நண்பர்களிடம் வேறு மனநிலை உள்ளது.. பெரியப்பா பையன் திருச்சியில் ரயில்வே பணியில் இருக்கிறான்.. என்னை விட இரண்டு வயது சிறியவன். அவனிடம் சில நேரம் இது போன்றவைகள் குறித்து பேசுவதுண்டு..

சிங்கப்பூரிலிருந்து வர முடிந்த என்னால், சென்னையிலிருந்து கோபிக்கு போய் விட முடியாதா?! கடவுள் கருணை காட்டுவார் என்று நம்புகிறேன் : – நிச்சயம் உங்களால் முடியும் கிரி.. நீங்கள் பொதுவாக சரியான திட்டமிடுதலுடன் எல்லா காரியத்தையும் செய்வதால் நிச்சயம் உங்கள் எண்ணம் நிறைவேறும்.. கிட்டத்திட்ட சக்தியும் இப்படி தான்.. முறையாக திட்டமிட்டு சரியாக செய்வார்..

@சங்கர்

“உங்கள் கட்டுரையை 15 வருடங்களுக்கு மேலாக படித்து வருகிறேன்.
நீங்கள் செய்ய கூடியவர் என்பதை பார்த்திருக்கிறேன்.”

உங்களுடைய நம்பிக்கைக்கு நன்றி சங்கர் 🙂 .

என் எழுத்தின் மூலம் படிப்பவர்களுக்கு என்னைப் பற்றிய ஒரு உறுதியாக புரிதலைக் கொடுத்துள்ளேன் என்பது மகிழ்ச்சி.

@பாலா

“பிறகு எதிர்காலம் கருதி வேறு மாநிலத்திற்கு சென்றும் WFH கார்ணமாக வீட்டிலிருந்தே 2 ஆண்டுகளாக பணிபுரிகிறேன் 😃. சொந்த ஊரில் இருப்பதே என் விருப்பம் 🙏🏽”

அருமை. உங்கள் மகிழ்ச்சி தொடர என் அன்பான வாழ்த்துக்கள் 🙂 .

@யாசின்

“ஒரு சாதாரண குடும்பத்தில் வளர்ந்ததால் பெரிய கனவுகளை கண்டதில்லை.. சொல்லப்போனால் கனவு காண எண்ணியது கூட இல்லை.”

வியப்பாக உள்ளது யாசின். வழக்கமாக சாதாரண குடும்பத்தில் உள்ளவர்களுக்கு தான் ஒரு குறிக்கோள், நோக்கம்.. இதை அடைய வேண்டும் என்ற வெறி இருக்கும்.

“அவர் போதும், போதும் என்னும் அளவிற்கு பணத்தை அதிகம் கொடுக்க வேண்டும் என்ற விருப்பம் இருந்தது. அதை அவர் மரணிக்கும் வரை செய்ய முடிந்தது.”

படிக்கவே மகிழ்ச்சியாக உள்ளது.

நானும் இது போன்று அம்மாவிடம் கூறியுள்ளேன், அதைத் தற்போதும் பின்பற்றி வருகிறேன்.

பணத்துக்காக கடந்த 15 வருடங்களாக என் அம்மாவைக் காக்க வைத்தது இல்லை.

பல வருடங்களாக பணத்துக்காக சிரமப்பட்டவர்கள் என்பதால், என் பொறுப்பு வந்த பிறகு அந்த சிரமத்தைக் கொடுக்கவில்லை.

எனக்கு இதில் பரம திருப்தி,

“கடவுள் கிருபையால் இந்த இரண்டையும் என்னால் நிறைவேற்ற முடிந்தது..ஒவ்வொரு வீட்டையும் காலி செய்து விட்டு வேறு வீட்டிற்கு போகும் போது “எப்படா” இந்த நிலை மாறும் என்று இருக்கும்.”

நிச்சயம் சொந்த வீடு என்பது பலருக்கு மிகப்பெரிய எதிர்பார்ப்பே.

செல்லும் வீட்டில் ஓனர் சரியாக அமைந்தால் பிரச்சனையில்லை, இல்லையென்றால் வெறுப்பே மிஞ்சும்.

“நீங்கள் பொதுவாக சரியான திட்டமிடுதலுடன் எல்லா காரியத்தையும் செய்வதால் நிச்சயம் உங்கள் எண்ணம் நிறைவேறும்.”

நீங்கள் கூறுவது சரி தான், நான் எதையும் திட்டமிட்டே செயல்படுத்துவேன். முன்கூட்டியே அனைத்தையும் திட்டமிடுவேன்.

இப்ப நீங்க, சங்கர் கூறுவதை பார்க்கும் போது பலருக்கு என்னைப்பற்றிய புரிதல் இருக்கு என்றே புரிந்து கொள்கிறேன்.

கட்டுரையை படிப்பதோடு நிறுத்தாமல், எழுதப்படும் கருத்துகளில் எடை போடும் போக்கும் அனைவரிடமும் உள்ளது என்பதும் புரிகிறது.

சரியோ தவறோ கிரின்னா இப்படித்தான் என்ற எண்ணத்தை கொடுத்துள்ளேன் என்பது புரிகிறது.

கூடுதலாக இன்னொன்றையும் கூற விரும்புகிறேன்.

பெரும்பாலானவர்களுக்கு இரு முகங்கள் அல்லது மூன்று முகங்கள் இருக்கும்.

ஒன்று சமூகத்தளங்களில், இன்னொன்று வீட்டில், இன்னொன்று தனிப்பட்ட முறையில் சந்திக்கும் போது.

அதாவது நேரில் பேசும் போது சமூகத்தளங்களில் அப்படி எழுதறாரு ஆனால், நேரில் இப்படி பேசுகிறாரே அல்லது நடந்து கொள்கிறாரே என்ற முகங்கள் இருக்கும்.

சிலர் எழுத்துக்கும் வீட்டில் நடந்து கொள்வதற்கும் பெரும் வித்யாசம் இருக்கும்.

அதாவது சமூகத்தளங்களில் பெண்ணியம், புரட்சி என்பார்கள் ஆனால், வீட்டில் வேறு மாதிரி இருப்பார்கள்.

ஆனால், எனக்கு ஒரே முகம் தான்.

இங்கே எப்படி எழுதுகிறேனோ அதே தான் வீட்டிலும் இருப்பேன், நேரிலும் நடந்து கொள்வேன். சிலர் இதைக் குறிப்பிட்டுள்ளார்கள்.

சிலர் குறிப்பிட்டு சொன்ன பிறகே சிலருக்கு பல முகங்கள் உள்ளது என்பதே தெரிந்தது.