மகளுக்கு வில்லியாகும் அம்மாக்கள்

கிரி.. பதிவை முழுவதும் படித்த பிறகு என் வாழ்வில் நடந்த சில நிகழ்வுகளை நான் பகிர விரும்புகிறேன்..

ஒரு கட்டத்தில் திருமணமே வேண்டாம்.. வாழ்க்கையை இப்படியே தனியாவே வாழ்ந்து விடலாம் என்ற போக்கில் தான் சில ஆண்டுகள் இருந்தேன்.. ஒரு கட்டத்தில் திருமணம் செய்து கொள்ளலாம் என்று முடிவெடுத்த போது, ஒரே ஒரு விஷியத்தில் மட்டும் உறுதியாக இருந்தேன்.. திருமணம் செய்ய போகும் பெண்ணுடன் கண்டிப்பாக நிச்சயத்துக்கு முன் பேச வேண்டும் (காரணம் என் நண்பர்கள் வட்டத்தில் (கல்லூரி, உறவினர்) திருமணமாகி சில நாட்களிலே கருத்து வேறுபாட்டால் சில குடும்பத்தில் பிரச்சனையாகி இருந்தது..அதிலும் குறிப்பாக என் நெருங்கிய நண்பனுக்கும் திருமணமாகி இதே பிரச்சனை..

ஒரே காரணம் என்னை பற்றி முழுமையாக பெண்ணிடம் கூற வேண்டும்.. கடந்த காலம், நிகழ்காலம் எல்லாவற்றையும்.. அது போல பெண்ணை பற்றியும் எனக்கு தெரியவேண்டும்.. இருவரும் ஓகே என்றால் தான் திருமணம்.. இல்லை ஏதாவது பழைய லவ் கிவ்க்கு இருந்தால், நம்ம கை காச போட்டாவது கல்யாணத்த செஞ்சி வச்சிடலாம், (இத்தனை வருடங்கள் லைப் ல பெரிய அளவில் சந்தோஷம் இல்லனாலும் தனியா நிம்மதியா இருக்குறன்.. இந்த நிம்மதியும் போயிடுச்சினா, லைப் ல எல்லாம் ஜீரோவாகி போயிடும் என்பதால்) ஒரு நிபந்தனையில் உறுதியாக இருந்தேன்..

எங்கள் உறவினர் இல்லாத தெரியாத குடும்பத்தில் வெகு தொலைவில் ஒரு பெண்ணை பார்க்க போகிறோம் என்று கூறி கிளம்பி போன என் குடும்பம் & உறவினர்கள், பெண்ணை ஓ.கே செய்து விட்டு தான் என்னிடமே கூறினார்கள்.. நான் பெண் பார்க்க தானே போனனீங்க??? இப்ப ஓகே ஆகிடுச்சினு சொல்லறீங்கன்னு!!! என்ன முடிவு எடுக்க வேண்டும் என்று தெரியாத சூழலில், குழப்பத்தில் எனக்கு தற்போது திருமணம் வேண்டாம் என்று கூறி விட்டேன்.. வீட்டில் எல்லோர்க்கும் அதிர்ச்சி. நம்ம சொந்தக்கார பய புள்ளைங்க, சோத்துல வேற கைய வச்சிட்டு வந்துட்டாங்க வேற!!!

(ஒவ்வொரு முறையும் பெண் பார்க்க செல்லும் போது, இன்பமாக இருந்த மனநிலை பெண்ணை முடிவு செய்து விட்டேன் என்ற போது துன்பமாகி போனது.. என் நிபந்தனை தான் காரணம்).. வேறு எந்த பெண்ணை பார்க்கும் மனநிலையில் வீட்டில் யாரும் இல்லை.. எனக்கும் திருமணமே வேண்டாம் என்ற எண்ணத்தில் நானும் வந்து விட்டேன்..

இப்படியே 4 / 5 மாதம் சென்ற நிலையில், மிகவும் நெருங்கிய நண்பனின் (நாங்க ரெண்டு பேரும் தான் இந்த நிபந்தனை வேணுமுன்னு பேசி வச்சி இருந்தோம்) திருமணம் முடிவான போது, நான் SHORT விடுமுறையில் அவன் திருமணத்தில் கலந்து கொள்ள ஊருக்கு சென்றேன்.. நான் ஏன் என் திருமணதிற்கு சம்மதிக்கவில்லை (பெண்ணை நிராகரித்த காரணத்தை) என் நிலைப்பாட்டை என் பெரியப்பா பையனிடம் (அவனுக்கு திருமணமாகி இருந்தது) கூறி இருந்தேன்.. இது ஒரு சப்பை மேட்டர்னு, அவன் உடனே என் நண்பனின் தந்தையிடம் கூறி மீண்டும் முன்பு பார்த்த பெண்ணை திருமணம் செய்ய நான் ஓகே என்று சொல்லி விட்டேன் என்று சொல்லி விட்டான்..

அவர் என்னிடம் விசாரித்து என் முடிவை கேட்ட போது (குழப்பமான மனநிலையில்,நானும் பெரிய தியாகி போல) தற்போது வரை அந்த பெண்ணுக்கு திருமணம் நடைபெறவில்லை என்றால் நான் திருமணம் செய்து கொள்கிறேன் என்று உறுதி அளித்தேன்.. நிபந்தனை காற்றில் கரைந்து போனது… பல நாட்களாக மனதில் ஒடி கொண்டிருந்த என்ன ஓட்டங்கள் எல்லாம் ஒரு நொடியில் போனது போல ஒரு எண்ணம்.. அதே சமயம் இது தான் வாழ்கையையோ?? என்று தோன்றியது.

பின்பு பெண் வீட்டில் கேட்ட போது (இன்னும் பெண்ணுக்கு திருமணமாகாததால்) மிகவும் இறுக்கமான சூழலில், அவர்கள் என்னை பார்க்க வருவதாக கூறினார்கள்.. அவர்கள் வந்த போது எந்த பகட்டுமில்லாமல்,(என் தாத்தா,அம்மா, சித்தி, நண்பனின் தந்தை, சில உறவினர்கள்) முன்னிலையில் (குடும்ப நிலையையும், பொருளாதாரத்தையும் குறித்து) உள்ளதை உள்ள படி கூறினேன். அவர்களும் சில தினங்களில் ஓகே கூறி.. உடனே நிச்சயத்துக்கு தேதி குறித்தார்கள்.. அந்த விடுமுறையிலே நிச்சயம் நடந்தது.. அடுத்த ஆறு மாதத்தில் திருமணம் என்று முடிவெடுக்கப்பட்டது.. பின்பு எல்லாம் இனிதே நடைபெற்றது.

திருமணம் நடந்து முடிந்து சில நாட்களில் இவ்வளவு பிரச்சனைகள் போது, என்னை எவ்வாறு உங்கள் வீட்டில் ஓகே செஞ்சீங்க என்று மனைவியிடம் கேட்ட போது, எங்க வீட்டில் யார்க்கும் பெரியதா? அந்த சமயத்தில் உடன்பாடு இல்லை.. ஆனால் எங்க அம்மா (மாமியார்) மட்டும் நீங்கள் அன்றைய தினம் ஓபன் ஆகா பேசியதும், வந்தவர்களிடம் நடந்து கொண்ட விதமும், எல்லாவற்றிக்கும் மேல் நீங்களே வந்தவர்களுக்கு பாய் எடுத்து போட்டு, எல்லா வேலையையும் செய்ததை பார்த்த போதே எங்க அம்மா முடிவு செய்து விட்டார்கள்னு மனைவி கூறினார்கள்.. எங்க வீட்டில் என் தம்பிகள் ஒரு துரும்பை கூட நகர்த்த மாட்டார்கள் என்றார். சில சூழலில் தற்போது வரை மனைவிக்கு புரிய வைப்பதே அவரின் அம்மா தான்..

இங்கு நான் குறிப்பிட வந்த விஷியம், கணவன் / மனைவி இடையில் வரும் சிறு உரசல்களுக்கு மனைவியின் அம்மா சரியாக இருந்து விட்டாலே 80% பிரச்சனை இருக்காது.. நீங்கள் சொல்வது போல் அம்மாக்கள் சாவி கொடுக்கும் போது தான் பிரச்சனை இன்னும் அதிகரிக்கிறது.. இவர்கள் சரியாக இருந்தால் எந்த பிரச்சனைகளும் இருக்காது.. உண்மையை சொல்ல போனால் 10 / 15 / 20 ஆண்டுகளுக்கு முன்பு இருந்த சூழல் தற்போது இல்லை.. நீங்கள் குறிப்பிடுவது போல பொருளாதார நிலையில் பெண்களும் மேலோங்கி விட்டார்கள்..

கணவன் / மனைவி பிரச்சனையில் 3 ஆவது நபர்களை என்றுமே அனுமதிக்க கூடாது.. அவர்கள் நமக்கு உதவுவது போல தோன்றினாலும், நாம் சேர்ந்தே விட கூடாது என்பதில் மிகவும் தெளிவாக இருப்பார்கள்.. 3 வது நபரின் சொந்த குடும்பத்திலே வில்லனாக இருப்பார்கள்.. ஆனால் மற்றவர்களின் பிரச்சனையும் போது ஜென்டில்மேன் போன்ற பிம்பத்தை காண்பிப்பார்கள்..

விரும்பினாலும், விரும்பா விடினும் திருமணம் முதல் காதலை போல நம்மை நோக்கி வரும் என்பது தவிர்க்க இயலாதது.. அதை நாம் எப்படி எதிர்கொள்கிறோம் என்பது அவரவர் கையில் தான் உள்ளது.. உங்களுக்கனான அதே பிரச்சனை எனக்கு ஏற்படாது.. என்னை போல அடுத்தவர்களுக்கு ஏற்படாது.. இந்த சூட்சுமத்தை புரிந்து கொண்டாலே வாழ்க்கை வெற்றி தான்!!!!

தற்போதைய இளைய தலைமுறை வாழ்க்கையை தொடங்கி, அது என்ன வென்றெ புரியும் முன்னரே பிரச்சனை, விவாகரத்து என்று தடம் மாறி விடுகின்றார். கூட்டு குடும்பமாக இல்லாமல் போனதும், நல்ல ஆலோசனைகளை அளிக்க யாரும் இல்லாமல் போனதும் ஒரு காரணமாகும்.. GOOD NIGHT படத்தில் அவர்களின் திருமணம் முடிந்து வரும் காட்சிகளை இயக்குனர் அருமையாக காட்சிபடுத்தி இருப்பார்.. நாயகன் / நாயகி இருவரும் இயல்பாக நடித்து இருப்பார்கள்.. இது வரை பார்க்க வில்லை என்றால் பார்க்கவும் கிரி..

மீண்டும் அருமையான வலைப்பதிவு. யாசினின் கருத்தும் குறிப்பிடத்தக்கது

@யாசின்

உங்களுடைய அனுபவம் பலருக்கு இருக்கும். அதாவது மறுத்த பெண்ணையே திரும்பத் திருமணம் செய்ய வேண்டிய நிலை 🙂 . இது இருவருக்குமே பொருந்தும்.

அப்பாவுக்கு கடன் இருந்ததால், எனக்கு பொண்ணே யாரும் கொடுக்க மறுத்து விட்டார்கள். அதனால், நான் தேர்வு செய்யும் நிலையில் இல்லை.

எல்லாம் முடிந்த பிறகே கூறினார்கள்.

நானும் உங்களைப்போல மனைவியிடம் பேசினேன். பின்னர் புரிந்தது, அப்போது கேட்பது சம்பிரதாயமாக தான் இருக்கும் உண்மையான பதிலாக இருக்காது என்று.

யார் என்ன நினைத்தாலும், கடவுள் போடும் முடிச்சு தான் இறுதி.

“சில சூழலில் தற்போது வரை மனைவிக்கு புரிய வைப்பதே அவரின் அம்மா தான்..”

இது போன்றவர்களும் நிறைய இருக்கிறார்கள்.

என் மாமியார் அப்படிப்பட்டவர் தான். என் அம்மா அப்படிப்பட்டவர் தான். அக்காக்கள் ஏதாவது கருத்து வேறுபாடு கூறினால், அவர்களுக்கு புரிய வைப்பார்.

பக்குவமாக எடுத்துக்கூறுவார்.

ஆனால், கட்டுரையில் கூறியுள்ளதும் உண்மை. இது போன்றவர்களும் உள்ளார்கள். காரணம், நான் பார்த்ததையே எழுதி உள்ளேன்

“இங்கு நான் குறிப்பிட வந்த விஷியம், கணவன் / மனைவி இடையில் வரும் சிறு உரசல்களுக்கு மனைவியின் அம்மா சரியாக இருந்து விட்டாலே 80% பிரச்சனை இருக்காது.”

சரியாகக் கூறினீர்கள்.

“தற்போதைய இளைய தலைமுறை வாழ்க்கையை தொடங்கி, அது என்ன வென்றெ புரியும் முன்னரே பிரச்சனை, விவாகரத்து என்று தடம் மாறி விடுகின்றார். ”

தற்போது படுமோசமாகி விட்டது.

GOOD NIGHT பார்த்து விட்டேன் நல்ல படம். இப்படத்தில் நடித்த நாயகிக்கு சமீபத்தில் திருமணமானது 🙂 .

@மனோஜ் நன்றி

Good Day Giri
After a long time visited your site.. marked your site in what’sup but could not follow regularly.
I have seen people here in Bots who could not marry and they are 40 and their probability of getting married is almost near to zero. And the instances you quoted it happens here also. Sad that things go worse… Lucky got married and still things are going fine in a way blessed.
Dong’t guess my age withmy email id.
Keep blogging and smiling
Kameswara Rao

@Kamesh How are you? 🙂 Hope you are fine.

mm its sad to hear about it.

BTW it’s happening in the Indian community or the local Botswana community?