சஷ்டி விரதம் நம்பிக்கைகள்

திருமணம் இல்லாமல் ஒருவருக்கு வாழ்க்கை முழுமையடையாது என்பது போல, குழந்தை இல்லாமல் திருமண வாழ்க்கை முழுமை பெறாது. இக்கட்டுரையில் சஷ்டி விரதம் நம்பிக்கைகள் என்னவென்று பாப்போம். Image Credit

குழந்தை இல்லாமல் இருப்பவர்களைப் பார்க்கும் போது மனவருத்தம் ஏற்படும். என்னுடைய எதிரிக்குக் கூட இந்நிலை வரக் கூடாது என்று நினைப்பேன்.

எத்தனையோ செல்வங்கள் இருந்தாலும் குழந்தைச் செல்வம் இல்லை என்றால், அதில் உள்ள வருத்தம் அதை அனுபவிப்பவர்களால் மட்டுமே உணரே முடியும்.

மருத்துவ முன்னேற்றம்

தற்போது மருத்துவ துறையில் பல முன்னேற்றங்கள்.

பலரின் உடல் / மன ரீதியான பிரச்சனைகளைச் சரி செய்து குழந்தை பிறப்பதற்கான வழிகளை ஏற்படுத்தித் தருகிறார்கள். சரியான ஆலோசனை பெற்று சிகிச்சை எடுத்துக்கொள்ள வேண்டும்.

மருத்துவம் எப்படி மிக முக்கியமோ அது போலக் கடவுள் நம்பிக்கையும்.

எவரும் கை விட்டால் நமக்கு நினைவிற்கு வருவது கடவுள் மட்டுமே! கடவுளை மறந்து இருப்பவர்கள் கூடக் கஷ்டம் வரும் போது நினைத்துப் பார்ப்பார்கள்.

யாருமே உதவாத போது கடவுள் உதவுவார் என்ற நம்பிக்கை உண்டு.

சஷ்டி விரதம்

சஷ்டி விரதம் இருப்பதால், வேண்டுதல்கள் நிறைவேறுவதைப் பற்றிக் கேள்விப் பட்டவுடன், அட! இவ்வளவு விஷயம் இருக்கிறதா! என்று தோன்றியது.

சஷ்டி விரதம் தீபாவளி சமயத்தில் ஆறு நாட்கள் இருக்க வேண்டும்.

சிலர் மிகக் கடுமையாக இருக்கிறார்கள் [அப்பவும் ரமலான் நோன்பு அளவிற்கு இல்லை] சிலர் அந்த அளவிற்கு இருப்பதில்லை.

விரதத்தில் ஒவ்வொருவரும் ஒன்று கூறுகிறார்கள். எனவே, தெரிந்தவர்களிடம் கேட்டுச் சரியான வழிமுறைகளை / விரத நாட்களைப் பின்பற்றலாம்.

விரதம் இருப்பதால் நீதி மன்ற வழக்குப் பிரச்சனை, குடும்பப் பிரச்சனை, உடல் ரீதியான பிரச்சனை மற்றும் குழந்தை இல்லாதவர்களுக்குக் குழந்தை போன்ற வேண்டுதல்கள் நிறைவேறுவதாகக் கூறினார்கள்.

முயற்சிப்பதில் தவறில்லையே

குழந்தை இல்லாதவர்கள் எத்தனையோ மருத்துவ முயற்சிகளைச் செய்து இருக்கலாம், அதோடு இதையும் முயற்சித்துப் பார்க்கவும், இதுவரை முயற்சிக்காமல் இருந்தால்.

ஆறு நாட்கள் தானே! லாபம் இல்லை என்றாலும் நஷ்டம் இல்லையே.

அக்கா, மனைவி உட்பட மூவர், தங்களுக்கு தெரிந்தவர்களுக்குப் பல வருடங்கள் குழந்தை இல்லாமல் சஷ்டி விரதம் இருந்த பிறகு குழந்தை பெற்றதாகக் கூறினார்கள்.

100 % உண்மை. இதில் பொய் கூறி எனக்கென்ன கிடைக்கப் போகிறது. எனவே, குழந்தை இல்லாதவர்கள் தயவு செய்து ஒரு முறையாவது முயற்சித்துப் பார்க்கவும்.

உங்களுக்குத் தெரிந்தவர்கள் யாருக்காவது குழந்தை இல்லையென்றால், சஷ்டி விரதம் பற்றிக் கூறவும். ஒருவேளை அவர்களுக்குத் தெரியாமல் இருக்க வாய்ப்புண்டு.

தீபாவளி நேரத்தில் வருவதால் பல விருந்து கட் ஆகும் 🙂 . ஆறு நாள் வைத்தாலும் “சரியான” நேரத்தில் தாம்பா வைத்து இருக்காங்க!

குழந்தை இல்லாத அனைவருக்கும் விரைவில் குழந்தை கிடைக்க முருகனை வேண்டுகிறேன்.

கடவுளை நம்புங்கள் அதோடு மருத்துவக் கடமைகளையும் சரியாகச் செய்யுங்கள்.  சஷ்டி விரதம் நம்பிக்கைகள் வீண் போகாது என்று நம்புவோம்.

தொடர்புடைய பதிவுகள்

ஓதி மலை முருகன் அற்புதங்கள் [July 2008]

அழகன் முருகன் [Feb 2012]

சஷ்டி விரதம் ஏன்? எதற்கு? எப்படி? விளக்கங்கள் [2017] 

🛑 To get Blog Articles, Finance, OTT, Tech News, Offers follow 👉🏻 giriblog WhatsApp Channel ⭐.