முடிவு தான் முக்கியம்.. நாளல்ல!

அனைத்து நாட்களுமே நல்ல நாட்கள் தான் என்றாலும், குறிப்பிட்ட நாட்களுக்கு எப்பவுமே சிறப்பு / முடிவு இருக்கும், அது போல ஒரு நாள் தான் ஆங்கிலப் புத்தாண்டு.

முடிவு தான் முக்கியம்

சிலர் வழக்கமாக எடுக்கும் முடிவை இந்த வருடமும் எடுப்பார்கள், சிலர் புதியதாக முயற்சிப்பார்கள், சிலர் இந்த வருடத்தில் செய்ய வேண்டிய செயல்களை இறுதி செய்வார்கள், ஜிம்முக்கு போறேன்னு சிலர் முடிவு எடுத்து இருப்பார்கள் 🙂 .

என் வாழ்க்கையில் இதுவரை புத்தாண்டில், 20+ வருடங்களுக்கு முன்பு எடுத்த ஒரே முடிவு கோபப்படக் கூடாது என்பதைத்தான். Image Credit

அதை இன்று வரை கடைப்பிடித்து வருகிறேன். கோபப்படுகிறேன் ஆனால், மிக மிகக்குறைவு.

இதன் பிறகு பல முடிவுகளை எடுத்துச் செயல்படுத்தி வெற்றியும் பெற்று உள்ளேன் ஆனால், அவையெல்லாம் புத்தாண்டில் எடுத்த முடிவுகள் அல்ல . அவ்வப்போது திடீர் என்று தோன்றும், செயல்படுத்தி விடுவேன்.

எனவே, முடிவுகளை எடுக்க நல்ல நாள் பார்க்க வேண்டிய அவசியமில்லை ஆனால், அப்படி பார்த்தாலும் தவறில்லை. நாம் அவற்றைப் பின்பற்றுகிறோமா! என்பது தான் முக்கியம்.

என்ன முடிவுகள்?!

என்னென்ன முடிவுகளை எடுத்தால், உங்களுக்கு மகிழ்ச்சி கிடைக்கும் என்று கூறுகிறேன், முடிந்தால் பின்பற்ற முயற்சியுங்கள்.

கோபம், அவசரம், எதிர்பார்ப்பு, சுய கௌரவம் (ஈகோ), கவலை, எதிர்மறை எண்ணங்கள் ஆகியவற்றைத் தவிர்த்து விடுங்கள்.

உங்களுக்குத் தேவை பொறுமை, நேர்மறை எண்ணங்கள் ஆகியவை.

துவக்கத்தில் பின்பற்றுவது சிரமமாக இருக்கும் ஆனால், சில நாட்கள் பழகி விட்டால், பின்தொடர்வது எளிது. இதனால் கிடைக்கும் திருப்தி உங்களால் அளவிட முடியாது.

அனைத்துமே நல்லதாக நடப்பது போல உங்களுக்குத் தோன்றும். பிரச்சனைகளே நமக்கு இல்லையோ! என்ற எண்ணம் வரும். அனைவரும் நன்றாகப் பழகுவார்கள்.

எனவே, இவற்றைப் பின்பற்ற முயற்சியுங்கள் உங்கள் வாழ்க்கையில் மாற்றத்தைக் காணுங்கள்.

உங்களுக்கும், உங்கள் குடும்பத்தினருக்கும், நண்பர்களுக்கும் ஆங்கிலப் புத்தாண்டு நல் வாழ்த்துகள் 🙂 . இந்தாண்டு சிறப்பான ஆண்டாக அமைய வாழ்த்துகள்.

நல்லதே நினையுங்கள்! நல்லதே நடக்கும்!

தொடர்புடைய கட்டுரை

உங்களால் முடியும்

🛑 To get Finance, Train, Food, UPI, OTT updates, Memes, Tech News, Online Offers follow –> giriblog WhatsApp Channel (WhatsApp Blog ⭐).