வறட்டு இருமலை குணப்படுத்துவது எப்படி?

வறட்டு இருமலை குணப்படுத்துவது எப்படி என்று இக்கட்டுரை விளக்குகிறது. மருந்துகளைக் கண்டாலே எனக்கு வெறுப்பு தான்.

தலைவலி, சிறு காய்ச்சல், சளி, இருமலுக்கு மருந்து உட்கொள்ள மாட்டேன். இதைக் கடந்த 20 வருடங்களுக்கு மேலாகப் பின்பற்றி வருகிறேன். Image Credit

எதிர்ப்புச் சக்தி

எனக்கு இதுபோலத் தொந்தரவுகள் வெகுகுறைவு. காரணம், மருந்துகள் நம்முடைய எதிர்ப்புச் சக்தியைப் பலமிழக்க செய்து விடும்.

சமீபத்தில் மாத்திரை உட்கொள்ள வேண்டிய நிலையானது, வெரிகோஸ் பிரச்சனைக்கு மட்டுமே! இதைக் கூடச் சில உடற்பயிற்சிகளைச் செய்து இருந்தால், வராமலே செய்து இருக்கலாம். சிகிச்சை முடிந்த பிறகு இது பற்றி விரிவாக எழுதுகிறேன்.

தற்போது இதை எழுதக்காரணம், ‘இருமல்’ பிரச்சனை.

வறட்டு இருமலை குணப்படுத்துவது எப்படி?

சில வருடங்களுக்கு முன்  வறட்டு இருமல் ஏற்பட்டது. இதை எப்படிச் சரி செய்வது என்று யோசித்து, கொஞ்சம் தண்ணீர் குடித்துப் பார்ப்போம் என்று முயற்சி செய்தேன்.

சரியானது போலத் தெரிந்தது. அதன் பிறகு மறந்து விட்டேன்.

பிறகு கடந்த வருடம் இதே போல இருமல் வந்தது. கடந்த முறை போல முயற்சித்துப்பார்ப்போம் என்று 5 நிமிட இடைவெளியில் கொஞ்சம் கொஞ்சம் (தொண்டை நனையும் அளவுக்கு) தண்ணீர் குடித்தேன். இருமல் சரியானது.

இருப்பினும் எனக்குச் சந்தேகம். இதனால தான் சரியானதா என்று?! திரும்பச் சோதித்துப் பார்க்க, இப்பிரச்சனை திரும்ப வரவில்லை.

சமீபத்தில் இருமல் பிரச்னை வர, இந்தமுறை உறுதிப்படுத்திப்போம் என்று கொஞ்சமாக, தொண்டை நனையும் படி 5  நிமிட இடைவெளியில் தண்ணீர் குடித்தேன் சரியாகி விட்டது.

மருந்துகள் சாப்பிட மாட்டேன் என்பதால், எனக்கு விரைவிலேயே (30 நிமிடங்கள்) சரியாகி இருக்கலாம். மருந்துகள் சாப்பிடுவர்களுக்குக் கூடுதல் நேரம் எடுக்கலாம்.

எனவே, இருமல் வந்தால், மருந்தை முயற்சிக்கும் முன் இவ்வழியை முயற்சியுங்கள்.

முடிந்தவரை மருந்து உட்கொள்வதைத் தவிர்க்கவும். தேவையான பிரச்சனைக்கு மருந்து சாப்பிட வேண்டும், நாமே மருத்துவராகி விடக் கூடாது என்பதையும் நினைவில் கொள்ளுங்கள்.

தொடர்புடைய கட்டுரை

சிறு தலைவலிக்குக் கூட மாத்திரை சாப்பிடுபவரா?

🛑 To get Blog Article, Finance, UPI, OTT, Tech News follow -–> giriblog WhatsApp Channel (WhatsApp Blog ⭐).