வீடு வாங்க / கட்டப் போகிறீர்களா?

வீடு வாங்க / கட்ட திட்டமிட்டு உள்ளவர்களுக்குச் சிறு பரிந்துரை. Image Credit

இது வீடு கட்டுவதற்கான பரிந்துரையல்ல, கழிவறைகளில் பயன்படுத்தும் Toilet Basin வடிவமைப்பு குறித்து.

ஐரோப்பா மற்றும் மேலை நாடுகளில் தண்ணீர் அதிகம் வீணாவது கழிவறை Flush க்கு தான் என்று பல வருடங்களுக்கு முன்பு ஒரு கருத்துக்கணிப்பு வெளியிட்டார்கள்.

குறைந்த அளவு தண்ணீர்

அக்கா வீட்டில் இருந்த Flush ல் மிகக் குறைந்த அளவு தண்ணீரே எடுத்துக்கொண்டது ஆனால், சுத்தமாக வெளியேற்றி விட்டது.

நான் வீடு கட்டும் போது இது போலக் காணவில்லை. எனவே, இதை நான் குறிப்பிட்டு வாங்காமல் போனேன்.

உதாரணத்துக்கு, வழக்கமான Flush அரை வாளிக்கும் அதிகமாகத் தண்ணீர் எடுத்தால், இது இரு குவளை (Mug) தண்ணீர் மட்டுமே எடுக்கிறது.

பழைய முறையை விட இது சுத்தமாக வெளியேற்றுகிறது, மிகக் குறைந்த நீரில்.

நான் செயல்படுத்த தவறி விட்டேன், இனி வீடு கட்டுபவர்களாவது எச்சரிக்கையாக இருங்கள்.

தண்ணீரின் முக்கியத்துவம்

எதிர்காலத்தில் அனைவருமே தண்ணீருக்காக மிகவும் சிரமப்படப்போகிறோம், எந்தச் சந்தேகமும் வேண்டாம். அதற்கு கொஞ்சம் முன்னேற்பாடாக இருந்தால் நல்லது.

வீட்டுக்கு வீடு மீட்டர் வைத்து, தண்ணீர் கொடுக்கப்படும் காலம் வெகு தூரமில்லை.

எனவே, அப்போது அரை வாளி தண்ணீருக்கும், இரு குவளைக்கும் (Mug) வித்யாசம் மலைக்கும் மடுவுக்குமாக இருக்கும்.

சிறுநீர் கழித்து, அதற்கு அரை வாளி தண்ணீர் என்பதெல்லாம் அநியாயமாக உள்ளது. பொறுமையாக யோசித்துப்பாருங்கள்.

என் கோபி வீட்டிலேயே பழையதை எடுத்து விட்டு, இதை மாற்றலாமா என்று யோசித்தேன் ஆனால், செலவு காரணமாக ஒத்தி வைத்துள்ளேன்.

பயன்படுத்தும் போது இவ்வளவு தண்ணீர் செலவாகிறதே என்று நினைக்காத நாளில்லை.

இதனால் தேவையான அளவு திறந்து மூடி விடுவேன் ஆனால், அவ்வாறு செய்தால் பழுதாகிறது.

எனவே, வீடு கட்டுபவர்கள் / வாங்குபவர்கள், விலை கூடுதல் என்றாலும், குறைவான தண்ணீரை எடுக்கும் Flush உள்ள Toilet Basin வாங்கிப் பயன்படுத்தவும்.

தண்ணீரை பயன்படுத்த ஆகும் மின்சார செலவைக் கணக்கிட்டால், உங்களுக்கு இலாபமே!

தண்ணீரை வீணாக்காதீர்கள்! எதிர்காலத்தில் பணம் கொடுத்தாலும் கிடைக்காது.

கொசுறு

இதை எழுதும் போது நான் சிறு வயதில் படித்த ஒரு சுவாரசியமான ராஜா கதை நினைவுக்கு வந்தது 🙂 . அதை அடுத்தது எழுதுகிறேன்.

பிற்சேர்க்கை – மந்திரியாரே! எப்படி நிதியமைச்சரை தேர்வு செய்வது?