இணையத்தில் பாதுகாப்புக்கான அளவுகோல் மாறிக்கொண்டே உள்ளது. துவக்கத்தில் SMS OTP பாதுகாப்பு என்றார்கள், தற்போது Authenticator App தான் பாதுகாப்பு என்று மைக்ரோசாஃப்ட் அறிவித்துள்ளது. Image Credit
குறிப்பு - இக்கட்டுரை Advanced பயனாளர்களுக்கானது. மற்றவர்களுக்கு இதைப் புரிந்து கொள்வது கடினம்.
Authenticator App அவசியம்
மைக்ரோசாஃப்ட் அதிகாரப்பூர்வ அறிவிப்புக்குப் பின் Authenticator App பற்றிய விவாதங்களும், முன்னெடுப்புகளும் துவங்கியுள்ளன.
எதிர்காலத்தில் வங்கிகளும் Authenticator வசதியைக் கொண்டு வர வாய்ப்புள்ளது.
ஏனென்றால், தற்போது SIM Swap செய்து SMS OTP திருடிப் பல இலட்சங்கள் பணம் கொள்ளையடிக்கப்பட்ட சம்பவங்கள் நடந்துள்ளன.
SMS OTP (One Time Password)
துவக்கத்தில் தனது கணக்குக்கு SMS OTP முறையைக் கூகுள் அறிமுகப்படுத்தியது, அதன் பிறகு பல நிறுவனங்களும் இந்த வசதியைக் கொண்டு வந்தன.
Authenticator App வசதியையும் கூகுள் முன்னரே கொண்டு வந்து விட்டது.
கட்டாய வசதி
மைக்ரோசாஃப்ட் தன் Office 365 சேவையைப் பயன்படுத்துபவர்களுக்கு SMS OTP முறையைத் தடை செய்து Authenticator App முறையைக் கட்டாயமாக்கியுள்ளது.
அதாவது நிறுவனங்கள் இனி SMS OTP முறையைப் பயன்படுத்த முடியாது.
எதனால் Authenticator பாதுகாப்பு?
SMS OTP யை SIM SWAP செய்வதன் மூலமும், தகவல்களை இடைமறித்தும் திருட வாய்ப்புள்ளது.
ஆனால், Authenticator செயலியில் (App) 30 நொடிகளுக்கு ஒரு முறை Code மாறிக்கொண்டே இருக்கும். எனவே, அதற்குள் CODE பெற்று நுழைய முடியாது.
இடைமறிப்பதும் கடினமான செயல்.
Microsoft Authenticator App
இதில் Cloud Backup உள்ளது.
எனவே, மொபைலை factory reset செய்தாலோ, வேறு மொபைலுக்கு மாறினாலோ எளிதாக Cloud Backup ல் இருந்து நம் விவரங்களைப் பெற்று விடலாம்.
இவ்வசதியை செயல்படுத்துபவர்கள், செயல்படுத்தும் கணக்கின் (ஃபேஸ்புக், கூகுள், ட்விட்டர்) Backup Code எடுத்து வைத்துக்கொள்வது அவசியம்.
ஒருவேளை Authenticator செயலி பிரச்சனையானால், இதை வைத்து மட்டுமே கணக்கினுள் நுழைய முடியும்.
Restore
மொபைலை Reset செய்த பிறகு திரும்ப Cloud Backup Restore செய்ய "RESTORE" option யைத்தான் நுழையும் போது தேர்ந்தெடுக்க வேண்டும்.
மறந்து வழக்கமான முறையில் நுழைந்து விட்டால், Cloud Backup Overwrite ஆகி விடும். பின்னர் உங்கள் கணக்குகளில் நிரந்தரமாக நுழைய முடியாதபடி ஆகி விடும்.
ஒருமுறை எனக்கு Cloud Backup வசதி RESTORE ஆகாமல் பிரச்சனையாகி விட்டது. மற்ற கணக்குகளுக்கு Backup Code வைத்து இருந்ததால் தப்பித்தது.
பலரும் இக்குற்றச்சாட்டை Microsoft forum ல் வைத்துள்ளார்கள் ஆனால், அதற்கான தீர்வு கொடுக்கப்படவில்லை.
எனவே, எச்சரிக்கையாக இருக்கவும்.
Google Authenticator
Microsoft Authenticator போலவே பிரபலமானது. துவக்கத்தில் இதற்கான Backup இல்லை. தற்போது கூகுள் கணக்கிலேயே சேமிக்கும் வசதி வந்து விட்டது.
அதோடு இதில் சேர்த்த கணக்குகளை Export செய்து கொள்வதன் மூலம், ஒருவேளை ஏதாவது நேர்ந்தால், திரும்ப RESTORE (Import) செய்ய முடியும்.
எந்தக் கூகுள் கணக்கில் Authenticator செயல்படுத்துகிறீர்களோ அக்கணக்கின் Google Backup Code பாதுகாப்பான இடத்தில் வைத்துக்கொள்வது நல்லது.
எதிர்காலத்தில் ஏதாவது ஒரு காரணத்தினால், கூகுள் கணக்கில் நுழைய முடியவில்லை என்றால், Backup Code தான் கூகுள் கணக்கைக் காப்பாற்றும்.
கூகுள் கணக்கில் நுழைந்த பிறகே மற்ற கணக்குகளின் CODE களை பெற முடியும்.
பயன்படுத்திய வரை Google Authenticator சிறப்பானதாக உள்ளது.
அனைவரும் செயல்படுத்த வேண்டுமா?
தொழில்நுட்ப அறிவுள்ளவர்கள், Google, YouTube, AdSense, facebook, Instagram, X, Linkedin, Amazon கணக்குகள் மிக முக்கியம் என்று கருதுபவர்கள் மட்டும் செயல்படுத்தலாம், மற்றவர்களுக்கு அவசியமில்லை.
காரணம், ஒருவேளை சரியான முறையில் செயல்படுத்தவில்லை அல்லது Backup Code எடுக்கவில்லை என்றால், கணக்கினுள் நுழைவதே சிக்கலாகி விடும்.
சுருக்கமாக, ‘பாதுகாப்பாக இருக்க நினைத்து, இருப்பதும் போயிற்றே!‘ என்ற நிலையாகலாம்.
முன்னெச்சரிக்கையாக இல்லாமல், இதைச் செயல்படுத்தி பலர் தங்கள் முக்கியக் கணக்குகளில் நுழைய முடியாமல், புலம்பி இருப்பதை FORUM ல் காணலாம்.
எனவே, இவ்வசதியை அனைவருக்கும் பரிந்துரைக்கவில்லை.
SMS OTP வசதி
இன்னும் பலர் எளிமையான SMS OTP வசதியையே செயல்படுத்தாமல் உள்ளார்கள்.
இதைச் செயல்படுத்துவது மிக எளிது.
எனவே, இதுவரை உங்கள் கணக்குகளுக்கு OTP வசதி செயல்படுத்தாமல் இருந்தால், கணக்கைப் பாதுகாப்பாக வைக்கச் செயல்படுத்துங்கள்.
பாஸ்வேர்ட் திருடப்பட்டாலும், SMS OTP இல்லாமல் யாரும் நுழைய முடியாது.
எனவே, SMS OTP பாதுகாப்பில்லை என்று கூறப்பட்டாலும், ஒன்றுமே இல்லாததற்கு SMS OTP பரவாயில்லை ரகமே!
எந்தப் பாதுகாப்பு வசதியைச் செயல்படுத்தினாலும், அதற்கு ஒரு Backup வசதி அவசியம் என்பதை மனதில் நிறுத்துங்கள்.
தொடர்புடைய கட்டுரைகள்
ஹேக்கிங் (Hack) பாதுகாப்பு வழிகள் என்ன?
கூகுளின் இரட்டை அடுக்குப் பாதுகாப்பு வசதி!
🛑 To get Blog Articles, Finance, OTT, Tech News, Offers follow 👉🏻 giriblog WhatsApp Channel ⭐.
கிரி, இது வரை நான் அறியாத ஒரு செய்தி இது.. நானும் முயற்சி செய்து பார்க்கிறேன்..பகிர்வுக்கு நன்றி.
யாசின் பயன்படுத்தும் போது நான் கூறியவற்றை கவனத்தில் கொள்ளுங்கள்.