இளையராஜா விழா சர்ச்சைகள்

ஆமாம் இளையராஜா மிகுந்த திறமை மிக்கவர். அவருடைய பாடல்கள் நம் ரசனையை உயர்த்தியிருக்கின்றன. மகிழ்ச்சி அளித்திருக்கின்றன.

புகழும் திறமையும் உச்சத்தில் இருப்பவர்களில் சிலர், வித்தியா கர்வத்தைப் பெற்றுவிடுகிறார்கள். இது குறைதான். சில சமயம் இளையராஜா பேச்சு பலர் மனதைப் புண்படுத்தக்கூடியது.

இந்தக் குறைகளுக்கும் அவர் திறமைக்கும் சம்பந்தமில்லை. அதனைத் தெளிவாச் சொல்லியிருக்கீங்க.

புகழ் பணம் இல்லாமல் (தேவைக்கு மீறி) இல்லாமல் வாழும் சாதாரண மனிதர்கள் கூட ஐம்பது வயது தொடங்கும் போது பேச நினைப்பதில் பாதி தான் பேச வேண்டும். அறுபது வயது தொடங்கும் போது முக்கால் வாசி பேச்சைக் குறைத்துக் கொள்ள வேண்டும். எழுபது வயது என்றால் பேச்சை முழுமையாக குறைத்துக் கொள்ள வேண்டும். மிக மிக தேவையானது மட்டுமே பேச வேண்டும். இது சாதாரண மனித வாழ்க்கையில் பொது விதி. காரணம் உடல் இயக்கம் குறையத் தொடங்கும் போது, முழுமையாக செயல் இழக்கும் போது மனதிற்கும் உடம்பிற்கும் நடக்கும் போராட்டத்தை மகன் மகள் மனைவி க்கு நம்மால் புரிய வைக்க முடியும். இதுவே பிரபல்யம் என்றால் நெருக்கடிகள் அதிகம். எதிர்பார்ப்புகள் அதிகம். பொறாமையும் கூட அதிகமாகத்தான் இருக்கும். இன்னும் வாழக்கூடிய காலத்தில் இளையராஜா பேசுவதைக் குறைத்து இன்னும் பல ஆக்கபூர்வமான (தன் வாழ்நாளுக்குள்) காரியங்களைச் செய்தால் நன்றாக இருக்கும் என்று நான் நினைத்துக் கொள்வதுண்டு. காரணம் இவர் திறமையைப் பார்த்து வியப்பதா? இவர் உளறலைப் பார்த்து வருத்தப்படுவதா? என்று ஒவ்வொருமுறையும் வருத்தமாக உள்ளது.

ஜோதிஜி ஜயா சொல்லுவது மிகச்சரி. பேச்சை குறைத்தால் மிகவும் நலம். அனைவருக்கும் அது பொருந்தும் . இளையராஜவிற்கு மிகவும் பொருந்தும். இவரின் இந்த அகங்காரபோச்சுக்களால் இவரின் பாடல்களும் கூட அடுத்த தலைமுறைக்கு சரியாக கடத்தப்படாது.

ஆயிரம் விமர்சனங்கள் தாண்டி நான் மதிக்கும் (ரசிக்கும்) வெகு சிலரில் முதன்மையானவர் இளையராஜா சார் என்பதில் எந்த ஐயமும் இல்லை!!! நான் இதுவரை அவரது பாடல்களை கேட்பதற்கு நேரிடையாக ஒரு ருபாய் பணம் கூட நான் அவருக்கு கொடுத்தது இல்லை.. ஆனால் என்னுடைய கோபம், வெற்றி, தோல்வி, காதல், ரணம், மரணம், சந்தோஷம், சிந்தனை என ஒவ்வொரு நிகழ்விலும் இளையராஜா இருக்கிறார்..

நான் தோல்வியில் வாழ்வின் விரக்தியில் சென்ற காலங்களில் என்னுடைய ஒரே ஆறுதல் இளையராஜாவின் பாடல்கள் மட்டும் தான்!!! (எனக்கு மட்டும் அல்ல, நிச்சயம் நிறைய பேருக்கும் தான்) தெய்வங்களும் என்னை விட்டு விலகிய பொழுதில் என்னை அரவணைத்தது இவரின் இசை மட்டுமே!!! அவரின் இசையை மட்டும் நேசிக்கிறேன்.. அவரை குறித்த மற்ற விஷியங்களில் தலையிட விரும்பவில்லை..

(தமிழகத்தின் பெருமை இளையராஜா” நிகழ்வில் கலந்து கொள்ளாமல் புறக்கணித்தவர்களால் இளையராஜாக்கு சிறுமையில்லை, புறக்கணித்தவர்களுக்கே அவமானம்.) இதை அவர் ஒரு பொருட்டாக கூட எடுத்து கொள்ளமாட்டார்.. வானத்தில் உள்ள சூரியனை வெறும் கையால் மறைக்க முடியுமா? அதுபோலத்தான் அறிவாற்றல் உடையவர்களின் புகழையும் யாராலும் தடுக்க முடியாது..

நான் முன்பே உங்களிடம் கூறியது போல், பழைய கஞ்சி சாதத்தில் உள்ள சுவை, தற்போது உள்ள வித விதமான பல துரித உணவின் சுவை பிடிப்பதில்லை.. இதனால் புதிய பாடல்கள் எதுவும் கேட்பதில்லை.. வெகு அரிதாக சில பாடல்கள் தவிர்த்து. 12 ம் வகுப்பு படிக்கும் போது, வாழ்வின் ஒரே இலட்சியம் PIONNER CD PLAYER வாங்கி இளையராஜாவின் பாடல்களை கேட்க வேண்டும் என்பது, ஆனால் தற்போது வரை என் ஆசை நிறைவேறவில்லை..

இரைச்சல் & சத்தம் மனைவிக்கு கொஞ்சமும் பிடிக்காததால் CD PLAYER என்றாலே அப்புறம் வாங்கலாம் என்று நாட்கள் (10 வருடம்) கடக்க போகிறது!!! மரணம் வரை நான் இளையராஜாவிடம் கொண்ட காதல் என்றும் தொடரும்… இறைவன் அவருக்கு நல்ல ஆரோக்கியமான உடல் சுகத்தை அளிப்பாயாக..பகிர்வுக்கு நன்றி கிரி..

@நெல்லைத்தமிழன் ஜோதிஜி ப்ரியா

இளையராஜாவின் கர்வம், மற்றவர் வருத்தப்படும் படி பேசுவது, தான் மட்டும் தான் திறமையானவர் என்ற எண்ணங்களை பழக்கங்களை விட்டு இருந்தால், இன்று அவர் இருக்கும் நிலையே வேறு.

ஏன் வயதாகியும் புரிந்து கொள்ளாமலே இருக்கிறாரோ!

@யாசின் இளையராஜா பாடல்கள் நாளை முதல் இல்லை என்றால்.. பலர் கிறுக்கு பிடித்து தான் அலைவார்கள். அந்த அளவுக்கு தன் இசையால் அனைவரையும் கட்டிப்போட்டு இருக்கிறார்.

எத்தனை எத்தனை பாடல்கள்?! அடேங்கப்பா! நினைத்தாலே மலைப்பாக இருக்கிறது.

கடவுள் அருள் இல்லாமல் இதெல்லாம் சாத்தியமே இல்லை. இவர் கடவுளின் ஆசி பெற்றவர், அதற்குத் தகுந்த மாதிரி தன்மையாகவும் நடந்து கொண்டால்.. எவ்வளவு சிறப்பாக இருக்கும்….!

இளையராஜாவின் கர்வம், மற்றவர் வருத்தப்படும் படி பேசுவது, தான் மட்டும் தான் திறமையானவர் என்ற எண்ணங்களை பழக்கங்களை விட்டு இருந்தால், இன்று அவர் இருக்கும் நிலையே வேறு.

திரைப்படத்துறையில் இருக்கும் நண்பர்கள் மூலம் இளையராஜா மற்றும் ரகுமான் உறவு, தொடக்கம் முதல் ரகுமான் பிரிந்தது வரைக்கும் பல விசயங்களை இங்கே எழுதினால் இளையராஜா மேல் மரியாதை வைத்திருப்பவர்கள் மனம் வருந்தக்கூடும் என்பதால் இங்கே எழுதவில்லை. இளையராஜா மிகச் சிறந்த மெட்டு அமைப்பாளர். ரகுமான் மிகச் சிறந்த இசை அமைப்பாளர். இளையராஜா உருவாக்கி வைத்திருந்த மோனோபோலி தனமான பல விசயங்களை உடைத்து நொறுக்கியவர் ரகுமான். இதன் மூலம் பலன் பெற்றவர்கள் பல ஆயிரம் பேர்கள். இந்த ஒரு விசயமே இளையராஜாவை பல விசயங்களில் பின்னுக்குத் தள்ளியது. போட்டி போட முடியவில்லை. இதுவே ரகுமான் உலக அளவில் கொண்டு போய் சேர்த்தது. இன்னும் பல விசயங்கள் உள்ளது. அவையெல்லாம் இசைக்கு அப்பாற்பட்ட பணம் சார்ந்த விசயங்கள். அதிலும் ரகுமான் தான் வென்றுள்ளார். முறையாக கையாண்டிருந்தால் இளையராஜா இன்றைய சூழலில் பல பில்லியன் டாலருக்குச் சொந்தக்காரராக இருந்திருப்பார். கோட்டை விட்டு விட்டார் என்பதே உண்மை. காரணம் உங்களுக்கே தெரியும்.