ஆர்யாஸ் உணவகம் | திண்டிவனம்

திண்டிவனத்தில் ஒரு நிகழ்வுக்காக நண்பர்களுடன் சென்று இருந்தேன்.

ஆர்யாஸ் உணவகம்

சென்னையில் இருந்து காலை 6 மணிக்கே (காரில்) கிளம்பி விட்டதால், சாப்பிட “ஆர்யாஸ்” உணவகம் நண்பனால் பரிந்துரைக்கப்பட்டது.

சென்னையில் இருந்து வரும் போது திண்டிவனம் புறவழிச்சாலை பிரிவு அருகே திண்டிவனத்துக்கு அரைக் கிலோ மீட்டர் முன்பே உள்ளது வசந்த பவன் & ஆர்யாஸ்.

8 மணிக்கே அதிகளவில் கூட்டம் காணப்பட்டது.

என்னய்யா! உண்மையாகவே நன்றாக இருக்கும் போல இருக்கே! 🙂 என்று கூறி விட்டு உள்ளே சென்றால், சிறிது நேரத்துக்குப் பிறகு அமர இடம் கிடைத்தது.

என்ன இருக்கு? 🙂

என்ன இருக்கு? என்று பட்டியல் கேட்டு இறுதியில் இட்லியைக் கொடுங்க என்று கூறாமல் நாங்களே இட்லி வடையைக் கொண்டு வாங்க என்று கூறி விட்டோம் 🙂 .

மேசையில் பொடி, சட்னி, தக்காளி ஊறுகாய் (மாதிரி), சட்னி வைத்துள்ளார்கள். சாம்பார் ஒரு வாளி சிறிதாக வைத்துள்ளார்கள்.

சாம்பார், தேங்காய் சட்னி செம சுவையாக இருந்தது.

தோசை, பூரி அனைத்துமே நன்றாக இருந்தது. நண்பன், “பூரிக்கு இங்கே சாம்பார் நன்றாக இருக்கும்” என்றான், எனக்குத் தான் சாப்பிட விருப்பமில்லை.

மதிய உணவு எப்படி இருக்கும் என்று தெரியவில்லை, அடுத்த முறை முயற்சிக்க வேண்டும்.

கூட்டம் அலைமோதுகிறது. பலர் பயணத்தின் போது வழக்கமாக வருபவர்கள் என்று நினைக்கிறேன்.

திண்டிவனம் வழியாக உங்கள் வாகனத்தில் நீங்கள் செல்லவேண்டி இருந்தால், அடுத்த முறை “ஆர்யாஸ்” உணவகம் முயற்சித்துப் பாருங்கள்.

நெடுஞ்சாலை உணவகங்கள் என்றாலே பீதியாக இருக்கிறது. எனவே, இதை முயற்சிக்கலாம்.

🛑 To get Finance, Train, Food, UPI, OTT updates, Memes, Tech News, Online Offers follow –> giriblog WhatsApp Channel (WhatsApp Blog ⭐).