ஜிமெயில் ஹேக் (Hack) செய்யப்பட்டால் மீட்பது எப்படி?

ஜிமெயில் ஹேக் செய்யப்பட்டால் 100% திரும்பப் பெற முடியும் என்பதற்கு எந்த உத்திரவாதமும் இல்லை, ஆனால்  முயற்சி செய்யலாம் என்று தான் கூகிள் கூறுகிறது.

பிரச்சனை வராமல் உஷாராக இருப்பது ஒரு வகை, அப்படி வந்து விட்டால் என்ன செய்வது அதற்குச் சில முன்னேற்பாடுகளைச் செய்து விடுதல் இன்னும் நலம்.

அதைப் பற்றித் தான் இங்குப் பார்க்கப் போகிறோம்.

கடவுச்சொல் (Password) மறந்து விட்டால் என்ன செய்வது?

உங்களுடைய கூகிள் கணக்கில் My Account or Google mail –> settings –> Accounts and Import –> Google Account Settings உள்ளே சென்று படத்தில் உள்ள Change password recovery options ஐ சொடுக்குங்கள்,

உடன் உங்களை திரும்ப ஒரு முறை உங்கள் கடவுச்சொல்லை பதிய கூறும், உங்கள் கடவுச்சொல்லை பதிந்த பிறகு கீழே உள்ள படத்தில் உள்ள பக்கம் திறக்கும்

Email பகுதியில் நீங்க secondary mail இடத்தில் உங்களின் மற்ற ஒரு முகவரியைக் கொடுங்கள் (முக்கியமாக இரண்டு முகவரிக்கும் ஒரே கடவுச்சொல் இல்லாமல் பார்த்துக்கொள்ளுங்கள்).

SMS பகுதியில் உங்க கைத்தொலைபேசி எண்ணைக் கொடுக்கவும்

இனி உங்கள் கடவுச்சொல் தொலைந்து (மறந்து) விட்டால் மேற்கண்ட முறைப்படி உங்கள் ஜிமெயில் கணக்கை மீண்டும் பெற முடியும்.

உங்கள் கடவுச்சொல் மறந்து விட்டு இதைப் பயன்படுத்தினால் உங்கள் secondary மின்னஞ்சலுக்கு உங்கள் கடவுச்சொல் அதிகபட்சம் 24 மணி நேரத்திற்குள் வரும், எனவே பதட்டத்தில் பலமுறை முயற்சி செய்ய வேண்டாம்.

உங்கள் கடவுச்சொல் மறந்து விட்டால் எப்படி பெறுவது என்பதற்கான வழிமுறைகள் கண்டீர்கள், கடவுச்சொல் ஹேக்கிங் செய்யப்பட்டால்… இது தான் பிரச்சனையானது.

ஜிமெயில் ஹேக் செய்பவர் முதலில் செய்வது உங்கள் பாதுகாப்பு தகவல்களை அழிப்பது தான், அதாவது உங்கள் secondary mail, SMS.

கடைசி வாய்ப்பு

கூகிள் உங்களுக்குக் கொடுக்கும் கடைசி வாய்ப்பு தான் இந்த லிங்க். இங்கே சென்று அவர்கள் கேட்கும் தகவல்களைக் கொடுங்கள்.

தினமும் பயன்படுத்தும் கணிப்பொறி இடத்தில் இருந்தே கொடுங்கள்.

ஏன் என்றால் நீங்கள் submit செய்யும் போது உங்கள் IP கூகிள் நிறுவனத்தாரால் ட்ராக் செய்யப்படும், எனவே, ஒரே IP யாக இருப்பது உங்கள் மீதான நம்பிக்கையை வலுப்படுத்தும்.

கூகிள் கணக்கு துவங்கியபோது உங்களுக்கு ஒரு Welcome மின்னஞ்சல் வந்து இருக்கும் அதையும், கூகிள் என்னென்ன தகவல்கள் கேட்கிறது என்பதையும் அறிந்து அதைத் தொகுத்து பாதுகாப்பான இடத்துல சேமித்து வைத்துக்குங்க.

எப்படியும் இரண்டு மின்னஞ்சல்கள் வைத்து இருப்பீர்கள், கண்டிப்பா இரண்டுக்கும் ஒரே கடவுச்சொல்லை வைக்க வேண்டாம்.

ஒரு மின்னஞ்சல் கடவுச்சொல் ஹேக் செய்யப்பட்டால் பிறகு அதில் உள்ள secondary மின்னஞ்சலும் ஹேக் செய்ய வசதியாகப் போய் விடும் (ஒரே கடவுச்சொல்லாக இருந்தால்).

உங்கள் மின்னஞ்சலை யாராவது பயன்படுத்துகிறார்களா! என்று உங்களுக்குச் சந்தேகம் வந்தால் உங்கள் கூகிள் மின்னஞ்சல் கீழ் பகுதியில் Last account activity: * hours ago on this computer. Details என்ற ஒரு வரி இருக்கும்.

இதில் நீங்கள் Details தொடுப்பைச் சொடுக்கினால் அதில் நீங்கள் தினமும் பயன்படுத்தும் IP இருக்கும், மாறி இருந்து சந்தேகம் வந்தால், உங்கள் கடவுச்சொல் சம்பந்தமாக உள்ள அனைத்து தகவல்களையும் மாற்றி விடுங்கள்.

அனைத்தையும் செய்து சரிவரவில்லை என்றால், புதிய கணக்கு தான் துவங்க வேண்டும்.

தொடர்புடைய கட்டுரை

ஹேக்கிங் (Hack) பாதுகாப்பு வழிகள் என்ன?

🛑 To get Finance, Train, Food, UPI, OTT updates, Memes, Tech News, Online Offers follow –> giriblog WhatsApp Channel (WhatsApp Blog ⭐).