Chromecast பற்றித் தெரியுமா?

கூகுள் பல தயாரிப்புகளை வெளியிட்டு இருந்தாலும் உடனடி ஹிட் என்றால் அது “Chromecast” என்ற சாதனம் தான்.

இது பற்றி சிலர் கேள்விப்பட்டு இருக்கலாம் ஆனால், வழக்கம் போல இது அமெரிக்காவில் மட்டுமே முதலில் வெளியானது.

Chromecast

இதனுடைய விலை 35 USD தான்.USB ஸ்டிக் போல இருக்கும் இதை நாம் தொலைக்காட்சி “HDMI Port” ல் இணைத்து விட வேண்டும். Image Credit

பின் இதை எளிதாக நமது மடிக் கணினியிலும் தொலைபேசியிலும் (Android / iOS ஸ்மார்ட் ஃபோன்), Tablet ல் எளிதாக அதில் கூறியுள்ளதுபடி நிறுவி விடலாம்.

இதைப் பயன்படுத்த Wifi வேண்டும்.

YouTube காணொளிகளை மிக எளிதாகத் தொலைக்காட்சியில் காண முடியும். இதே போல வசதி தற்போது வரும் தொலைக்காட்சிகளில் வருகிறது.

இதற்கான மென்பொருளை நாம் நிறுவிய பிறகு YouTube சென்றால் square box/wifi signal போன்ற ஒரு ஐகான் இருக்கும்.

அதை க்ளிக் செய்தால் இந்தச் சாதனத்தைப் பயன்படுத்த அனுமதி கேட்கும் அதை க்ளிக் செய்தால் போதும் உடனே நம் கணினி / தொலைபேசியில் இருந்தே YouTube காணொளியை நம் தொலைக்காட்சியில் பார்க்கலாம்.

காணொளியை ஆரம்பிக்கும் வரை மட்டுமே நம் கணினி / ஸ்மார்ட் ஃபோன் தேவை.

ஆரம்பித்து விட்டால் நாம் பார்க்கத் துவங்கிய காணொளியின் Link அந்த USB சாதனத்தில் சேமிக்கப்படும்.

Wifi

இதன் பிறகு நாம் நம் கணினியை / தொலைபேசியை Off செய்தால் கூட Wifi உதவியுடன் தொலைக்காட்சியில் காணொளி தொடர்ந்து ஓடிக்கொண்டு இருக்கும்,

எனவே, இதைத் தொடர்ந்து ஓடவிட்டால் நம்முடைய தொலைபேசி / Tablet ல் பேட்டரி தீர்ந்து விடுமே என்று கவலைப்பட வேண்டியதில்லை.

YouTube Netflix அல்லாது சப்போர்ட் செய்யும் அனைத்துத் தளங்களையும் நம்முடைய க்ரோம் உலவியில் / செயலியில் வரும் எதையும் தொலைக்காட்சியில் காண முடியும்.

தொலைக்காட்சியில் நாம் தேர்வு செய்த காணொளி ஓடிக்கொண்டு இருக்கும் போது நம்முடைய கணினி / தொலைபேசி / Tablet ல் மற்ற வேலைகளை / காணொளிகளைப் பார்க்கலாம்.

தொலைக்காட்சியில் ஓடும் நிகழ்ச்சி / திரைப்படம் தடங்கல் ஏற்படாது.

Screen Mirror செய்து மொபைலை பயன்படுத்தினால், தொலைக்காட்சியிலும் மாறும். எனவே, பார்க்கக் கடுப்பாக இருக்கும். Chromecast ல் இந்தப் பிரச்சனையில்லை.

நான் கூறுவது பலருக்கு புரிந்து கொள்ள சிரமமாக இருக்கும் என்று புரிகிறது, நானும் எவ்வளோ முறை எழுத்தை எளிமையாக மாற்றிப் பார்த்தும் தெளிவாக வரவில்லை.

இதைப் பயன்படுத்தும் போது மேற்கூறியது உங்களுக்குப் புரியும்.

படிப்பவர்களுக்கு எளிமையாகக் கூற வேண்டும் என்று தான் நினைக்கிறேன் ஆனால், சில தொழில்நுட்பத் தகவல்களைப் புரியும்படி விளக்குவது சிரமமாக உள்ளது.

பயன்படுத்தத் துவங்கிய பிறகு இதைப்படித்தால், தெளிவாக இருக்கும்.

Read : ஜிமெயில் எப்படி செல்கிறது தெரியுமா?

🛑 To get Blog Articles, Finance, OTT, Tech News follow 👉🏻 giriblog WhatsApp Channel ⭐.