இந்து சங்கி இந்துத்துவா வித்தியாசங்கள் என்ன?

அருமையான பதிவு. உங்கள் பல பதிவுகளை வாசிக்கும்பொழுது , என் மனதில் உள்ளதை அப்படியே எழுதுகின்றீர்களோ என்று தோன்றுகிறது.

மேலும் இப்பதிவில், கீழ்கண்ட உங்கள் விளக்கம், தரமான விளக்கம்

(எந்த எதிர்ப்பையும் காட்டாமல், எந்தச் சலனமும் இல்லாமல் சுருக்கமாக, சொரணையே இல்லாமல் கடந்து சென்றால், அவர் இந்து.)

(சமூகத்தளங்களில் காட்டமான விமர்சனங்களை, எதிர்வினைகளை வைப்பவர்கள் சங்கி. இப்பிரிவில் நான் வருவேன்.)

(விமர்சிப்பதோடு நிறுத்திக்கொள்ளாமல், வழக்கு தொடுப்பது, நேரடியாகச் சென்று போராட்டம் நடத்துபவர்கள் இந்துத்துவா. எடுத்துக்காட்டாக, இந்து அமைப்புகள்.)

இந்த திமுகவும் கம்னியூஸ்ட்களும் திக வும் செய்வதை பார்த்தால் அவ்வளவு காண்டாய் வரும். அதை எப்படி திருப்பி அடிப்பது என்று வருவதில்லை. ஆகையால் உங்கள் கருத்துக்களை பரவலாக பலருக்கு பரப்பி சற்று ஆறுதல் கொள்கிறேன்..

கிரி, ஐஸ்வர்யா பேசியது பேசியது என்ன என்று நான் பார்க்கவில்லை.. ஆனால் இந்த சங்கி என்ற வார்த்தையை கடந்த சில வருடங்களாக தான் அதிகம் கேட்டு வருகிறேன். இந்த பதிவில் முழுமையாக புரிந்து கொள்ள முடிந்தது.

ஆம்! நான் சங்கி தான் : நீங்கள் சந்தித்தவைகளை உணர்ந்து கொள்ள முடிகிறது. நீங்கள் உங்கள் மதத்தை அதிகம் நேசிக்கும் போது, உங்களை குறித்து அடுத்தவர்க்கு சந்தேகம் எழும் போது உங்கள் நிலையை குறித்து விளக்க வேண்டிய அவசியம் இல்லை. விளக்க நேரிட்டால் எத்தனை பேருக்கு பொது வெளியில் விளக்க முடியும்..

கேள்வி கேட்டவர்களிடம் பதில் இல்லை : நிச்சயம் ஒரு போதும் இவர்களிடம் பதில் திரும்பி வராது. அப்படி பதில் வந்தாலும் “அது ஏதோ உப்பு சப்பு” இல்லாத பதிலாக தான் இருக்கும்.

இந்து, சங்கி, இந்துத்துவா : நீங்கள் கொடுத்த விளக்கத்தை புரிந்து கொள்ள முடிகிறது.

கோவிலுக்குப் போனாலே சங்கி! : இது முற்றிலும் தவறான புரிதல் என நான் எண்ணுகிறேன். எல்லோருக்கும் அவரவர் மதத்தை குறித்த நம்பிக்கை உண்டு. அது சரியா? தவறா? என்பது அவரவரின் தனிப்பட்ட விஷியம். ஒரு மதத்தின் கோட்பாடுகளை பின்பற்றுபவரை தவறு என்று இன்னொருவர் எவ்வாறு கூற இயலும்.

இந்து என்றால் திருடன் : நீங்கள் குறிப்பிட்ட நண்பருக்கு சரியான புரிதல் என்பது இல்லை.. திமுக கடந்த 50 / 60 ஆண்டுகளான தான் இருக்கிறது.. ஆனால் இந்து மதம் பல நூற்றாண்டுகளாக இருக்கின்ற ஒன்று.. இன்னும் பல இடங்களில் இதற்கான வரலாற்று சான்றுகள் நம் கண் முன்னே இருக்கிறது..நாளை கால ஓட்டத்தில் திமுக காணாமல் போகலாம்.. ஆனால் இந்து மதம் உலகம் உள்ளவரை இருக்கும்..

மூளைச் சலவை : வரும் இளைய தலைமுறையினர்க்கு சரியான புரிதல் இருந்தால் நிச்சயம் இந்த நிலை எதிர்காலத்தில் மாறும்.. அரசியல் கட்சிகள் நாம் எந்த மதத்தை சார்ந்து இருக்க வேண்டும், எதை பின்பற்ற வேண்டும் என்ற எந்த கட்டுப்பாட்டையும் விதிக்க முடியாது.. விதிக்கவும் கூடாது.

ஒரு இந்தியனாக இந்த நாட்டில் பிறந்ததற்காக பெருமை படுகிறேன். இங்கே மரணித்து போகவும் எண்ணுகிறேன். ஒரு தமிழனாக இங்கு பிறந்து, தமிழ் மொழியை கற்க ஒரு வாய்ப்பு கிடைத்ததால் கோடி புண்ணியம் செய்தது போல உணர்கிறேன்..

என் மதத்தை நேசிப்பது போல , எல்லா மதங்களையும் நேசிக்கிறேன்.. அடுத்த மதங்களை பின்பற்றுபவர்களின் உணர்வுகளுக்கு மதிப்பளிக்கிறேன்.. எல்லா மனிதர்களிடம் அன்பு கொள்ள விழைகிறேன். என் புரிதல்களை என் அடுத்த சந்ததிகளுக்கு கடத்த எண்ணுகிறேன்.

முன்பெல்லாம் சங்கீதா என்று பெயர் இருப்பவரை சங்கி என்று கூப்பிடுவது வழக்கம் , ஆனால் இன்று அப்படி கூப்பிட்டால் அவர் கேலிக்கு உள்ளாவார்.

கொசுறு : நடிகர் விஜய் மனைவியும் ஒரு சங்கிதான், அவர் பெயரும் சங்கீதா என்பதால் .

கிரி, நான் முன்பு கூறியது போல பெரும்பான்மையான இந்துக்களுக்கு இந்து மதத்தை பற்றிய ஒரு தெளிவான புரிதல் இல்லாதது தான் காரணம். இந்து மதத்தை குழந்தைகளுக்கு இளம் வயதில் குடும்பமோ அல்லது நிறுவனமோ(சரியான) அறிமுகம் செய்வது கிடையாது. அவர்கள் பள்ளியிலயோ கல்லூரியிலோ பிற மத நண்பர்கள் கேட்கும் எளிய கேள்விகளுக்கு பதில் கூற முடியாமல், தாழ்வுணர்ச்சிக்கு தள்ளப்படுகிறார்கள். தன் மதத்தின் மேல் விலகளும் ஏற்படுகிறது. அப்படி இருந்தவன் தான் நானும்.

இளம் வயதில் இருக்கும் வேகமும் வெறுப்பும் ஒரு படி மேலே சென்று நான் இந்து அல்ல, எனக்கு மதம் தேவை இல்லை, கடவுள் நம்பிக்கை இல்லாதவன் என்ற சட்டையை போட்டுக் கொள்ள வைக்கிறது. இது ஒரு நடிப்பு மட்டுமே. இந்து மறுப்பாளர்கள் பெரும்பாலும் 40 வயதை தொடும்போது பக்தி மார்க்கத்தை நோக்கி வருவதை காணலாம். இந்த வயதில் பெரும்பாலும் வாழ்கையின் இன்ப துன்பங்களை பார்த்த பின் , நம்மை மீறிய சக்தி இந்த பிரபஞ்சத்தை இயக்குகிறது என்ற புரிதல் வர தொடங்குகிறது. தேடல் உள்ளவர்கள் ஆன்மீகம் நோக்கி செல்கிறார்கள். பெரும்பாலோனோர்கள் அறிதல் முறையை தவிர்த்து, பூரண பக்தி மட்டும் பற்றி கொண்டு இந்து மத ஆசாரங்கள் சடங்குகள் ஆகியவற்றை பின்பற்றுகிறார்கள்.

தமிழ்நாட்டில் சங்கி என்றால் மத வெறியன் என்ற பிம்பம் தான் உள்ளது. இந்த அரசியல் தொடரும் பொது, பெரும்பாலான இந்துக்கள் பிஜேபி கட்சி பக்கம் செல்வார்கள். இவர்கள் ராமனை தான் இழிவு படுத்துவார்கள். முருக கடவுளையோ, திரௌபதி அம்மனையோ, மாரியம்மனையோ இழிவு செய்தால் மக்கள் எதிர்ப்பார்கள் என்று தெளிவாக தெரியும். இங்கே பெரும்பான்மை சாதிமக்கள் வழிபடும் கடவுளாக இருந்தால் மட்டும் தான் விமரிசிக்க படாமல் இருப்பார். அரசியல்வாதிகளுக்கு எல்லாமே வோட்டு கணக்கு தான். 2021 தேர்தலிலே இது தொடங்கி விட்டது என்று நினைக்கிறேன். பிற மத வேட்பாளர்கள் கூட இந்து கோவில்களுக்கு சென்றதும் , பரப்புரையில் வெற்றி வேலை தூக்கியதும் அதனால் தான்.

நான் என்னை “இந்துத்துவன்” என்று கூறுவேன். என் ஆன்மிக தேடலுக்கு பல வழிகளை திறந்து வைத்து இருக்கும் இந்து ஞான மரபை, ரிஷிகளை, ஞானிகளை வணங்குபவன்,தொடர்பவன். எனக்கு கடவுள் இல்லையென்பவனும் எல்லாம் சிவன் மயம் என்பவரும் ஒன்றே. என் மதம் தான் பெரியது என்று சொல்பவர்களிடம் எனக்கு விவாதிக்க ஒன்றும் இல்லை. அவர்கள் தான் எனக்கு தெரிந்து மதவெறியர்கள். அதே போல் எந்த அரசியல் கட்சியும் காப்பாற்றும் அளவுக்கு இந்து மதம் ஒன்றும் வலுவில்லாதது இல்லை. இந்து மதத்தின் வேர்கள் ஆழமாக உள்ளது. ஞானிகளும் ரிஷிகளும் இந்த புண்ணிய பூமியிலே பிறந்து அதை நிரூபித்து கொண்டு தான் இருக்கிறார்கள்.

@சரவணன் & வெ. பத்மநாபன் நன்றி 🙂

@யாசின்

“நீங்கள் உங்கள் மதத்தை அதிகம் நேசிக்கும் போது, உங்களை குறித்து அடுத்தவர்க்கு சந்தேகம் எழும் போது ”

இது சந்தேகம் இல்லை யாசின். அவர்கள் கருத்துக்கு மாற்று கருத்து கூறினால், இது போன்ற உளவியல் தாக்குதல்.

“விளக்க நேரிட்டால் எத்தனை பேருக்கு பொது வெளியில் விளக்க முடியும்..”

அதனால் தனிக்கட்டுரை எழுதிய பிறகு இது போன்ற கருத்துகள் வருவதில்லை.

https://www.giriblog.com/neautral-is-possible-or-not/

“இது முற்றிலும் தவறான புரிதல் என நான் எண்ணுகிறேன்”

புரிதல் இல்லை யாசின். இவர்களின் சித்தாந்த வெறுப்பு.

இவர்களுக்கு எல்லாமே தெரியும், தெரிந்தும் செய்கிறார்கள். இவர்களுக்கு பிடிக்காததை மற்றவர்களும் செய்யக்கூடாது என்ற எண்ணம்.

“ஒரு மதத்தின் கோட்பாடுகளை பின்பற்றுபவரை தவறு என்று இன்னொருவர் எவ்வாறு கூற இயலும்.”

இது தான் நடந்து கொண்டுள்ளது.

“நீங்கள் குறிப்பிட்ட நண்பருக்கு சரியான புரிதல் என்பது இல்லை.”

இது கட்சி பாசம், வெறி. தான் உள்ள கட்சியின் கருத்தை மற்றவர்களிடம் திணித்தல்.

அதாவது உடன்பாடு இருக்காது என்று தெரிந்தும் அதை கூறுவது.

இவர் என் நண்பர் அல்ல, வயதில் மூத்தவர், உறவினர் 🙂 .

“வரும் இளைய தலைமுறையினர்க்கு சரியான புரிதல் இருந்தால் நிச்சயம் இந்த நிலை எதிர்காலத்தில் மாறும்’

மாறும் என்ற நம்பிக்கை உள்ளது.

“என் மதத்தை நேசிப்பது போல , எல்லா மதங்களையும் நேசிக்கிறேன்.. அடுத்த மதங்களை பின்பற்றுபவர்களின் உணர்வுகளுக்கு மதிப்பளிக்கிறேன்.. எல்லா மனிதர்களிடம் அன்பு கொள்ள விழைகிறேன். என் புரிதல்களை என் அடுத்த சந்ததிகளுக்கு கடத்த எண்ணுகிறேன்.”

நீங்கெல்லாம் வேறு லெவல் யாசின்.

உங்களைப் போன்றவர்களே அனைத்து மதங்களிலும் இருந்து விட்டால் பிரச்சனைகளே இருக்காது.

இத்தளத்தில் மத ரீதியான கட்டுரைகளை வரம்பு மீறாமல், ஓரளவு கட்டுப்பாடுடன் எழுதுகிறேன் என்றால் அதற்கு மிக முக்கியக்காரணங்களில் நீங்களும் ஒருவர்.

உண்மையைக்கூறினால், உங்கள் அன்பும், புரிதலுமே என் கோபத்தை கட்டுப்படுத்தி எழுத வைக்கிறது.

@Unmai vilambi

“முன்பெல்லாம் சங்கீதா என்று பெயர் இருப்பவரை சங்கி என்று கூப்பிடுவது வழக்கம் , ஆனால் இன்று அப்படி கூப்பிட்டால் அவர் கேலிக்கு உள்ளாவார்.”

உண்மை தான் 🙂 .

@மணிகண்டன்

“கிரி, நான் முன்பு கூறியது போல பெரும்பான்மையான இந்துக்களுக்கு இந்து மதத்தை பற்றிய ஒரு தெளிவான புரிதல் இல்லாதது தான் காரணம்.”

உண்மை தான் மணிகண்டன்.

எப்போதுமே பாதுகாப்பான நிலையில் இருக்கும் போது அதற்கான தேவை இருக்காது. எனவே, தெரிந்து கொள்ள வேண்டும் என்ற ஆர்வம் இருப்பதில்லை.

“அவர்கள் பள்ளியிலயோ கல்லூரியிலோ பிற மத நண்பர்கள் கேட்கும் எளிய கேள்விகளுக்கு பதில் கூற முடியாமல், தாழ்வுணர்ச்சிக்கு தள்ளப்படுகிறார்கள்.”

உண்மை.

“இளம் வயதில் இருக்கும் வேகமும் வெறுப்பும் ஒரு படி மேலே சென்று நான் இந்து அல்ல, எனக்கு மதம் தேவை இல்லை, கடவுள் நம்பிக்கை இல்லாதவன் என்ற சட்டையை போட்டுக் கொள்ள வைக்கிறது. இது ஒரு நடிப்பு மட்டுமே.”

இதை தான் அர்த்தமுள்ள இந்து மதத்தில் கண்ணதாசன் அவர்கள் அழகாக கூறி இருப்பார்.

“இந்து மறுப்பாளர்கள் பெரும்பாலும் 40 வயதை தொடும்போது பக்தி மார்க்கத்தை நோக்கி வருவதை காணலாம். இந்த வயதில் பெரும்பாலும் வாழ்கையின் இன்ப துன்பங்களை பார்த்த பின் , நம்மை மீறிய சக்தி இந்த பிரபஞ்சத்தை இயக்குகிறது என்ற புரிதல் வர தொடங்குகிறது. ”

100% உண்மை.

நான்கு பக்கம் கஷ்டம் வந்தால் நாத்திகனும் ஆத்திகன் ஆகி விடுவான் என்பார்கள்.

அது போல, இளமை காலத்தில் பாதுகாப்பு இருப்பதால், பொறுப்புகள் குறைவு என்பதால், எப்போதுமே தெனாவெட்டாக இருப்பார்கள்.

ஆனால், திருமணம் ஆகி, பொறுப்புகள் கூடி, எதிர்கால கவலை வரும் போது கடவுள் நம்பிக்கை தானாகவே வந்து விடுகிறது.

அதோடு நீங்கள் கூறுவது போல தேடலும் அதிகமாகி விடுகிறது.

எனக்கு சிறு வயதிலும் கடவுள் நம்பிக்கை உண்டு ஆனால், தற்போது அதிகமாக உள்ளது. வயது ஒரு முக்கியக்காரணம்.

“தமிழ்நாட்டில் சங்கி என்றால் மத வெறியன் என்ற பிம்பம் தான் உள்ளது.”

100%

“இந்த அரசியல் தொடரும் பொது, பெரும்பாலான இந்துக்கள் பிஜேபி கட்சி பக்கம் செல்வார்கள். ”

தற்போது இது தான் நடந்து கொண்டுள்ளது. இதன் வீரியம் புரியும் போது திமுக தனது பரப்புரை பலனிக்கவில்லை என்பதை உணரும் ஆனால், காலம் கடந்து இருக்கும்.

“இவர்கள் ராமனை தான் இழிவு படுத்துவார்கள். முருக கடவுளையோ, திரௌபதி அம்மனையோ, மாரியம்மனையோ இழிவு செய்தால் மக்கள் எதிர்ப்பார்கள் என்று தெளிவாக தெரியும். ”

அப்படியும் முருகனை, கந்த சஷ்டி கவசத்தை இழிவுபடுத்தினார்களே.

இழிவுபடுத்தியவன் இன்னமும் சுதந்திரமாக இன்னும் சுற்றிக்கொண்டு உள்ளானே!

ஆனால், முன்பை விட தற்போது குறைந்துள்ளது, பயம் வந்துள்ளது. இதற்கு காரணம், இந்துக்களிடம் ஏற்பட்டுள்ள விழிப்புணர்வு.

“அரசியல்வாதிகளுக்கு எல்லாமே வோட்டு கணக்கு தான். 2021 தேர்தலிலே இது தொடங்கி விட்டது என்று நினைக்கிறேன். பிற மத வேட்பாளர்கள் கூட இந்து கோவில்களுக்கு சென்றதும் , பரப்புரையில் வெற்றி வேலை தூக்கியதும் அதனால் தான்.”

ஒரு காலத்தில் இந்து வாக்கு வங்கி உருவாகும். அப்போது கூட வேண்டாம், பாஜக வெற்றி பெற்றாலே இவர்கள் காவடி எடுக்கவும் தயங்க மாட்டார்கள்.

சிறுபான்மையினர் பாசம் எல்லாம் அவர்கள் வாக்கு இவர்கள் வெற்றிக்குத் தேவை எனும் போது மட்டுமே!

ஒரு வகையில் சிறுபான்மையினரும் இந்துக்கள் போல முட்டாள்களே.

எனவே, அரசியல் கட்சிகள் குறிப்பாக திமுக இவர்களை நன்கு பயன்படுத்திக்கொள்கிறது.

“என் மதம் தான் பெரியது என்று சொல்பவர்களிடம் எனக்கு விவாதிக்க ஒன்றும் இல்லை. அவர்கள் தான் எனக்கு தெரிந்து மதவெறியர்கள். ”

சரியாகக் கூறினீர்கள்.

தன் மதத்தைப் போற்றுவது, உயர்த்துவது, பின்பற்றுவது தவறில்லை ஆனால், தன் மதம் மட்டுமே சிறந்தது என்று வரும் போது தான் சிக்கலாகிறது.

“அதே போல் எந்த அரசியல் கட்சியும் காப்பாற்றும் அளவுக்கு இந்து மதம் ஒன்றும் வலுவில்லாதது இல்லை.”

இதில் எனக்கு மாற்றுக்கருத்து உள்ளது.

தற்போது பாஜக இல்லையென்றால், தற்போதுள்ள நிலை இருக்காது. ராமர் கோவில் வந்து இருக்காது. ஞானவாபி, மதுரா வராது. பெருமையாக கொண்டாடும் சூழ்நிலை இருக்காது.

இது போன்று கூற ஏராளமான தகவல்கள் உள்ளது. மோடி மூன்றாம் ஆட்சி இதை விடத் தெளிவாக உணர்த்தும்.

தமிழ்நாட்டையே எடுத்துக்கொண்டால், திமுக இன்னும் 30 வருடங்கள் ஆட்சியில் உள்ளது என்றால், இந்து மதம் என்பது பெயரளவில் மட்டுமே இருக்கும்.

காரணம், இந்து மதத்துக்கு எதிராக எவ்வளவு மோசமாக செயல்பட முடியுமோ அவ்வளவையும் செய்து வருகிறார்கள்.

ஏராளமான மத மாற்றம் நடந்து இருக்கும், இந்துக்கள் உரிமைகள் பறிக்கப்பட்டு இருக்கும்.

இந்து மதம் வலுவானதாக இருக்கலாம் ஆனால், இந்து மக்கள் வலுவானவர்களாக குறிப்பாக தமிழக மக்கள் இல்லை.

தற்போது மாற்றம் கண்டு வருவது மகிழ்ச்சி.

“இந்து மதத்தின் வேர்கள் ஆழமாக உள்ளது. ஞானிகளும் ரிஷிகளும் இந்த புண்ணிய பூமியிலே பிறந்து அதை நிரூபித்து கொண்டு தான் இருக்கிறார்கள்.”

தொடர வேண்டும் என்பதே என் விருப்பம்.