The Stranger | 2020 | British TV Crime series | Season 1

Bodyguard போலப் பிரிட்டிஷ் க்ரைம் சீரிஸ் The Stranger.

The Stranger

ஒருவரிடம் அறிமுகம் இல்லாத பெண் சென்று ‘உங்கள் மனைவி கர்ப்பம் போலி, உங்க பசங்க DNA சோதனை செய்து பாருங்க!‘ என்று கூறினால் எப்படி இருக்கும்?

ஒரு பெண்ணிடம் ‘உங்கள் மகளோட ஆபாச காணொளி என்னிடம் உள்ளது. 10000 பவுண்ட் கொடுத்தால் காணொளிகளை நீக்கி விடுகிறேன்‘ என்று மிரட்டுகிறார்.

இது போல நகரில் ஆங்காங்கே அவர்களுக்கு மட்டுமே தெரிந்த இரகசியத்தைத் தெரிந்து மிரட்டுகிறார்கள். இறுதியில் என்ன ஆகிறது என்பதே கதை.

துவக்கத்தில் இருந்து இறுதி வரை சுவாரசியம் குறையாமல் கொண்டு சென்றுள்ளார்கள். Image Credit

இங்கிலாந்து

இங்கிலாந்து என்றாலே பெரிய பெரிய கட்டிடம், பரபரப்பான மக்கள் என்றே திரைப்படங்களில் பார்த்தே பழக்கப்பட்டு இதில் வேறு மாதிரி உள்ளது.

புறநகர் பகுதிகளில் எடுத்துள்ளார்கள் போல. பசுமையாக, அட்டகாசமாக இடங்கள் உள்ளது, பார்க்கப் பொறாமையாகவும் இருந்தது 🙂 .

இன்னொரு பக்கம் ஒரு பள்ளி மாணவன் ஆடை இல்லாமல், ஏரி பக்கம் உயிருக்கு ஆபத்தான நிலையில் கண்டுபிடிக்கப்படுகிறான். எதனால், இப்படி ஆனான்? என்ற விசாரணை துவங்குகிறது.

பள்ளிகளில் மாணவ மாணவிகளிடையே நடக்கும் பிரச்சனைகள், தாயை இழந்து தவிக்கும் பிள்ளைகள் என்று இவர்களின் வாழ்க்கை ஒரு பக்கம்.

விசாரணை அதிகாரி

விசாரணை அதிகாரியாக வரும் பெண்ணின் நண்பியும் பாதிக்கப்பட்டதால், வழக்கைத் தனிப்பட்ட முறையில் எடுத்துக்கொண்டு மிகத்தீவிரமாக விசாரிக்கிறார்.

இவர் குற்றவாளியைப் பிடிக்கும் போது தப்பித்து விட, உடன் பணிபுரிபவர்கள் இவர் உணர்ச்சிகரமாக, கோபமாக இருப்பதால், சரியான முறையில் பணி புரியவில்லை என்று சந்தேகிக்கிறார்கள்.

இரகசியங்கள் எப்படித் தெரிகிறது? யார் கடத்தி இருப்பார்கள்? பள்ளி சிறுவனுக்கு என்ன நடந்தது என்று பரபரப்பாகக் கொண்டு சென்றுள்ளார்கள். நாம் ஊகிப்பது எல்லாமே தவறாக உள்ளது. சில கேள்விகளுக்கான விடையில்லை.

ஒளிப்பதிவு இங்கிலாந்தின் பசுமையை, அழகை அசத்தலாகக் காட்டியுள்ளது. பின்னணி இசையும் த்ரில்லர் படத்துக்குண்டான அளவில் உள்ளது.

இந்த க்ரைம் சீரிஸ் ஒவ்வொரு காட்சியும் மிகப் பரபரப்பானது என்று கூற முடியாது ஆனால், எங்குமே சலிப்புத் தட்டாமல், நம்மைப் பார்க்க வைத்துள்ளார்கள்.

அனைவரும் பார்க்கப் பரிந்துரைக்கிறேன், குறிப்பாக இங்கிலாந்தில் உள்ளவர்களை. NETFLIX ல் உள்ளது.

பரிந்துரைத்த நபர் பெயர் மறந்து விட்டது.

Read: Bodyguard | British TV Crime series | Season 1

Created by Harlan Coben
Based on The Stranger by Harlan Coben
Written by Danny Brocklehurst, Mick Ford, Karla Crome, Charlotte Coben
Directed by Daniel O’Hara, Hannah Quinn
Starring Richard Armitage, Siobhan Finneran, Jennifer Saunders
Composer(s) David Buckley
Country of origin United Kingdom
Original language(s) English
No. of episodes 8
Producer(s) Madonna Baptiste
Running time 42–51 minutes
Original network Netflix
Original release 30 January 2020

🛑 To get Blog Article, Finance, UPI, OTT, Tech News follow -–> giriblog WhatsApp Channel (WhatsApp Blog ⭐).