கண்ணும் கண்ணும் கொள்ளையடித்தால் (2020)

மலையாள நடிகர் துல்கர் சல்மான் 25 வது படம் தமிழில் 🙂 .

கண்ணும் கண்ணும் கொள்ளையடித்தால்

துல்கரும் அவரது நண்பர் ரக்க்ஷனும் இணைந்து தொழில்நுட்ப திருட்டை செய்கிறார்கள். அதுவும் சும்மா இல்லை, அதிகப் புத்திசாலித்தனமாக.

துல்கர் விவரமான திருடன் ஆனால், இவர்களே ஏமாந்து விடுகிறார்கள். இறுதியில் என்ன ஆகிறது என்பதே கண்ணும் கண்ணும் கொள்ளையடித்தால் கதை. Image Credit – Twitter

ரித்து வர்மா துல்கர் காதல் துவக்கத்தில் சலிப்பு தட்டி, இன்னும் கதையே துவங்கவில்லையே எனும் போது துல்கர் கடனட்டை வேலை செய்யவில்லையென ஆரம்பிக்கிறது.

துல்கர் & ரக்க்ஷன் கூட்டணி

துல்கர் நண்பனாக வரும் ரக்க்ஷன் கூட்டணி நன்றாக உள்ளது. படம் நெடுக புன்னகைக்க, சிரிக்க வைத்துக்கொண்டே உள்ளார். இவர் பேசுவது தனுஷ் பேசுவது போலவே உள்ளது.

இடைவேளை ட்விஸ்ட் செம்ம சுவாரசியம் ஆனால், ஊகிக்க முடிந்தது. இறுதியிலும் பாதி ஊகித்தேன் மீதி சுத்தமா எதிர்பார்க்கவில்லை. திரையரங்கில் எல்லோருமே ரசித்தார்கள்.

தற்போதெல்லாம் முகவரி சான்றிதழ் கெடுபிடி அதிகமாகி விட்டது, அவ்வளவு எளிதில் போலி முகவரி கொடுத்துச் சிம் வாங்கிட முடிவதில்லை ஆனாலும், செய்கிறார்கள்.

திருட்டை கண்டுபிடிக்கும் காவல் அதிகாரியாகக் கௌதம் மேனன்.

சிறு சிறு கதாப்பாத்திரங்களில் வந்தவர் இதில் முக்கியக்கதாப்பாத்திரத்தில் நிறைவாக நடித்துள்ளார். காவல் அதிகாரி வேடம் நன்றாகப் பொருந்தியுள்ளது.

திரைக்கதை

‘சூதுகவ்வும்’ படத்தில் திருட்டை செய்பவர்களைப் படம் பார்க்கும் மக்கள் ரசிக்கும்படியான கதையமைப்பு இருக்கும்.

இதிலும் அதே போல இவர்கள் செய்வது தவறு என்றாலும் நாயகன் என்பதால் அதையும் வேறு கோணத்தில் ஏற்றுக்கொள்வதாக வருகிறது.

இதெல்லாம் சரியா என்ற கோணத்தில் யோசித்தால், ஏற்றுக்கொள்ள முடியாது ஆனால், பொழுதுபோக்காகக் கடந்து சென்றால், சலிப்பாக்காத சுவாரசியமான படம்.

துல்கர் செய்யும் காரியங்கள் இவ்வளவு எளிதாகச் செய்து விட முடியுமா? என்ற கேள்வியை எழுப்பினாலும் திரைக்கதை சுவாரசியத்தில் அடிபட்டுப் போகின்றன.

இறுதிக்காட்சிகள் பரபரப்பாகவும், ட்விஸ்ட் நிறைந்ததாகவும் உள்ளன. இயக்குநர் தேசிங்கு பெரியசாமி தனது முதல் படத்திலேயே கவனிக்க வைத்துள்ளார்.

சென்னை மற்றும் பல இடங்களைக் கழுகுப்பார்வை கோணத்தில் காட்டுவது அட்டகாசமாக உள்ளது. படத்தின் பின்னணி இசை ரசிக்கும்படி இருந்தது.

பொழுதுபோக்குப் படத்தைத் தொழில்நுட்ப சுவாரசியத்துடன் பார்க்க விரும்பும் அனைவருக்கும்  கண்ணும் கண்ணும் கொள்ளையடித்தால் படத்தைப் பரிந்துரைக்கிறேன்.

Directed by Desingh Periyasamy
Produced by Anto Joseph, Viacom 18 Studios
Written by Desingh Periyasamy
Story by Desingh Periyasamy
Starring Dulquer Salmaan, Ritu Varma
Music by Soundtrack: Masala Coffee, Score: Harshavardhan Rameshwar
Cinematography K. M. Bhaskaran
Edited by Praveen Anthony
Release date 28 February 2020
Country India
Language Tamil

கொசுறு

1 ரூபாய்க்கு பதிலாகக் கடைக்காரர் மிட்டாய் கொடுத்ததால், ரித்து வர்மா சண்டைக்குப் போவார். இதற்கு அருகில் இருந்த என் மனைவி என்னைப்பார்த்து சிரித்தார்.

இக்காட்சியில் வரும் வசனங்கள் கிட்டத்தட்ட பின்வரும் கட்டுரையில் உள்ளது 😀 .

முட்டை பிரியாணியும் மீதி ஒரு ரூபாயும்

🛑 To get Finance, Train, Food, UPI, OTT updates, Memes, Tech News, Online Offers follow –> giriblog WhatsApp Channel (WhatsApp Blog ⭐).