தோனி (2012) | கிரிக்கெட்டர் ஆகணும்

நண்பன் படம் போல ஒரு கருத்தை வலியுறுத்தும் படமாக தோனி வந்துள்ளது.

நண்பன் படம் ரிச்சாக எடுக்கப்பட்டுள்ளது என்றால் தோனி நடுத்தர மக்களின் உணர்வுகளை வெளிப்படுத்தி வந்துள்ளது. Image Credit

தோனி 

தோனி போல ஆக வேண்டும் என்று கிரிக்கெட்டில் மிகுந்த ஆர்வமாக இருக்கும் பிரகாஷ்ராஜ் பையன் படிப்பில் கவனம் செலுத்துவதில்லை.

இதன் பிறகு என்ன நடக்கிறது என்பதை நம்ம பக்கத்து வீடுகளில் நடக்கும் கதை போலக் கூறி இருக்கிறார் இந்தப்படத்தின் நடிகரும் இயக்குனரும் ஆகிய பிரகாஷ்ராஜ்.

பிரகாஷ்ராஜ் க்கு இது முதல் இயக்கம் என்று நம்ப முடியவில்லை.

பிரகாஷ்ராஜ்

சமீபமாக வந்த படங்களில் ஒரு நடுத்தர வருமான குடும்பஸ்தனின் உணர்வுகளை இவ்வளவு எதார்த்தமாக ஏதாவது பிரதிபலித்து இருக்கிறதா என்று நினைவில்லை.

பிரகாஷ்ராஜ் போலத் தெருவுக்கு ஐந்து பேர் நிச்சயம் இருப்பார்கள். படம் பார்க்கும் ஒவ்வொருவரும் தங்களையே பார்ப்பது போல இருக்கும் என்பதில் எனக்கு சந்தேகமில்லை.

மாத செலவைச் சமாளிக்க அவர் படும் சிரமங்களில் எந்த மிகைப்படுத்தலும் இல்லை என்றே கருதுகிறேன். சில நேரங்களில் இவருடைய மிகைப்பட்ட நடிப்பு (Over Acting) தவிர்த்து.

கதை இவருடைய பையனை வைத்து இருந்தாலும் படம் முழுவதும் கலக்கி இருப்பவர் பிரகாஷ்ராஜ் தான்.

இவருக்கு ஏதாவது பிரச்சனை வரும் போது நம்மை அறியாமல் இவர் செலவுக்கு என்ன செய்வார் என்றே மனது கணக்கு போடுகிறது.

நடுத்தரக் குடும்பம்

படித்துக்கொண்டு இருக்கும் நீங்கள் நடுத்தர குடும்பத்தைச் சேர்ந்தவர் என்றால் நிச்சயம் இது பற்றிப் பிரகாஷ்ராஜ் என்ன நினைக்கிறார் என்று காட்டப்படுவதற்கு முன்பே நீங்கள் கணக்கு போட்டு விடுவீர்கள்.

இதுவே படத்தின் வெற்றி என்று நினைக்கிறேன். இவர் பெண் பூபெய்தியவுடன் எனக்கு வந்த முதல் எண்ணம் அடுத்த செலவா! என்று தான் 🙂

பையன் படிப்பில் ஆர்வம் காட்டவில்லை என்பதை அறிந்து பள்ளியில் முதல்வரிடமும் ஆசிரியர்களிடமும் “சார் சார் என் பையன் நல்ல பையன் சார் எப்படியாவது படிச்சுடுவான் சார்” என்று கெஞ்சுவது எத்தனை அப்பாக்கள் வாழ்க்கையில் தினமும் நடக்கும் ஒரு செயல்!

பிரகாஷ்ராஜ் பையன் படிப்பில் ஆர்வம் காட்டாமல் இருப்பதை பார்த்துக் கடுப்பாகி உனக்கு என்ன தாண்டா தெரியும்? என்று கேட்கும் போது..

“கிரிக்கெட்” என்று கூறி தொடர்ந்து நான் ரஞ்சி ல விளையாடப்போகிறேன் என்று கூறியதும் கோபத்தின் உச்சிக்கே சென்று “டேய் இங்க கஞ்சிக்கே வழியில்ல இதுல உனக்கு ரஞ்சி கேட்குதா” என்று கூறுவதும் கோபத்தில் கிரிக்கெட் மட்டையை அடித்து உடைப்பதும் என்று ஒரு சராசரி அப்பாவாக நடிப்பில் தூள் கிளப்புகிறார்.

சாத்தியமில்லாதது

முக்கால்வாசிப் படம் இயல்பாகவும் கடைசியில் சினிமாத்தனமாகவும் உள்ளது. விஜய் டிவி நீயா நானா வில் பேசுவதும் அதன் பிறகு நடக்கும் சம்பவங்களும் உண்மையில் சாத்தியமே!

ஆனால் அதன் பிறகு முதல்வர் மற்றும் க்ளைமாக்ஸ் எல்லாம் நடைமுறையில் சாத்தியமில்லாதது.

மகிழ்ச்சியான முடிவிற்காக இதை படம் பார்ப்பவர்கள் ஏற்றுக்கொள்ளலாம். பிரகாஷ்ராஜும் இதற்காக கொஞ்சம் சமரசம் செய்து கொண்டுள்ளார்.

கொள்ளை அடிக்கும் பள்ளிகளையும் 100 சதவீதம் தேர்வு பெற அவர்கள் செய்யும் வழி முறைகளையும் வெளுத்து வாங்கி இருக்கிறார்.

17 * 8 எவ்வளோ என்று கேட்டு அவர் பொங்குவது படம் முடிந்தும் நமக்கு கணக்கு போட்டுப் பார்க்கத் தோன்றுகிறது. நான் கணக்கில் ரொம்ப மோசம் 🙂 .

இந்த இம்சைக்காகவே +1 வரும் போது கணக்கு இல்லாத பிரிவாக எடுத்தேன்.

இசை இளையராஜா அவர்கள், குறை கூறும் படி எதுவுமில்லை.

தனக்கு காரியம் ஆக வேண்டும் என்றால் அவர் தயாரிக்கும் ஊறுகாய் பாட்டிலை கொடுப்பது ரசிக்கும் படி இருக்கும் 🙂

இதில் கொஞ்சம் விவகாரமான கதாப்பாத்திரத்தில் வந்து இவர்களில் கலந்து விடும் கதாப்பாத்திரமாக வரும் ராதிகா, கந்து வட்டி வாங்கும் நபர், பிரகாஷ் ராஜ் நண்பர்கள், அவரது பெண், அலுவலக நண்பர்கள் என்று பலரும் மனதில் நிற்கும் கதாப்பாத்திரங்கள்.

தோனி நிச்சயம் பார்க்க வேண்டிய படம்.

கொசுறு

சிங்கப்பூர் முஸ்தபா சென்டர் ரொம்ப பிரபலமானது. தற்போது இங்குக் கட்டப்பட்ட புதிய கட்டிடத்தில் மேலே ஒரு உணவு விடுதி துவங்கி இருக்கிறார்கள்.

ஆனால் இது முஸ்தபா கடையோடது இல்லை என்று கூறினார்கள்.

நண்பர் நன்றாக உள்ளது மற்றும் விலையும் பரவாயில்லை ரகமாக உள்ளது என்று கூறியதால் சென்று இருந்தேன்.

உள்ளே போனதும் பெரும்பாலும் அங்கே இருந்தது வட இந்தியர்கள் தான் (சாப்பிட வந்தவர்களும் பணியில் இருந்தவர்களும்).

எனக்கு இவர்களைக் கண்டாலே பிடிக்காது.. இது பற்றி ஒரு பதிவு எழுதலாம் என்று இருக்கிறேன் ஆனால் அதற்கான நேரம் அமையவில்லை.

மெனுவை பார்த்தவுடனே கடுப்பாகி விட்டேன்.. காரணம் அதில் இருந்த “வடா தோசா” வைப் பார்த்துத் தான் 🙂

என்கிட்டே வந்து “சார் வடா தோசா” என்றால் செம காண்டாகி விடுவேன்.

நண்பன் ஒருவன் கொஞ்ச மாதம் சிங்கப்பூரில் இருந்தான் நானும் அவனும் சேர்ந்தால் இவர்களை செம ஓட்டு ஓட்டுவோம்.

குறிப்பாக இந்த வடா தோசா மற்றும் இவர்கள் பேசும் கேவலமான ஆங்கிலத்தையும்.

எடுத்துக்காட்டாக Food court என்பதை இவர்கள் fudu court என்று தான் கூறுவார்கள் 🙂 . இந்த லட்சணத்துல நம்மை நக்கலடிப்பாணுக…. இந்த பப்ஸ் மண்டையணுக.

மெனு கார்டில் இருந்த North Indian Thali, South Indian Thali பார்த்ததும் எனக்கு விவேக் காமெடி தான் நினைவுக்கு வந்தது.

“பஞ்சாபி தாளியா!! இங்க தமிழன் தாலியே அந்துடும் போல இருக்கே!!” என்று 😀 .

விலை ரொம்ப இல்லை பரவாயில்லை ரகம் தான் இருப்பினும் இதைப் பார்த்ததும் சிரிப்பாகி விட்டது.

கொண்டு வர பதினைந்து நிமிடம் மேல் ஆகியது அதில் இருந்தது அனைத்துமே ரெடிமேட் ஐட்டம் தான் அதுக்கு எதற்கு இவ்வளோ நேரம் எடுத்தார்கள் என்று தான் புரியவில்லை.

அப்புறம் பொறுமையாக சென்று ஒருநாள் “வடா தோசா” வை எப்படி இருக்கிறது என்று பார்க்க வேண்டும் 🙂 .

இந்த “வடா” மாநில வெண்ணை வெட்டிகளை ஒருநாள் போட்டு நான் தாளிக்கிறேன் பாருங்க! 🙂

தேசிய ஒருமைப்பாடு எல்லாம் இவர்கள் விசயத்தில் என்கிட்டே இல்லவே இல்லை மன்னித்தருள்க. இவனுகளை எனக்கு பிடிக்கவே பிடிக்காது (வெகு சிலர் தவிர்த்து).

🛑 To get Blog Article, Finance, UPI, OTT, Tech News follow -–> giriblog WhatsApp Channel (WhatsApp Blog ⭐).