எதனால் சீமான் ஆபத்தானவர்?

சர்ச்சையாகப் பேசுவது, பிரிவினைக் கருத்துகளைத் தமிழ் தேசியம் என்ற பெயரில் வைப்பது சீமான் வழக்கம். தற்போது பாரத அன்னையையும் இழிவுபடுத்தியுள்ளார்.

சீமான்

தமிழ் தேசியம், பிரபாகரன் என்று தனது கட்சியைப் பலருடன் ஆரம்பித்தார் ஆனால், இன்றோ கட்சியைத் தனதாக்கி மற்றவர்களைக் கட்சியிலிருந்து நீக்கி விட்டார்.

துவக்கத்தில் பகுத்தறிவு பேசி அனைத்து இந்துக்கடவுள்களையும் மிகவும் கேவலமாகப் பேசி வந்தார். இது தற்போது பலருக்குத் தெரியாது. Image Credit

பின்னர் பகுத்தறிவிலிருந்து விலகி முருகனை பிடித்துக்கொண்டு பாட்டன் பூட்டன் என்று பேசி, காலம் காலமாக இருக்கும் முருகன் வடிவமைப்பையே மாற்றுகிறார்.

இவையல்லாது, இன்று ஒன்று பேசுவார், நாளையே அதை மாற்றிப் பேசுவார். நிருபர் எவரும் கேள்வி கேட்டால், மரியாதைக்குறைவாக விமர்சிப்பார்.

பிரிவினை

எப்போது ஜெ காலமானாரோ அன்று முதல் பிரிவினைவாதிகளுக்குக் கொண்டாட்டமாகி விட்டது. ஜெ இருந்தவரை அனைத்தையும் பொத்திக்கொண்டு இருந்தவர்கள், இன்று ஆடும் ஆட்டம் சொல்லி மாளாது.

தமிழ்த்தேசியம் என்ற பெயரில் தமிழகத்தை பிரிப்பது, இந்தியாக்கு எதிரான கருத்துகளைக் கூறுவது என்று தொடர்ந்து பிரிவினைப் பேச்சைப் பேசி வருகிறார்.

இதுவரை எந்தக் கடும் நடவடிக்கையும் எடுக்கப்படவில்லை. திமுகவே பிரிவினைப் பேசும் போது அவர்கள் எடுப்பார்கள் என்ற நம்பிக்கையில்லை.

பாரத அன்னையை இழிவுபடுத்திப் பேசுகிறார் இதுவரை எந்த நடவடிக்கையும் இல்லை, கடுப்பாக உள்ளது.

பிரிவினைப் பேசுபவர்களுக்கு ஒருவருடச் சிறை என்று செயல்படுத்தினாலே அடங்குவார்கள். இல்லையென்றால், இது போன்று வாய்க்கு வந்ததை பேசுவார்கள்.

எதனால் மத்திய அரசு நடவடிக்கை எடுக்காமல் உள்ளது?

இளையோர்

சீமானின் பலமே உணர்ச்சிவசப்படும் இளையோரே. வழக்கமாக இளையோரில் பெரும்பாலானவர்களுக்கு அனுபவமின்மை காரணமாக, புரிதல் இருக்காது.

எனவே, சீமானின் பேச்சில் பலரும் விட்டில் பூச்சிகளாக விழுந்து விடுகிறார்கள்.

சீமானின் பலமே அவரது வாய் தான். உணர்ச்சிகரமாகப் பேசுவதை உண்மையென நம்பி ஏராளமான இளையோர் ஏமாந்து கொண்டுள்ளார்கள்.

எப்படி இது போல முட்டாள்தனமாகப் பேச முடியும் என்று தோன்றும் அளவுக்குப் பேசுகிறார், அதையும் ஒரு கூட்டம் கைதட்டி ஆர்ப்பரிக்கிறது.

மாடு மேய்ப்பதை அரசு வேலையாக்குவேன், சுற்றுலா கைடுக்கு மாதம் ஒரு லட்சம் சம்பளம், படிக்கலைனாலும் அரசு வேலை என்று மனம் போன போக்கில் பேசி வருகிறார். இவற்றோடு பிரிவினைவாதத்தையும் விதைத்து வருகிறார்.

சிந்திக்க தெரியாத ஒரு முட்டாள் கூட்டத்தையே உருவாக்கிக்கொண்டுள்ளார்.

இவ்வளவு பேசும் சீமான், தனது மகனை நன்கு படிக்க வைக்கிறார் ஆனால், இதைப் புரிந்து கொள்ளாமல் ஒரு முட்டாள் கூட்டம் இவர் பேசுவதை நம்பி வாழ்க்கையைத் தொலைத்துக்கொண்டுள்ளது.

சின்னம்

இவருக்குச் சின்னம் கிடைக்காததுக்கு மற்றவர்களைக் குறை கூறிக்கொண்டுள்ளார்.

இவர்களைப் போல முட்டாள்களை எங்கும் காண முடியுமா? தலைவன் எவ்வழியோ தொண்டனும் அவ்வழி என்று நடைமுறையே புரியாமல் கத்திக்கொண்டுள்ளார்கள்.

ஒரு கட்சியின் சின்னம் என்பது எவ்வளவு முக்கியமானது! அதைத் தக்கவைக்க எவ்வளவு முன்னேற்பாடாக இருக்க வேண்டும்?! ஆனால், அப்போது கண்டுகொள்ளாமல் இருந்து தற்போது குதிப்பதால் என்ன பயன்?

ஜனவரியில் செய்ய வேண்டியதை மார்ச் வரை செய்யாமல் தூங்கி விட்டு, தற்போது எங்களை அடக்குக்கிறார்கள் என்று ஒப்பாரி வைத்துக்கொண்டுள்ளார்.

இரண்டு மாதங்களுக்கு மேல் எதையுமே கண்டுகொள்ளாமல் இருந்ததால், தேர்தல் ஆணையத்திடம் கேட்டவருக்கு கொடுத்து விட்டார்கள்.

இந்தியா முழுக்க ஆயிரம் கட்சிகள் உள்ளது. இவர்கள் ஒவ்வொருவரையும் அழைத்து உங்களுக்கு திரும்ப வேண்டுமா என்று கேட்பது தான் தேர்தல் ஆணையம் வேலையா?

தேர்தலில் போட்டியிடாத கமல் கூடச் சரியான நேரத்தில் விண்ணப்பித்து அவரது கட்சி சின்னத்தைப் பெற்றுள்ளார்.

எளிமையாகப் புரிந்து கொள்ளச் சிறு எடுத்துக்காட்டு

இத்தளத்தின் முகவரி https://www.giriblog.com, குறைந்தபட்ச காலம் ஒரு வருடம். நாம் வாங்கும் டொமைன் நிறுவனத்தைப் பொறுத்து நீட்டிப்பு செய்யலாம்.

ஆனால், அந்த நேரத்தில் நீட்டிக்க மறந்தால், முகவரியை 10 வருடங்களாக வைத்து இருந்தேன் அதனால் திரும்பக் கொடுங்கள் என்றால், முடியாது.

போனால் போனது தான், 10 வருடங்களாக உழைத்தது அனைத்தும் வீண் தான். என்ன கதறினாலும் திரும்பக் கிடைக்காது.

அடிப்படை

சீமான் மேற்கூறியதையே செய்துள்ளார். செய்ய வேண்டிய நேரத்தில் செய்யாமல் தற்போது கதறி என்ன செய்வது?

கட்சி சின்னம் என்பது அடிப்படையான தேவை. அதையே இவரால் பார்த்துக்கொள்ள முடியவில்லை என்றால், இவர் தான் நாட்டைப் புரட்டிப்போடப் போகிறாரா?

இச்சின்னத்தை வைத்துப் பதாகைகள், பேனர்கள் அதிகம் வைத்து இருப்பார்கள். இவற்றை இனி பயன்படுத்த முடியாது, புதிய சின்னத்துக்குக் கூடுதல் செலவாகும்.

இப்பிரச்சினைக்கு முழுக்க முழுக்க சீமான் மட்டுமே காரணம், வேறு யாரும் அல்ல. உச்சநீதிமன்றத்தில் மேல் முறையீடு செய்துள்ளார்கள்.

எதனால் சீமான் ஆபத்தானவர்?

பிரிவினைவாதம் பேசுவது, இளையோர்களின் உணர்ச்சிகளைத் தூண்டி சிந்திக்க விடாமல் செய்வது, சாத்தியமே இல்லாததைக் கூறி ஏமாற்றுவது என்று மூளைச்சலவை செய்துகொண்டுள்ளார்.

இவரை நம்பி இளையோர்கள் வாழ்க்கையைத் தொலைத்து, 10 / 15 வருடங்களுக்கு பிறகே உணர்ந்து, அதன் பிறகு ஒன்றும் இல்லாமல் போகிறார்கள்.

சுருக்கமாக, தனக்கு இணையாக ஒருவர் கட்சியில் வளர்வதைச் சீமான் விரும்புவதில்லை. இது எப்போது இளையோர்களுக்குப் புரியும்?

இவர்கள் தங்கள் இளமைக்காலத்தைத் தொலைத்து, முக்கியத்துவம் வாய்ந்த பதவிக்கு வரும் வேளையில் (தோராயமாக 30 – 40 வயது), நீ எனக்குத் தேவையில்லை என்று கட்சியிலிருந்து விலக்கி விடுவார்.

இதுவரை உழைத்த உழைப்பு, செலவழித்த பணம்?! அனைத்தும் போச்சு.

மூளைச்சலவை 

தற்போது சீமானை விமர்சிப்பவர்கள் எல்லோருமே இதுபோலப் பாதிக்கப்பட்டவர்கள் தான், அதாவது 40 வயதைக் கடந்தவர்கள். வாழ்க்கையைத் தொலைத்தவர்கள்.

என்னவொரு கசப்பான உண்மை என்றால், தற்போது இவற்றை இளையோரிடம் என்ன கூறினாலும், புரிந்து கொள்ள மாட்டார்கள்.

காரணம், அந்த அளவுக்கு மூளைச்சலவை செய்யப்பட்டுள்ளார்கள். அடிபட்டுத் தான் திருந்துவார்கள் ஆனால், வாழ்க்கையைத் தொலைத்து இருப்பார்கள்.

ஒரு கட்சியிலிருந்து விலகுபவர்கள் முன் இருந்த கட்சியை விமர்சிப்பது, பல்வேறு காரணங்களைக் கூறுவது வழக்கம் ஆனால், நாம் தமிழர் கட்சியிலிருந்து விலகுபவர்கள் கூறும் காரணம் கவனிக்கப்பட வேண்டியதாக உள்ளது.

‘சீமானுக்கு தனது கட்சியை வளர்க்க வேண்டும் என்ற எண்ணமில்லை. இப்படியே தன்னைச்சார்ந்து மட்டுமே கட்சி, தொண்டர்கள் இருக்க வேண்டும் என்ற எண்ணத்தில் இருக்கிறார்‘ என்ற சந்தேகம் பல நாட்களாக உள்ளது.

இக்காணொளியில் கூறுவதைக் கேட்கும் போது உறுதியாகிறது. இக்காணொளியை அவசியம் பார்க்கப் பரிந்துரைக்கிறேன்.

🛑 To get Finance, Train, Food, UPI, OTT updates, Memes, Tech News, Online Offers follow –> giriblog WhatsApp Channel (WhatsApp Blog ⭐).