அரசாங்கம் கடன் வாங்குவது சரியா?

கிரி.. பதிவை படிச்ச உடன் தெளிவா என்ன?? விஷியம் என்பது பாமரருக்கும் புரியும் படி நன்றாக, விளக்கமாக, அழகா எழுதி இருங்கீங்க.. வாழ்த்துக்கள்.. இதை விட எளிமையா இந்த தகவலை கூற இயலாது.. அரசாங்க கடனை பற்றி முற்றிலும் புரிதல் இல்லாதவர்களும் இந்த பதிவை படித்தால் எளிதில் விளங்கி கொள்வார்கள்.

நிதி மேலாண்மை என்பது எவ்வளவு முக்கியம் என்பது பொறுப்பில் உள்ள அனைவர்க்கும் தெரியும். ஆனால் இந்த கடனை கொண்டு தான் வளர்ச்சி முற்றிலும் உடன்பாடு இல்லை.. கடனை வாங்கினாலும் அதை கொண்டு வளர்ச்சியடைந்து, மீண்டும் கடன் வாங்காமல் இருப்பதை தான் விரும்புகிறேன்.. உட்கட்டமைப்பு மற்றும் வளர்ச்சிக்காக தான் கடனை வாங்குகிறோம் .. ஆனால் அவை முறைப்படி அந்த நோக்கத்திக்காக தான் செலவு செய்யபட வேண்டும்..

தேர்தல் நேரத்தில் வெற்றி பெற வேண்டும் என்ற நோக்கில் செய்யவே இயலாத வாக்குறுதிகளையும் / இலவசங்களையும் அள்ளி தெளித்து விட்டு ஆட்சியை பிடித்தவுடன் அரசாங்க கஜானவில் பணமில்லை.. முந்தைய ஆட்சியாளர்கள் பணத்தை காலி செய்து விட்டார்கள் என அவர்கள் மீது பழி போடுவதில் எந்த அர்த்தமும் இல்லை..

அரசியல் கட்சிகள் தேர்தலுக்கு முன் இலவசத்தை அறிவித்தால் (பணமாகவோ / பொருளாகவோ) அதை கட்சி பணத்திலிருந்து மட்டும் தான் கொடுக்க வேண்டும் என்ற சட்டத்தை இயற்ற வேண்டும்.. இல்லையென்றால் இலவசம் என்ற ஒன்றை தேர்தல் வாக்குறுதியில் அரசியல் கட்சிகள் கொடுப்பதாக அறிவித்தால், அந்த குறிப்பிட்ட கட்சியை டிஸ்மிஸ் செய்வதாக சட்டம் இயற்ற வேண்டும்..

கடந்த 20 வருடங்களில் தமிழக அரசின் கடன் பலமடங்கு அதிகரித்து விட்டது.. இதில் இலவசத்தின் பங்கு மிக மிக அதிகம். இன்று இருக்கும் பொருளாதார சூழல், நாளையும் இருக்கும் என்று கூற முடியாது.. ஒரு கொரோனவை தாண்டுவதற்குள்ளே போதும் போதும் என்று ஆகி விட்டது.. அரசாங்கம் தேவையில்லாமல் கடன் மேல் கடன் வாங்கி விட்டு அதை வரிகள் என்ற பெயரில் மக்கள் மீது திணிப்பது எந்த வகையில் நியாயம்??

சாதாரணமாக ஒரு நடுத்தர குடும்பத்தில் தன் சக்திக்கு உட்பட்டு தான் கடன் வாங்க முடியும்.. அதை விட்டு கடன் கொடுக்க ஆள் இருக்கிறார்கள் என்பதால் தொடர்ந்து கடனை வாங்கி கொண்டே இருந்தால், முடிவில் கடன் தொல்லை தாங்க முடியாமல் வாங்கியவன் தற்கொலை செய்து சாக வேண்டும்.. இல்லையென்றால் கடன் கொடுத்தவன் முன் மண்டியிட்டு பிச்சை கேட்க வேண்டும்..

இலங்கையில் மூன்று ஆண்டுகளுக்கு முன் இது தான் நடந்தது.. சீனா அதிக அளவில் கடனை கொடுத்து வந்தது.. முடிவில் ராஜபக்சே குடும்பம் தான் இஷ்டம் போல கடன் பணத்தை சொந்த செலவு செய்தது.. முடிவில் அரசு கஜானா காலி.. சர்வதேச சந்தையில் எரிபொருள் வாங்க பணமில்லாமல் போனது.. அங்கு நடந்தது என்றாவது இங்கு நடக்கவும் வாய்ப்பு இருக்கிறது..

அதனால் கடனை பொறுத்தவரை எச்சரிக்கையாக இருக்க வேண்டும்.. வளச்சிக்காக வாங்கினால் அந்த பணத்தை அதற்காக மட்டும் தான் பயன்படுத்த வேண்டும்.. கள்ளச்சாராயம் குடித்து விட்டு செத்தவனுக்கு 10 லட்ச ரூபாய் அரசாங்க பணத்தை கொடுத்தால், இன்னும் 100 / 1000 / 10000 பேர் தைரியமா குடிச்சிட்டு செத்து போவான்.. செத்து போனவன் என்ன தியாகியா???

@யாசின்

நன்றி யாசின் 🙂 .

உங்கள் வார்த்தைகள் எனக்கு மிகுந்த ஊக்கம் அளிக்கிறது. எழுதுவதற்கு ஒரு அர்த்தத்தைக் கொடுக்கிறது.

“கடனை வாங்கினாலும் அதை கொண்டு வளர்ச்சியடைந்து, மீண்டும் கடன் வாங்காமல் இருப்பதை தான் விரும்புகிறேன்.”

சரியானது யாசின் ஆனால், ஒரு நாட்டின் அரசாங்கம் முற்றிலும் கடன் வாங்குவதை நிறுத்துவது நடைமுறையில் கடினம் என்றே கருதுகிறேன்.

ஆனால், கடனைக் குறைக்க முடியும்.

“தேர்தல் நேரத்தில் வெற்றி பெற வேண்டும் என்ற நோக்கில் செய்யவே இயலாத வாக்குறுதிகளையும் / இலவசங்களையும் அள்ளி தெளித்து விட்டு ஆட்சியை பிடித்தவுடன் அரசாங்க கஜானவில் பணமில்லை.”

இந்தக் கொடுமையைத் தான் பொருளாதாரத்தைச் சீரழிப்பது யார்? கட்டுரையில் கூறி இருந்தேன்.

“கடந்த 20 வருடங்களில் தமிழக அரசின் கடன் பலமடங்கு அதிகரித்து விட்டது..”

7+ லட்சம் கோடி.

“அரசாங்கம் தேவையில்லாமல் கடன் மேல் கடன் வாங்கி விட்டு அதை வரிகள் என்ற பெயரில் மக்கள் மீது திணிப்பது எந்த வகையில் நியாயம்??”

இதற்கு மக்கள் தான் காரணம். இலவசத்துக்கும், உரிமை தொகைக்கும் ஆசைப்பட்டு அனைவரையும் சிக்கலில் நிறுத்துகிறார்கள்.

வெறுப்பாக உள்ளது.

“சீனா அதிக அளவில் கடனை கொடுத்து வந்தது.. முடிவில் ராஜபக்சே குடும்பம் தான் இஷ்டம் போல கடன் பணத்தை சொந்த செலவு செய்தது.. முடிவில் அரசு கஜானா காலி.. சர்வதேச சந்தையில் எரிபொருள் வாங்க பணமில்லாமல் போனது.”

இதோடு இன்னொரு முக்கியக்காரணம், அங்கு திடீரென்று இயற்கை விவசாயம் என்று கூறி செயற்கை உரத்துக்குத் தடை விதித்தது மிகப்பெரிய பாதிப்பை ஏற்படுத்தி விட்டது.

கொஞ்சம் கொஞ்சமாக மாற வேண்டியது, திடீரென்று நடந்ததால் சிக்கலாகி விட்டது.

“கள்ளச்சாராயம் குடித்து விட்டு செத்தவனுக்கு 10 லட்ச ரூபாய் அரசாங்க பணத்தை கொடுத்தால், இன்னும் 100 / 1000 / 10000 பேர் தைரியமா குடிச்சிட்டு செத்து போவான்.. செத்து போனவன் என்ன தியாகியா???”

இதையெல்லாம் சகிக்க வேண்டியதாக உள்ளது.

இவர்களே வெட்டி வைத்துத் திறந்து வைத்த குழியில் விழுந்து இறந்த குழந்தைக்கு அரசு 5 லட்சம் பணம் கொடுக்கிறது.

இது போதாது என்று அக்குழந்தை பெற்றோர் அரசு வேலை கேட்கிறார்கள்.

தற்போதெல்லாம் பொறுமையாக இருப்பதை அதிகம் கற்று வருகிறேன். இல்லையென்றால் இதையெல்லாம் பார்த்து, படித்து மன உளைச்சலில் ஏதாவது ஆகிடும்.