கோச்சடையான் – முதல் பார்வை

@அருண்

@ஜீவதர்ஷன் எனக்கும் பயமுண்டு

@பாமரன் வாங்க வாங்க! ரொம்ப நாளா ஆளைக்காணோமே என்று பார்த்தேன் நிறையப் பேர் துவக்கத்தில் ஆர்வமா கமெண்ட் போடுவாங்க கொஞ்ச நாள்ல காணாம போய்டுவாங்க.. சரி நீங்களும் போயிட்டீங்க போல என்று நினைத்தேன். மேலே இருக்காரே அருண் ..அவர் அசராம நாலு வருசமா வராரு

நீங்க கூறிய பத்து ருபாய் விசயத்தில் நானும் இது போல நினைத்ததுண்டு! ரஜினி எதுக்கு இது போல எவ்வளோ செலவு உள்ள படங்களில் நடிக்கணும் சந்திரமுகி மாதிரி பட்ஜெட் படமே போதுமே என்று நினைத்ததுண்டு.

ஆனால் இது எல்லாம் போக இன்னொரு முக்கியமான விஷயம் இருக்கு இது எனக்கு தாமதமாகத்தான் புரிந்தது.

இது போல் லோ பட்ஜெட் படங்கள் செய்தால் பணம் கிடைக்கும் ஆனால் நம்மால் அடுத்த கட்டத்திற்குப் போக முடியாது.. அதாவது ஒரு எந்திரன் போன்ற படமோ அல்லது புதிய முயற்சியாக 3 D படமோ கிடைக்காது. ரஜினி எந்திரன் படம் நடித்த பிறகு அவருக்கு பல அனுபவங்கள் படத்தின் விரிவாக்கம் அதாவது மற்ற நாடுகளில் அவருக்கு ரசிகர்கள் மற்றும் வியாபார எல்லாம் விரிவடைந்து இருக்கிறது.

தற்போது சிவாஜிக்குப் பிறகே தமிழ் படங்களுக்கு வெளிநாடுகளில் நல்ல வரவேற்பு கிடைத்தது. இதை ரஜினி படம் என்ற அளவில் சொல்கிறேன் என்று நினைக்க வேண்டாம் உண்மையாகவே இது தான் நிஜம். இதை நீங்களும் ஏற்றுக்கொள்வீர்கள் என்று நம்புகிறேன். ஏற்றுக்கொள்ளவில்லை என்றால் அதற்கான காரணத்தையும் கூறுங்கள் ஒருவேளை நான் தவறாக கூறி இருந்தால் மாற்றிக்கொள்வேன்.

சுருக்கமாக கூற வேண்டும் என்றால் லாபம் மட்டுமே குறிக்கோள் என்றால் லோ பட்ஜெட் படங்களே ரஜினி கமல் போன்றவர்கள் செய்யலாம் தமிழ் திரையுலகை அடுத்த கட்டத்திற்கு கொண்டு செல்ல வேண்டும் என்றால் இது போல முயற்சிகள் அவசியம் தேவை என்று தான் கூறுவேன். கமலே தற்போது விஸ்வரூபம் படத்தை நூறு கோடிக்கு மேல் செலவு செய்து எடுத்துக்கொண்டு இருக்கிறார் அவருடைய அடுத்த படமும் ஜாக்கி சான் உடன் இணைந்து என்று கூறுகிறார்கள். கொஞ்சம் நினைத்துப் பாருங்கள் ஜாக்கி சான் கமலுடன் இணைந்து நடித்தால் தமிழ் படம் பற்றி தெரியாதவர்கள் கூட இன்னும் தெரிந்து கொள்ள வாய்ப்பு இருக்கிறது அல்லவா!

இதில் உள்ள ஒரு பெரிய ரிஸ்க் “முதலீடு” படம் வெற்றி அடைந்து விட்டால் பிரச்சனையில்லை ஆனால் தோல்வி அடைந்து விட்டால் அதன் அடி மரண அடியாக இருக்கும். ரிஸ்க் இல்லாம வாழ்க்கையில்லை ரிஸ்க் எடுக்க பயப்படுகிறவர்கள் எப்போதும் வாழ்வில் முன்னேற முடியாது அதே நிலையில் தான் இருப்பார்கள்.

என்னையே எடுத்துக்கொள்ளுங்கள் நான் சிங்கப்பூர் வந்ததே ஒரு பெரிய ரிஸ்க் தான் காரணம் எனக்கு ஏகப்பட்ட கமிட்மென்ட் இருந்தது சிங்கப்பூர் வேலை எனக்கு நிரந்தரம் இல்லை ஒரு வருடம் தான் உறுதி என்ற அளவில் தான் வந்தேன் ஒருவேளை அதற்கு முன்னாடியோ அல்லது ஒருவருடம் கழித்து என்னை வீட்டிற்கு அனுப்பி இருந்தால் என்னால் கற்பனையே செய்ய முடியவில்லை எனக்கு அந்த நேரத்தில் வேறு வேலை கிடைக்கவேண்டும் கடன் அடைக்க வேண்டும்…. தற்போது அனைத்தும் சுமூகமாக முடிந்து விட்டது. இதற்கு ஒரே காரணம் நான் எடுத்த ரிஸ்க். இதை எடுக்கவில்லை என்றால் நான் இன்னும் பத்து வருடங்களுக்கு மேல் சிரமப்பட்டுக்கொண்டே தான் இருந்து இருப்பேன் அதுவும் முடிவு தெரியாமல்.

எனவே அதிக பட்ஜெட்டில் எடுப்பதில் பல நன்மைகள் உண்டு அந்த பட்ஜெட் அதற்கு வொர்த் ஆக இருக்க வேண்டும்..மொக்கை கதைக்கு நூறு கோடி செலவழித்து நான் முயற்சித்தேன் என்று கூறினால் அது அவர்களுடைய தவறு.

இவ்வளவு கூறினாலும் எனக்கு கோச்சடையான் மீது முழு நம்பிக்கை இல்லை. வெற்றி பெற்றால் சந்தோசம் என்ற அளவிலே தான் இருக்கிறேன்.. மக்கள் ரசிக்கவில்லை என்றால் என்ன சொல்வது.. அடுத்த ஒன்றை முயற்சிக்க வேண்டியது தான். நஷ்டம் ஏற்பட்டால் ரஜினி ஓரளவு தயாரிப்பாளரை காப்பாற்றுவார் என்று நம்பிக்கை உண்டு.

மற்றபடி நீங்க கூறிய மற்ற “நண்பன்” கருத்துகளுக்கு நோ கமெண்ட்ஸ்

என்னுடைய பதிவை விட பின்னூட்டம் தான் பெரிதாக இருக்கிறது

@ராஜேஷ் ரசிகர்கள் மட்டுமே பார்த்தாலும் படம் ஓடாது.. பொதுமக்களும் அவசியம். பாபாவை மனதில் நிறுத்துங்கள் நேரம் கிடைத்தால் என்னுடைய ரஜினி பட FDFS பதிவை படித்துப் பாருங்கள் அதில் சந்திரமுகி பற்றி நீங்கள் நினைத்தை ஒட்டி எழுதி இருப்பேன்.

Reply