மாற்றம் ஒன்றே என்றும் மாறாதது!

வாழ்க்கை எப்போதும் ஒரே மாதிரி இருந்தால் சுவாராசியமே இருக்காது! ஏதாவது ஒரு மாற்றத்துடன் இருந்தால் தான் சுவாராசியமாகப் போகும். மாற்றங்களை அதிகம் விரும்புவன் நான், அதிலும் இணையத்தை அதிகம் நேசிக்கிறேன்.

இணையத்தில் எனக்கு முன்பிருந்தே அதிக ஆர்வம், ஏதாவது புதிதாக செய்து பார்க்க வேண்டும் என்பது என்னுடைய ஆசை. நம்முடைய கருத்துக்களை எங்கேயாவது பகிர்ந்து கொள்ள வேண்டும் என்று நினைத்துக்கொண்டு இருந்த போது தான் எனக்கு கிடைத்த அறிமுகம் 2006 ம் ஆண்டு Yahoo! 360*. இதில் என்னுடைய கருத்துக்களை படங்களுடன் போட்டு தெரிவித்து வந்தேன், ஆளே இல்லாத கடையில் டீ ஆற்றிக்கொண்டு இருந்தேன். எளிதாக இருக்கும் Blogger மற்றும் WordPress போன்ற தளங்கள் பற்றி தெரியவில்லை உடன் தமிழில் எழுதுவது என்பது பற்றியும் தெரியவில்லை.

பிறகு ஒரு நாள் இணையத்தில் சுற்றிக்கொண்டு இருந்த போது தான் Blogger தளத்தையும் தமிழில் எழுதுவது, தமிழ்மணம் போன்ற திரட்டிகளை பற்றியும் தெரிய வந்தது. Blogger தளத்தில் 2006 ம் ஆண்டே இணைந்து இருந்தாலும் எழுத ஆரம்பித்தது 2008 ம் ஆண்டு பிப்ரவரி மாதம் தான். அதன் பிறகு ஒரு வருடம் கழித்து Blogpspot.com subdomain ல் இருந்து custom Domain www.giriblog.com க்கிற்கு மாறினேன். அப்போது இருந்தே தனியாக hosting செய்ய வேண்டும் என்பது என்னுடைய ஆசை. ஆனால் அதில் உள்ள நடைமுறை சிக்கல்களால் அதை ஒத்தி போட்டு வந்தேன்.

தற்போது அனைத்தும் முடிந்து தனியாக தளம் தொடங்கி விட்டேன், இதற்காக மாதம் பணம் கட்ட வேண்டும். எனவே இதை உங்களுக்கு நான் பரிந்துரைக்கவில்லை (ஆர்வம் மற்றும் தேவை இருந்தால் தவிர). Blogger தளத்திலேயே உங்களால் அனைத்தும் செய்ய முடியும் என்பதால் இது அவசியம் இல்லாத ஒன்று தான், ஆனால் எனக்கு இருக்கும் ஆர்வம் காரணமாகவும் நீண்ட நாள் ஆசை என்பதாலும் இதை செய்துள்ளேன். தமிழ் வலைப்பதிவர்களில் இதைப்போல self hosting செய்பவர்கள் மிகக்குறைவு நான் பார்த்ததும் இல்லை அப்படி செய்து இருந்தால் அவர்கள் செய்தி தளங்களாக இருப்பார்கள். இந்த மாற்றத்திற்கு உதவியவர்கள் http://bloggertowp.org.

பதிவு எழுதுவதை நான் குறைத்துக் கொண்டாலும் எழுதுவதை என்றும் நிறுத்தப்போவதில்லை அதனாலே தைரியமாக இதை செய்தேன். இந்த தளத்தில் தமிழ்மணம் திரட்டி கருவிப்பட்டை இணைப்பது கொஞ்சம் சிரமம், இதை நிறுவ கொஞ்சம் காலம் எடுக்கும், அதே போல தமிழிஷ் ஓட்டு பட்டையும் இதில் இணைக்க வாய்ப்பில்லை, பின்னாளில் சரி செய்யப்படலாம். இதன் காரணமாக தமிழ்மணம் மூலமாக மறுமொழி திரட்ட முடியாது இது மட்டுமே எனக்கு சிரமம். தமிழ்மணத்தில் ஓட்டு என்றுமே எனக்கு வந்ததில்லை என்பதால் அதைப் பெரிய விசயமாக கருதவில்லை எந்தக்குழுவிலும் இல்லாமல் இருப்பதன் சிரமம் இது.

புதிது என்பதால் கொஞ்ச நாளைக்கு இதில் எனக்கு சிரமங்கள் இருக்கலாம் ஆனால் போகப்போக பிரச்சனைகள் சரி செய்யப்படும் என்றும் நம்புகிறேன். எனவே இந்தத்தளத்தை பயன்படுத்துவதில் உங்களுக்கு சிரமம் இருந்தால் கொஞ்ச நாள் பொறுத்துக்கொள்ளும் படி கேட்டுக்கொள்கிறேன், என்ன பிரச்சனை என்பதையும் தெரிவிக்கவும். இதில் பல புதிய வசதிகள் அதிகம் உள்ளது, இதை நீங்கள் தளத்தை பயன்படுத்தும் போது உணர்வீர்கள். இது WordPress தளம் என்பதால் உங்களுக்கு பின்னூட்டம் (comment) இட கூகிள் ஐடி தேவையில்லை, இதை நண்பர்கள் பலர் என்னிடம் குறையாக கூறியதுண்டு. இனி எவரும் பின்னூட்டம் இடலாம். இது ஒரு வகையில் நல்லதாக இருந்தாலும் சில குடைச்சல்களையும் கொண்டு வரும்

Blogger தளம் blogspot ல் இருந்து custom Domain க்கு மாறினாலும் அது blogspot ஆகவே கருதுகிறது அதனால் அப்போது Google Friend Connect ல் இணைந்த 262 பின்தொடர்பவர்களையும் (ரகசியமாக பின்தொடர்பவர்களும் சேர்த்து) இந்த புதிய தளத்திற்கு மாற்ற முடியவில்லை, முடிந்த வரை முயற்சி செய்கிறேன் இல்லை என்றால் புதிதாக முதலில் இருந்து தான் தொடங்க முடியும், மன்னிக்க

இதுவரை எனக்கு பின்னூட்டம் அளித்து உற்சாகம் ஊட்டியவர்களுக்கும், ரீடர், மின்னஞ்சலில் பின்தொடர்பவர்களுக்கும் இந்த சந்தர்பத்தில் என் நன்றியை தெரிவித்துக்கொள்கிறேன், குறிப்பாக என்னுடைய கருத்துக்களை தெரிவிக்க உதவிய Blogger தளத்திற்கு என் மனமார்ந்த நன்றியை தெரிவித்துக்கொள்கிறேன்.

அனைவருக்கும் தமிழ் புத்தாண்டு வாழ்த்துக்கள்

No related posts.

Tagged as: தொழில்நுட்பம்