இணையம் பற்றிய செய்திகள் [29-04-2010]

Apple

உலகம் முழுவதும் குறிப்பாக மேலை நாடுகளில் தற்போதைய பரபரப்பு ஆப்பிள் தொலைபேசி iPod, iPod Touch போன்ற சாதனங்கள் தான். தனது தயாரிப்பை ஒவ்வொரு முறை வெளியிடும் போதும் அதை வாங்க பொது மக்களிடையே அடிதடியே நடக்கிறது. ஆப்பிள் நிறுவனமும் பல்வேறு வகையான விளம்பரங்கள் மூலம் அதன் மீதான ஆர்வத்தை அதிகரித்து வருகிறது. சமீபமாக ஒரு சிறு குழந்தையும் ஒரு வயதான பெண்மணியும் இதை பயன்படுத்துவதைப்போல வெளியிட்ட விளம்பரங்கள் பலரை வெகுவாக கவர்ந்து விட்டது. தற்போது ஜப்பானில் அசைக்க முடியாமல் இருந்த Smart Phone ஐ ஆப்பிள் விற்பனை தாண்டி விட்டது.

facebook

facebook நிறுவனம் facebook Lite என்ற வசதியை Low Band Width உள்ளவர்களுக்காக அறிமுகப்படுத்தியது. இது பலரிடையே வரவேற்பை பெற்றது அதிக ஒப்பனைகள் இல்லாமல் மிக எளிமையாக இருந்ததும் ஒரு காரணம். தற்போது facebook இந்த வசதியை நீக்குவதாக அறிவித்து அதை செயல்படுத்தியும் விட்டது. இணைய ஜாம்பவானான கூகிளையே என்ன சங்கதி என்று facebook கேட்டுக்கொண்டுள்ளது, இந்தியாவில் அல்ல அமெரிக்காவில். கூகிள் ஐ விட அதிகம் பயன்படுத்தும் ஒரு தளமாக facebook மாறி விட்டது. இது எப்படி இருக்கு! வல்லவனுக்கு வல்லவன் வையகத்துள் உண்டு.

Sony Floppy Disk

ஒரு காலத்தில் சக்கை போடு போட்ட, கணிப்பொறி வல்லுனர்களுடன் பிரிக்க முடியாமல் இருந்த Floppy Disk தற்போது கால மாற்றத்தில் அருங்காட்சியகத்தில் வைக்கப்படும் பொருளாக பார்க்கப்படுகிறது. இதைப்பயன்படுத்துவர்கள் வெகுவாக குறைந்து விட்டனர். இதன் தேவை குறைந்ததால் Sony நிறுவனம் இதன் தயாரிப்பை நிறுத்தப்போவதாக அதிகாரப்பூர்வமாக அறிவித்து விட்டது. நான் முதன் முதலில் வேலைக்கு சேர்ந்த போது இந்த Floppy Disk இல்லாமல் எந்த வேலையும் செய்ய முடியாது, அந்த அளவிற்கு இதன் பயன்பாடு இருந்தது தற்போது CD, DVD, USB என்று பல புதிய வசதிகள் வந்து விட்டதாலும் இதன் வாழ்க்கை ரொம்ப குறைவான காலம் என்பதாலும் எளிதில் பாதிப்படைந்து விடும் என்பதாலும் இதன் பயன்பாடு குறைந்ததில் எந்த ஆச்சர்யமும் இல்லை.

Google Buzz

கூகிள் செய்தி இல்லாத ஒரு இணைய பதிவை இடுவது என்பது இயலாத காரியம். அந்த அளவிற்கு ஏதாவது ஒன்றை அறிமுகப்படுத்துவது மேம்படுத்துவது என்று ஏதாவது செய்துகொண்டே இருக்கிறது. எனக்கு கூகிள் ஐ பாராட்டி எழுதி சலித்து விட்டது கூகிள் அதிகாரபூர்வமாக Google Buzz post sharing Button மற்றும் Follow button ஐ அறிமுகப்படுத்தியுள்ளது. இதற்குண்டான நிரலை (script) நீங்கள் இங்கே சென்று மிக எளிதாக உருவாக்கிக்கொள்ளலாம்.

Docs.com

எதிர்காலத்தில் இணையம் தான் வாழ்க்கை என்றாகி விட்டது, அந்த அளவிற்கு அதன் முக்கியத்துவம் அதிகரித்து விட்டது. இதனை நன்கு உணர்ந்த கூகிள் தன்னுடைய Chrome OS ஐ இணையத்தை அடிப்படையாக வைத்து தயாரித்து வருகிறது. இந்த வருட (2010) கடைசியில் அதிகாரபூர்வமாக அறிமுகப்படுத்தவும் போகிறது. இதனுடைய Online Google Docs பலரால் விரும்பப்படுகிறது மற்றும் பயன்படுத்தப்படுகிறது. Google Chrome OS ன் முக்கிய நோக்கமே அனைத்து தகவல்களும் இணையத்தில் என்பதாகும். நீங்கள் உலகத்தின் எந்த இடத்திற்கு சென்றாலும் உங்கள் தகவல்களை கோப்புகளை பயன்படுத்த முடியும் என்பதே இதன் சிறப்பு. சிறு தகவல் Google OS ஐ பயன்படுத்த இணையம் அவசியம்.

இதை நன்கு உணர்ந்த மைக்ரோசாப்ட் இதற்கு போட்டியாக ஆரம்பித்துள்ளது தான் Docs.com. இங்கு நமது கோப்புகளை Online லையே பார்க்கலாம் மற்றவர்களுடன் பகிர்ந்து கொள்ளலாம். facebook நிறுவனத்துடன் இணைந்து இந்த சேவையை தருகிறது. கூகிள் போல மைக்ரோசாப்ட் ம் இதற்கான பயன்பாட்டை உடனே தந்து விடாமல் கொஞ்சம் கொஞ்சமாக அழைப்பிதல் மூலம் தருகிறது. எனவே இதன் மூலம் இயல்பாகவே இதன் மீதான ஆர்வத்தை அதிகரிக்க வைக்கிறது, காக்க வைத்து கொடுத்தால் தான் அதற்கு மதிப்பு எதிர்பார்ப்பு இருக்கும் என்று கருதி இதைப்போல செய்கிறது. நீங்களும் இங்கே சென்று உங்களுக்கான அழைப்பிதழுக்கு பதிவு செய்து கொள்ளலாம் விருப்பமிருந்தால்.

Apple Vs Adobe

பிரபல நிறுவனங்களான Adobe மற்றும் Apple சண்டைப் போட்டு பிரிந்து விட்டன. இனி Adobe Flash ஐ தனது iPhone ல் பயன்படுத்தப் போவதில்லை என்று ஆப்பிள் நிறுவனம் அறிவித்து விட்டது. இதற்கு ஆப்பிள் கூறும் காரணங்கள் பாதுகாப்பின்மை, பல குறைபாடுகள் மற்றும் அதிகளவில் சக்தியை எடுத்துக்கொள்வது போன்றவை. இந்த இரண்டு நிறுவனங்களும் மறுபடியும் இணைய வேண்டும் என்பது இதைப்பயன்படுத்தும் ரசிகர்களது விருப்பம். இதற்கு காலம் தான் பதில் கூற வேண்டும்.

Gmail attachements Drag and Drop

மின்னஞ்சலில் பட்டைய கிளப்பிக்கொண்டு இருக்கும் ஜிமெயிலின் அடுத்த வசதி இது. இனி நீங்கள் படத்தில் உள்ளது போல உங்கள் ஃபைல் மற்றும் படங்களை எளிதாக Drag and Drop செய்து இணைக்கலாம். பழைய முறையும் அப்படியே உள்ளது உங்களுக்கு எது எளிதாக உள்ளதோ அந்த முறையில் நீங்கள் உங்கள் இணைப்பை மேற்க்கொள்ளலாம். படம் நன்றி கூகிள்.

Youtube

YouTube பற்றி கூறுவது சூரியனுக்கே டார்ச் அடிப்பது போல இணையத்தை பயன்படுத்துபவர்களில் YouTube பற்றி தெரியாமல் இருப்பவர்களை விரல் விட்டு எண்ணிவிடலாம். தற்போது தினமும் ஒரு பில்லியன் மக்கள் பயன்படுத்தும் இந்ததளம் துவங்கப்பட்டது ஏப்ரல் 23, 2005 அன்று இந்த வீடியோ உடன், இது வரை 25 லட்சம் பேர் இதை பார்த்துள்ளனர் அதன் பிறகு 2005 அக்டோபர் மாதம் அதிகாரபூர்வமாக துவங்கப்பட்டது. இதன் பிறகு 2006 ம் ஆண்டு அக்டோபர் மாதம் இந்ததளத்தை கூகிள் கையகப்படுத்தியது. தற்போது கூகிள் ன் மார்க்கெட் தந்திரத்தால் பணம் கொழிக்கும் ஒரு தளமாக உள்ளது. YouTube இல்லாத இணையத்தை நினைத்து பார்க்கவே முடியாது என்ற நிலையில் இதன் பயன்பாடு நிறைந்துள்ளது. உலகளவில் Band Width ஐ அதிகம் சாப்பிடும் ஒரு தளமாகவும் அதிகளவில் பயனாளர்களால் பயன்படுத்தப்படும் தளமாகவும் சரவெடியாக கலக்கி வருகிறது.

YouTube ல் உள்ள காணொளிகளை தரவிறக்கம் (Download) செய்ய எளிதான இலவசமான மென்பொருள் YouTube Downloader. உங்களுக்கு பிடித்த காணொளியை தரவிறக்கம் செய்ய வேண்டும் என்றால் அந்த காணொளியின் முகவரியை காப்பி செய்து இந்த மென்பொருள் முகவரி இடத்தில் பேஸ்ட் செய்து ஓகே கொடுத்தால் போதுமானது. இதை நீங்கள் உங்களுக்கு பிடித்த ஃபார்மட்டில் (AVI,WMV,MP3, MP4, 3GP) தரவிறக்கம் செய்து கொள்ளலாம். மென்பொருளை தரவிறக்கம் செய்ய இங்கே செல்லவும். என்னுடைய YouTube காணொளிகளை சப்ஸ்க்ரைப் செய்ய இங்கே செல்லவும்.

Related posts:

1. இணையம் பற்றிய செய்திகள் [6-4-2010]
2. இணையம் பற்றிய செய்திகள் [15-6-2010]
3. இணையம் பற்றிய செய்திகள் [1-4-2010]
4. Google Buzz பற்றிய ஒரு பார்வை
5. facebook மால்வேர் எச்சரிக்கை!
6. அதிவேக உலவி க்ரோம்

Tagged as: தொழில்நுட்பம்