எச்சரிக்கை: ஹாரர் திரைப்படங்கள் பிடிக்காதவங்களும், பயந்த சுபாவம், இளகிய மனம் கொண்டவர்கள் அப்படியே அப்பீட்டு ஆகிக்குங்க 
படித்து விட்டு என்னை திட்டக்கூடாது.
படித்து விட்டு என்னை திட்டக்கூடாது.
நானும் எத்தனையோ பயங்கரமான ஹாரர் படம் (ரசிகன்) எல்லாம் பார்த்து இருக்கிறேன், எதற்கும் பயப்படமாட்டேன். எனென்றால் அந்த மாதிரி நிஜ வாழ்க்கையில் நடக்க வாய்ப்பு குறைவு என்பதால். ஆனால் இந்த படத்திற்கு பயந்த மாதிரி எதற்கும் பயக்கவில்லை, சின்ன வயதில் இரவு காட்சிக்கு நண்பர்களோடு மோகன் நடித்த “உருவம்” படம் பார்த்து பயந்து இருக்கிறேன், அதன் பிறகு பீதி ஆனது இதற்க்கு தான்.
இந்த படத்தோட கதை என்னன்னா மூன்று அமெரிக்க இளைஞர்கள் ஐரோப்பாவிற்கு சுற்றுலா வருகிறார்கள், அங்கே ஒரு பெண் ப்ரோக்கரின் தூண்டுதலால் ஸ்லோவேகியா செல்கிறார்கள், அங்கே மூவரில் ஒருவர் காணாமல் போய் விட அவரை தேடும் முயற்சியின் போது இன்னொருவரும் காணாமல் போக எஞ்சி இருக்கும் ஒருவர் என்ன ஆனார் என்பதே கதை.
இதிலென்னயா பயப்படுற மாதிரி இருக்குன்னு உடனே அவசரப்பட்டு கேட்டுடாதீங்க..இனி மேல் சொல்ல போறது தான் வயிற்றை கலக்கும். இங்கே ஒரு கும்பல் ஒன்று செயல் பட்டு வருகிறது, அதற்க்கு “ஷாஷா” என்பவன் தலைவன் அவர்கள் இவர்களை போல ஆட்களை கடத்தி அறையில் வைத்து விடுவார்கள் . இதற்க்கு பலர் உடந்தை அந்த ப்ரோக்கர் உட்பட. இப்ப உங்களுக்கு யாரையாவது கொல்லனும் இல்ல கொடுமை பண்ணனும்னு நாம பேச்சுக்கு சொல்வோமில்லையா, அந்த பெண்ணை கற்பழிச்சவன் மட்டும் கிடைத்தானா அவனை துண்டு துண்டா வெட்டி போட்டுடுவேன் அப்படின்னு, அது மாதிரி இல்லாம சும்மாவே யாரையாவது டார்ச்சர் செய்யணும் என்று நினைக்கிற சைக்கோ ஆளுங்களுக்கு தான் இந்த கும்பல். பின்பு இவர்களுடைய கஸ்டமர்களுக்கு!! இவர்களிடம் சிக்கிய நபரின் படம் அனுப்பி ஏலம்!!! நடத்துவார்கள் யார் அதிக விலை கொடுக்கிறார்களோ அவர்களுக்கு இங்கு மாட்டினவங்க சொந்தம், அப்புறம் அந்த நபர் அங்கே போய் சிக்கிய நபரை என்ன வேண்டும் என்றாலும் செய்து கொள்ளலாம்….என்ன வேண்டும் என்றாலும் என்றால், என்ன வேண்டும் என்றாலும் தான். யப்பா! இதை கேட்டாலே கண்ணை கட்டுதா.
ஒரு பெண்ணை கற்பழிக்க வேண்டுமா முழு பாதுகாப்புடன் செய்யலாம், ஒருத்தன் கை தனியா கால் தனியா எடுக்கனுமா நோ ப்ரோப்ளம், ஒருத்தன் வயித்துல என்னெல்லாம் இருக்குதுன்னு ஆராய்ச்சி பண்ணனுமா டூல்ஸ் தயாரா இருக்கு. எனக்கு படம் பார்த்து மயக்கம் வராத குறை தான். இந்த மூவரில் ஒருத்தன், ஒரு கிறுக்கன் கிட்ட மாட்டிக்குவான், அவனுக்கு என்ன ஆசை னா பெரிய அறுவை சிகிச்சை நிபுணர் ஆகனும்னு, ஆனா முடியாது அதனால தொழில்ல இறங்கி நிறைய சம்பாதித்தாலும் இந்த ஏக்கம் இருப்பதால் இப்படி பணம் கட்டி இவனை பிடித்து தன் ஆசையை தீர்த்துக்குவான், அந்த பய்யனை கட்டி வைத்து அவன் பண்ணுற டார்ச்சர்! கொடுமையிலும் கொடுமை. இதனுடைய இரண்டாம் பாகத்தில் இந்த மூன்று பசங்க மாதிரி மூன்று பொண்ணுக..முதல் பாகத்தில் இந்த கொடுமையான இடத்தில் இருந்து தப்பி விட வாய்ப்புகள் இருக்கும் இந்த மூவரில் ஒருத்தன் தப்பித்தும் விடுவான், ஆனால் இரண்டாம் பாகத்தில் பாதுகாப்பு பலப்படுத்தப்பட்டு கனவில் கூட தப்பிக்க முடியாதபடி வடிவமைக்கப்பட்டு இருக்கும், அப்படி இருந்தும் ஒரு பெண் அதில் இருந்து வெளியே சென்று விடுவாள்..செம கலக்கலாக இருக்கும், உண்மையிலேயே விறுவிறுப்பாக எடுத்து இருப்பார்கள், கூடவே மிக கொடுமையாகவும். தலைவர் பாணில சொல்றதுனா சும்மா அதிரும்.
இந்த படம் முழுவ்தும் ஸ்லோவேகியா நாட்டில் நடப்பதாக காட்டி இருக்கிறார்கள், எனக்கு இப்ப ஸ்லோவேகியா என்றாலே பயம் ஆகி விட்டது இந்த படத்தை பார்த்த பிறகு. பொதுவாக ஹாரர் படம் என்றால் காட்டில் யாராவது கோரமான முகத்தோடு இருப்பதாக தான் வரும் அதனால் இயல்பு வாழ்க்கையில் அப்படி நடக்க வாய்ப்பில்லை என்பதால் எனக்கு பயமாக இருக்காது. ஆனால் இது நிஜ மனிதர்கள் நம்முடனே உலவும் சாதாரண மனிதர்கள் இதை போல செய்வதாக காட்டி இருப்பதால் எனக்கு பீதி ஆகி விட்டது.இந்த படத்தை அந்த நாட்டின் அரசு எப்படி திரையிட அனுமதித்தது என்று தெரியவில்லை. இந்த படம் பார்க்கும் எவரும் ஸ்லோவேகியா பக்கம் கூட போக மாட்டார்கள் அந்த அளவுக்கு பயமுறுத்துகிறது.
இந்த படம் பற்றி சில குறிப்புகள்
இதில் பல டார்ச்சர்கள் உள்ளது நான் எதையும் கூறவில்லை மேல கூறிய ஒன்றை தவிர (அதிலும் பாதி தான் கூறினேன்) மீதி எல்லாம் கொடூரத்தின் உச்சம், அதை எல்லாம் கூறவே முடியாது. இதை போல படங்களில் “saw” படம் தான் மிக பிரபலம் அதை எல்லாம் இது தூக்கி சாப்பிட்டு விட்டது.
இந்த இடத்திற்கு யார் பணம் கட்டி வந்தாலும் அவர்களுடைய சின்னத்தை பச்சை குத்தி கொள்ள வேண்டும், முக்கியமான நிபந்தனை யாரையாவது கொலை செய்தால் தான் வெளியே போக முடியும், இல்லை என்றால் அவரையே போட்டு தள்ளி விடுவார்கள். இது தான் அவர்கள் காண்ட்ராக்ட்.
இந்த படத்தின் முதல் பாகம் முதல் ஒரு மணி நேரம் மற்றும் பல இடங்களில் “A” ரகம், தாறுமாறா ஆபாச காட்சிகள்.
இந்த படத்துல (இரண்டு பாகத்திலும்) பல காட்சிகள் சும்மா தாறுமாறா இருக்கும், ஹாரர் பட ரசிகர்களுக்கு ரொம்ப பிடிக்கும் மற்றவர்களுக்கு சந்தேகம் தான். குறிப்பாக இரண்டு பாகத்திலும் க்ளைமாக்ஸ் காட்சிகள்.
இதில் சிறைச்சாலை போன்று அமைக்கப்பட்டு இருக்கும் அறைகளில் ஒவ்வொருத்தரையும் கட்டி வைத்து இருப்பார்கள், இதனுடைய வடிவமைப்பு மிகவும் அச்சுறுத்தும் படி மிக இயல்பாக உண்மையான அறை போலவே வடிவமைக்கப்பட்டு இருக்கும்.
இதில் துண்டான உடல்கள், ரத்தம் என்று அனைத்தும் உண்மை என்பது போலவே கிராபிக்ஸ் மற்றும் மேக் அப் ல் அசத்தி இருக்கிறார்கள், இவ்வளோ தத்ரூபமாக பார்த்தது இல்லை.
ஸ்லோவேகியா ல் இருக்கும் சிறுவர்கள் பெரும் குற்றவாளிகள் போல சித்தரித்துள்ளார்கள், ஒரு பாக்கெட் பப்பிள் கம் க்காக கொலை கூட செய்ய தயங்காதவர்கள், வேறு நாட்டை சேர்ந்தவர்கள் தனியாக இவர்களிடம் மாட்டினால் அவர்கள் கதி அதோ கதி தான். அதுவும் கடைசியில் இந்த சிறுவர்கள் விளையாடும் ஒரு விளையாட்டு… ம்ஹீம் முடியல….
டார்ச்சர் அறையில் டார்ச்சர் செய்வதற்கென்றே பல உபகரணங்கள் வைத்து இருப்பார்கள் அதை பார்த்தாலே அங்கே இருப்பவர் பயத்திலேயே செத்து போய் விடுவார் அந்த அளவுக்கு பயங்கரமாக இருக்கும்.
அந்த மூவரில் ஒருத்தனை டார்ச்சர் அறைக்கு இழுத்துட்டு போவாங்க அப்போ வழியில் இருக்கும் ஒவ்வொரு அறையிலும் ஒவ்வொருத்தரையும் விதம் விதமா டார்ச்சர் செய்துட்டு இருப்பாங்க..அதை பார்க்கும் போது குலை நடுங்கி விடும்..சத்தியமா பயந்து போய்ட்டேன்.
இதற்கும் Hostel என்ற பெயருக்கும் என்ன சம்பந்தம் என்றால் இவ்வாறு சிக்கி கொள்பவர்கள் பெரும்பாலும் “Hostel” என்ற ஹோட்டலில் தங்கி இருந்தவர்களே, அங்கே இதற்க்கு என்றே இருக்கும் பெண்கள் தங்கள் அழகில் இவர்களை மயக்கி பணத்திற்காக இந்த கும்பலிடம் சிக்க வைத்து விடுவார்கள். இதற்க்கு அங்கே இருக்கும் அனைவரும் உடந்தை.
படத்தில் வரும் ஒரு விசில் சத்தம் மரணபயத்தை கொடுக்கும், அதே போல அதில் வரும் ஒரு பாட்டு நன்றாக இருக்கும் எனக்கு ரொம்ப பிடித்தது (ஆங்கிலம் அல்ல வேறு மொழி)
இந்த சிறைச்சாலையில் உள்ள பாதுகாவலர்கள் உடன் இரு நாய்கள் இருக்கும், இதை போல ஒரு பயங்கரமான நாயையும் நான் பார்த்தது இல்லை.
பணம் நிறைய வைத்து எல்லாவற்றையும் அனுபவித்து, இவை எல்லாம் இல்லாமல் புதிதாக இதை போல முயற்சி செய்து பார்க்க நினைக்கும் சைக்கோக்களுக்கான கும்பல் தான் இது. பணத்தால் எதையும் செய்ய நினைப்பவர்களே இவர்கள்.
இந்த படத்தின் இயக்குனர் பெயர் Eli Roth
இந்த படத்தை தயாரித்தது, படு பயங்கர ஹாரர் படங்களை தயாரித்து புகழ் பெற்ற Lion Gates நிறுவனமே.
இந்த படத்திற்கு ஸ்லோவேகியா நாடு எதிர்ப்பு எதுவும் தெரிவிக்கவில்லையா என்று எனக்கு தெரியவில்லை, தெரிந்தவர்கள் கூறலாம்.
இவை எல்லாவற்றையும் விட கொடுமையான விஷயம் இந்த படம் உண்மை சம்பவங்களை அடிப்படையாக வைத்து எடுக்கப்பட்டது தான்.
இத்தனையும் படித்த பிறகு படம் பார்க்க விரும்பினால் நீங்கள் உண்மையிலேயே ஹாரர் பட ஃபேன் தான்.
ஏற்கனவே இந்த படத்தை பார்த்தவர்களுக்கு என்னை போலவே பல அனுபவம் இருக்கும் என்று நினைக்கிறேன் 
. இரண்டு நாள் தூக்கம் வராமல் தவித்தவர்கள் கூட உண்டு.
. இரண்டு நாள் தூக்கம் வராமல் தவித்தவர்கள் கூட உண்டு.
பின் குறிப்பு: என்னோட எச்சரிக்கையையும் மீறி யாராவது இதை படித்து இதெல்லாம் ஒரு படமா என்று நினைத்து இருந்தாலோ, படத்தை பார்க்க விரும்பினாலோ அல்லது கடுப்பாகி இருந்தாலோ அதற்க்கு நான் பொறுப்பல்ல
No related posts.
{ 114 comments… read them below or add one }
← Previous Comments
//Bleachingpowder said…
அடடா…ரொம்ப லேட்டா வந்துடேன்னா??//
வாங்க வாங்க அருண்! எப்படி இருக்கீங்க! ரொம்ப நாளா ஆளையே பார்க்க முடியல!
இந்த பதிவிற்கு எப்ப வேண்டும் என்றாலும் வரலாம்..:-)
//Hostel I, II ரெண்டு படத்தையும் back to back பாத்துட்டு அன்னைக்கு நைட்டு பூரா தூங்காம இருந்தேன்//
//எப்படியெல்லாம் கொடுரமா யோசிக்கிறாங்க பாத்தீங்களா கிரி..//
உங்களுக்கு லொள்ளுங்க அருண்
)
//அட நான் தான் செஞ்சுரியா
//
நீங்களே தான்! நன்றி
உண்மையிலேயே ஹாரர் பட ஃபேன் தான்.நான்
hmmmmmmmmmm soooooo many comments for this
i too saw that movie even i saw the two parts on the same day .iam not affraid of horrer movies like u but after seeing this movie i cant sleep for many day after sharing my feelings with my mom only i slept well hmmmmmmmmm எப்படி எல்லாம் யோசிக்கறாங்கப்பா!!!
சாரி பாஸ் நான் ரொம்ப லேட்டு… படத்த பாத்திருவோம்…
Hostel-I
http://www.300mbmovie.com/2008/09/hostel-unrated-2005.html
Hostel-II
http://www.300mbmovie.com/2008/09/hostel-part-ii-unrated-2007.html
உங்க விமர்சனம் பார்த்து hostel ii பார்த்தேன்.குலை நடுங்கலை குமட்டல் தான் வந்தது மற்ற படி நல்ல climax.ரசித்தேன்.
// swetha said…
hmmmmmmmmmm soooooo many comments for this //
//i too saw that movie even i saw the two parts on the same day .iam not affraid of horrer movies like u but after seeing this movie i cant sleep for many day after sharing my feelings with my mom only i slept well//
எனக்கும் ஒரு நாள் பயமாக தான் இருந்தது
உங்கள் முதல் வருகைக்கு நன்றி ஸ்வேதா
====================================================
// VIKNESHWARAN said…
சாரி பாஸ் நான் ரொம்ப லேட்டு… படத்த பாத்திருவோம்//
விக்னேஸ்வரன் நான் படம் பார்த்ததே ரொம்ப லேட் தான்.. அதனால நீங்க எப்ப பார்த்தாலும் ஒன்று தான்..ஆனா விரைவில் பாருங்க..
====================================================
The Rebel சுட்டிக்கும் முதல் வருகைக்கும் நன்றி
====================================================
// சிங்கை கண்ணன். said…
உங்க விமர்சனம் பார்த்து hostel ii பார்த்தேன்.குலை நடுங்கலை குமட்டல் தான் வந்தது //
இதற்க்கு காரணம் நீங்க திரை அரங்கில் பார்க்காமல் நெட் ல் பார்த்தது தான், இந்த படமெல்லாம் இதற்கென்ற அட்மாஸ்பியரில் பார்க்கணும் அப்ப தான் ஒரு த்ரில் இருக்கும். இரவில் தனியாக பார்த்து இருந்தால் (ஹோம் தியேட்டர் உடன்) கண்டிப்பாக கொஞ்சமாவது பயம் இருக்கும்.
உங்கள் முதல் வருகைக்கு நன்றி
நண்பர் கிரி உங்கள் விமர்சனம் அருமை நான் இந்த படத்திற்கு காட்சிக்கு காட்சி விவரித்து விமர்சனம் எழுதி உள்ளேன்.தயவுசெய்து பார்த்து உங்கள் கருத்துக்களை பகிருங்கள்.
நன்றி
நண்பர் கிரி உங்கள் விமர்சனம் அருமை நான் இந்த படத்திற்கு காட்சிக்கு காட்சி விவரித்து விமர்சனம் எழுதி உள்ளேன்.தயவுசெய்து பார்த்து உங்கள் கருத்துக்களை பகிருங்கள்.
நன்றி
http://geethappriyan.blogspot.com/2009/06/1.html
கார்த்திகேயன் உங்கள் பாராட்டிற்கு நன்றி உடன் உங்கள் முதல் வருகைக்கும்
//உங்கள் கருத்துக்களை பகிருங்கள்.//
கண்டிப்பாக படித்து பின்னூட்டம் இடுகிறேன்
கிரி,
Aftermath படத்துக்கு தரவிறக்க லிங்க்ஸ் ஹாலிவுட் பாலா தளத்தில கொடுத்திருக்கேன்.எடுத்துக்குங்க.
படத்தை நானும் பார்த்து அரண்டுட்டேன்… நான் ரொம்ப அதிர்ந்த சீன்… ஒரு சைனிஸ் பொண்ணோட கண்ணை நோன்டுவான் பாருங்க…யப்பா….. வெளிய வந்து தொங்கிட்டு இருக்கும் கண்ணை வெட்டி போட்டுட்டு தப்பிச்சுகூட்டிட்டு போவான் பாருங்க…உவ்வே… பாவம் அந்தப்பொண்ணு முகத்தை கண்ணாடிலப்பார்த்துட்டு ட்ரயின்ல குதிச்சு தற்கொலை பண்ணிக்கும்… இப்படில்லாமா எடுப்பாயங்க… சே….
//பிரேம்ஜி said…
கிரி,
Aftermath படத்துக்கு தரவிறக்க லிங்க்ஸ் ஹாலிவுட் பாலா தளத்தில கொடுத்திருக்கேன்.எடுத்துக்குங்க//
நன்றி பிரேம்ஜி
========================================================================
//நாஞ்சில் பிரதாப் said…
படத்தை நானும் பார்த்து அரண்டுட்டேன்… நான் ரொம்ப அதிர்ந்த சீன்… ஒரு சைனிஸ் பொண்ணோட கண்ணை நோன்டுவான் பாருங்க…யப்பா//
இந்த படத்தின் ரெண்டு பார்ட்டையும் நைட் 1 மணியில இருந்து காலையில 6 மணி வரைக்கும் தொடர்ச்சியா பார்த்தேன்
சூப்பர் ஸ்க்ரீன் ப்ளே
ஆனா இந்த படத்த விட saw படம் தான் ரொம்ப திகிலாவும் அருவெருப்பாவும் இருந்துச்சி
← Previous Comments