காத்திருந்த காதலி – 4

வடகரை வேலனின் – காத்திருந்த காதலி – 1
பரிசல்காரனின் – காத்திருந்த காதலி – 2
வெய்யிலானின் – காத்திருந்த காதலி – 3

வெயிலான் வந்து ஒரு பின்னூட்டம் போட்டாரு ..கிரி வந்து பாருங்க உங்களுக்கு அழைப்பு (ஆப்பு) இருக்குன்னு ..நானும் நம்ம்ம்ம்பி அவர் பதிவுக்கு போனா …மூணு பேரும்மா ..சும்மா மாத்தி மாத்தி குழப்பி வைத்து இருந்தாங்க….சரி நானும் எவ்வளவு தான் சீரியஸ் ஆக இருக்கிற மாதிரியே நடிக்கிறது அவங்கள மாதிரியே …. மூணு பேரும் பல நிபந்தனை போட்டு இருக்காங்க ஆனா யாரும் சீரியஸ் ஆக தான் எழுதனும்னு சொல்லல அதனால…. அதனால…….. ஹி ஹி ஹி ஹி

முன் குறிப்பு:

இதை படித்து விட்டு யாரும் திட்டக்கூடாது, உலக தொலைக்காட்சிகளில் முதல் முறையாக மாதிரி கிரி வாழ்க்கையில் முதல் முறையா ஒரு கதை!!! எழுதி இருக்கேன்..அதனால படித்து விட்டு… படித்து விட்டுடுடு… படித்து விட்டுடுடுடுடு ..

யோவ்! சொல்லி தொலையா ..

திட்டப்படாதுன்னு சொல்ல வந்தேன் சரியா….

ஸ்டார்ட் மியூசிக்

“Irudhayaraj calling…….

செல்ஃபோன் பொத்தானை அழுத்தி பேச,

ஹலோ! கேட்டரிங்கா?

இல்…. ஆமாங்க! சொல்லுங்க!

என்றாள் கெளரி தடுமாற்றத்துடன்!

ஒரு மணி நேரத்துக்கு முன்னாடியே சாப்பாடு வந்திட்டிருக்குனு சொன்னாங்க, இன்னும் வந்து சேரலை? ஒறமொற எல்லாம் பசியோட காத்திட்டிருக்காங்க. உங்க ஓனர்ட்ட போனை குடு கண்ணு! நான் பேசிக்கறேன்!”

இனி நான்

இல்லைங்க! சாப்பாடு அனுப்பி அரை மணி நேரம் தான் ஆகுது, இன்னொரு பத்து நிமிசத்துல வந்துடுவாங்க தாமதத்திற்கு மன்னித்து விடுங்க

பரவயில்லமா அதுனால என்ன! சரி நான் அப்புறம் அப்பா கிட்ட பேசிக்கிறேன்.

கௌரி நிம்மதி அடைந்தவளாய் இருக்கையில் அமர்ந்தாள்.

சங்கர், இப்ப தான் நல்லா வந்தான் இந்த நேரம் பார்த்து இப்படி ஆகிடுச்சே

சங்கரை பற்றியே நினைத்துக்கொண்டு அப்படியே பழைய நினைவுகளில் மூழ்கினாள்.

———————————

கார்த்திக் வீடு பூட்டி இருப்பதை கண்டதும், அவனுடைய அறை சகா எங்கே போய் இருப்பான் என்று யோசித்து விட்டு வீட்டு கதவின் மேல் தடவி பார்த்து சாவி இருப்பதை கண்டு நிம்மதி அடைந்தவனாய் கதவை திறந்து உள்ளே சென்றான்.

அம்மா வேறு சும்மாவே பயப்படுவாங்க……நாம உடனடியா கோபி கிளம்புனும் என்று முடிவு செய்தவனாய் அவரசரமாக புறப்பட்டு சென்ட்ரல் நிலையம் செல்ல ஆட்டோ பிடித்தான்

சரி அப்படியே விஷயத்தை கௌரி கிட்ட சொல்லிடுவோம்.. என்று உதித்த யோசனையை நிராகரித்து விட்டு நாளைக்கு சொல்லிடுவோம் என்று முடிவு செய்தான்

சார்! பெட்ரோல் விலை எல்லாம் ஏறிபோச்சு இரண்டு நாளா பெட்ரோலே கெடைக்கல மேல ஒரு 10 ரூபா போட்டு கொடு சார் … அவரிடம் பேரம் செய்யும் மனநிலையில் இல்லாததால் கேட்ட பணத்தை கொடுத்து விட்டு கிளம்பினான்..ஆட்டோ ஓட்டுனர் ஒரு பெரிய சல்யுட் போட்டு சந்தோசமாக கிளம்பினார்.

மக்கள் அனைவரும் வழக்கம் போல எதையோ துரத்தி கொண்டு அவசரகதியில் போய் கொண்டு இருந்தார்கள்..அங்கே கோன் ஐஸ் சாப்பிட்டு கொண்டு இருந்த அழகான ஒரு பெண்ணை பார்த்தும் மனம் அங்கே செல்லாமல் அப்பாவின் நிலையை நினைத்து கவலை பட்டது

முன்பதிவு நேரமும் முடிந்து விட்டதால் கடைசி ரயிலான ஏற்காடு விரைவு வண்டிக்கு ஒரு பயணச்சீட்டு வாங்கி அருகில் இருந்த ரயில்வே ஹோட்டலில் காய்ந்து போன பிரியாணியை வேறு வழி இல்லாமல் மென்று உள்ளே தள்ளி விட்டு இடம் பிடிக்க சென்றால் கதவோரமாய் இடம் கிடைத்தது, வேறு வழி இல்லாமல் அங்கே உட்கார்ந்தான். எதிரில் உட்கார்ந்து இருந்த குழந்தை தனக்கு மிட்டாய் தரவில்லை அழுது கொண்டு இருந்தது…. அருகில் இருந்த கழிவறை நாற்றமும் பெனாயில் நாற்றமும் சகிக்காமல் எப்படி காலைல வரைக்கும் உட்கார்ந்து கொண்டு இருப்பமோ என்று நினைத்து கொண்டு அப்படியே தூங்கினான்……..

ஏற்காடு எப்போதும் போல முக்கி முக்கி போய் வழக்கமான தாமதத்துடன் ஈரோடு வந்தடைந்தது ..

அங்கே இருந்து பஸ் பிடித்து வீடு போய் சேருவதற்கு மணி 8 ஆகி இருந்தது..

அம்மா யாரிடமோ பேசி கொண்டு இருந்தார்கள், நான் வருவதை கண்டு பரபரப்பாவது தெரிந்தது

டேய் கார்த்திக் என்னடா இப்படி ஒரு போன் கூட பண்ணாம வந்துட்டே..நான் வேற உனக்கு டென்ஷன் ல come home immly னு அடிக்கிறதுக்கு go home immly னு அடித்துட்டேன்…

பரவயில்லமா.. ஏற்கனவே மனசு சரி இல்ல..சரி நீ வேற ஒருத்தி தான், அப்பா கூட இருப்பே துணைக்கு ஒரு 4 நாள் இருக்கலாம்னு வந்துட்டேன்..அப்பா எப்படி இருக்காரு?

அப்பாவுக்கு ஒண்ணும் இல்லன்னு சொல்லிட்டாங்க கொஞ்ச நாள் ரெஸ்ட் எடுக்கணுமாம் .. எங்கேயும் சுத்த கூடாதுன்னு நம்ம டாக்டர் ஸ்ட்ரிக்ட் ஆக சொல்லிட்டாரு..

அப்படியா! பரவாயில்ல நான் கூட பயந்தே போயிட்டேன் நிம்மதியடைந்து ஒரு பெருமூச்சொன்றை விட்டான்..

சரி.. சரி.. போ! போய் பல்லு விளக்கிட்டு வா நான் காபி போட்டு வைக்கிறேன்..

சரிம்மா ..இன்னைக்கு என்ன டிபன்? ..நல்லா சாப்பிட்டே ரொம்ப நாள் ஆச்சு ..என்னோட கேடரிங் சாப்பாட்டை என்னாலேயே சாப்பிட முடியலை

தோசையும் தக்காளி தொக்கும் பண்ணி வைக்கிறேன் வந்து சாப்பிடு

அவசரவசரமாக சென்று எல்லா “கடன்களையும்” முடித்தது விட்டு அம்மா சோர்வாகும் வரை தோசை சாப்பிட்டு விட்டு, அம்மாவை பார்க்க பாவமாக இருக்க

அம்மா இந்த வாலுக இரண்டு பேரும் எங்கே!

சகோதரிகளை தான் அப்படி குறிப்பிட்டான்..

அவங்க இரண்டு பேரும் காலேஜ் ல இடம் வாங்க உன் அப்பா நண்பர் கிட்ட ரெகமண்டேசன் கடிதம் வாங்க போய் இருக்காங்க..சாயங்காலம் தான் வருவாங்க

ஓ!! அப்படியா!

சரிம்மா போதும்

டேய் இந்த ஒண்ணையும் சாப்பிட்டு விட்டு போ!

எத்தனை சாப்பிட்டாலும், போதும் என்று கூறினால் இந்த ஒண்ணையும் வைத்துக்கோன்னு கேட்கும் பாசமான அம்மாவை நினைத்து ஒரு நிமிடம் பெருமிதப்பட்டான்

இல்லமா போதும் ..

என்று கூறிவிட்டு அம்மாவின் பதிலை எதிர்பார்க்காமல் எழுந்து கை கழுவி விட்டு முன் பக்க திண்ணையில் உட்கார்ந்தான்..அப்பாவை தொந்தரவு செய்யாமல் அப்புறமா பேசிக்கலாம் என்று முடிவு செய்தவனாய் ..

சரி போனை போட்டு கௌரி க்கு இங்கு வந்த விஷயத்தை சொல்லிடுவோம் ..

ஹலோ கௌரி

சொல்லு கார்த்திக்

நான் என் அப்பாவை பார்க்க கோபி வந்துட்டேன் ..அதான் உன்கிட்ட சொல்லிடலாம்னு போன் பண்ணினேன்..

அப்படியா! அப்பா எப்படி இருக்காரு?

அப்பா நல்லா இருக்காரு, நான் தான் தொந்தரவு பண்ண வேண்டாம்னு இன்னும் எதுவும் பேசல..

சரி சரி அவரை நல்லா பார்த்துக்கோ..இங்கே சங்கரை இரண்டு நாள் கழித்து தான் பார்க்க முடியும்னு சொல்லிட்டாங்க..அதனால நான் வீட்டுக்கு வந்துட்டேன்..

சரி கௌரி ஏதாவது விசயம்னா என்னோட செல்லுக்கு கூப்பிடு

சரி கார்த்திக்… பாய்

பாய் கௌரி

—-
அம்மா! அம்மாமாமாமாமா!

டேய்! ஏன்டா இப்படி கத்துற!

நான் வயல் வரைக்கும் போயிட்டு வரேன் ..

இருடா இப்ப வெய்யிலா இருக்கு மத்யானம் சாப்பிட்டு விட்டு கொஞ்சம் தூங்கிட்டு போ ..

வெளியே பார்த்தான் வெய்யில் தன் வேலையை சற்று முன்னதாகவே ஆர்வமாக தொடங்கி இருந்தது

சரி! அம்மா சொல்வதை இன்றாவது கேட்போம் என்று முடிவு செய்தவனாய்

சரிம்மா! நான் டிவி பார்த்துட்டு இருக்கேன் கூப்பிடு என்னை..

டிவி யை ஆன் செய்தான்..

அது நேராக சன் செய்திக்கு சென்றது ..

கடைசியா அப்பா டிவி பார்த்து இருப்பாங்க போல என்று நினைத்தவனாய் பார்வையை ஓட விட்டான்

சன் டிவி யில் என்றும் இல்லா அதிசயமாக பெட்ரோல் தட்டுப்பாட்டை சிறப்பு செய்தி போட்டு கூறி கொண்டு இருந்தார்கள்..

நேற்று கலைஞர் தி மு க வுக்கும் தினகரனுக்கும் எந்த சம்பந்தமும் இல்லை என்று சொன்னது நினைவுக்கு வர…அட அதுக்குள்ளே இப்படி மக்கள் மேல அக்கறை ஆகிட்டாங்களே ..நல்லது நடந்தா சரி..

பெட்ரோல் செய்தியாகவே இருக்க

சரி பாட்டாவது கேட்போம்.. இரண்டு முறை அழுத்திய பிறகு தான் சன் மியூசிக் வந்தது..ரொம்ப கேட்டு இருப்பாங்க போல என்று நினைத்தவனாய் தொடர்ந்தான்

ஹலோ! சமையல் குறிப்பு நேரமா!

ஆமாங்க! நீங்க யாரு?

நான் கொட்டாம் பட்டில இருந்து கோகிலா பேசுறேங்க

தேவகோட்டை கல்யாணி மாதிரி நீங்க கொட்டாம்பட்டி கோகிலாவா உங்க வாய்ஸ் ஸ்வீட்டா இருக்கு….நீங்க ஏற்கனவே ஒருமுறை என்கூட பேசி இருக்கீங்க தானே..

இல்லைங்க இப்ப தான் மொத வாட்டி பண்ணுறேன்

………………………..அப்படியா!

உங்களுக்கு வயசு ஒரு 20 இருக்குமா?

ஹி ஹி ஹி (வெட்கத்துடன்) இல்லைங்க எனக்கு 34 வயசாகுது..

ஹய்யோ!!! உங்க வாய்ஸ் கேட்டா எனக்கு சின்ன பொண்ணு! குரல் மாதிரியே இருக்கு ..

அந்த பொண்ணு!!! வெட்கப்படுவது போனில் தெரிந்தது

உங்க டிவி சத்தத்தை அப்படியே குறைத்துக்குங்க.. சரி சரி உங்க சமையல் குறிப்ப சொல்லுங்க..

நான் சூடா தண்ணீர் வைக்கிறது எப்படின்னு சொல்லப்போறேங்க…

முதல்ல ஒரு பாத்திரத்துல தண்ணீர் …

டொக்

லைன் கட் ஆகி விட்டதால்!!! கொட்டாம்பட்டி கோகிலாவிற்க்காக அதிரடி நாயகன் ரித்தீஷ் நடித்த நாயகன் படத்தில் இருந்து ஒரு சூப்பர் பாடல் வருகிறது ..

என்னடா இது! ..இவங்க இம்சை தாங்கலையே …ம்ம்ம் சரி இன்னும் ஒரு பாட்டை கேட்டு பார்ப்போம்..

ஹலோலோலோ…..

நான் விழுப்புரத்துல இருந்து மயில் சாமி பேசுறேங்க..

மயில் சாமி இது பெண்களுக்கான நிகழ்ச்சி நீங்கெல்லாம் பேச கூடாது…அப்புறம் கொஞ்சம் மெதுவா பேசுங்க.. நீங்க போன் இல்லாம சாதாரணமா பேசினாலே இங்க எனக்கு கேட்கும் போல இருக்கு…

இல்லைங்க உங்க வாய்ஸ் சூப்பரா இருக்கு உங்க எல்லா ப்ரோக்ராம் ம் ஒண்ணு விடாமா பார்ப்பேன் உங்க கிட்ட பேசலாம்னு பார்த்தா லைன் கிடைக்கவே மாட்டேங்குது .. உங்களுக்கு டயல் பண்ணி பண்ணி என் விரல்ல நக சுத்தியே வந்து விட்டதுங்க …. அதான்ன்ன்ன்…..

மயில்சாமி அதெல்லாம் முடியாது நீங்க வேற நிகழ்ச்சில முயற்சி பண்ணுங்க..சரியா..

ஹலோ ஹலோ ஹ……

டொக்

மயில்சாமிக்காக வீராச்சாமி படத்…..

கடுப்பாகி டிவி யை அணைத்த கார்த்திக்..

அம்மாமாமாமாமா

ஏன்டா! இப்படி கத்துறே

நான் வயலுக்கே போறேம்மா! போர் அடிக்குது..

சரி டா! சீக்கிரம் வந்துடு ..நீ.. சொன்னா எங்க கேட்க போறே ..அம்மா முனகுவது கேட்டது

சரிமா.. சீக்கிரம் வந்துடறேன்..அப்பா வண்டிய எடுத்துட்டு போறேன்

பார்த்து போ அதுல பிரேக் சரி இல்ல ..ஒழுங்கா ஸ்டார்ட் வேற ஆகாது …

அப்பா வண்டி டி வி எஸ் 50 யை எடுக்க அது கடகடன்னு சத்ததோட முனகி கொண்டே நாலாவது உதையில் ஒரு அலறல் சத்தத்துடன் ஸ்டார்ட் ஆகியது

சுற்றும் பார்த்துவிட்டு தன்னை யாரும் கவனிக்கவில்லை என்று நிம்மதி அடைந்தவனாக வேகமாக வண்டியை முறுக்கினான்

புகையை கக்கி விட்டு சத்தத்தோடு கிளம்பியது

வயலுக்கு வந்தால் வானம் மேக மூட்டமாக இருந்ததால் இடம் ரம்மியமாக இருக்க அப்படி ரசித்து கொண்டு இருந்தான்..ச்சே! முன்னாடியே வந்து இருக்கலாம் என்று தன்னை தானே நொந்து கொண்டான் .. நேரம் போனதே தெரியவில்லை

“பேரின்ப பேச்சுக்காரன் யாரு யாரு கூறப்பா” என்று அவனுடைய குசேலன் ரிங் டோன் அவன் கவனத்தை தன் பக்கம் திருப்பியது

பார்த்தான் “Amma calling”

சிக்னல் வேறு, ஒரு பாயிண்ட் மட்டுமே இருந்தது..

டேய் கா…கார்த்திக்க் ..அம்மாவின் குரல் குழறியது..

கார்த்திக்கிற்கு கலவரமாகியது..அதற்குள் கற்பனை எங்கெங்கோ ஓட..

அப்ப்ப்…பாவுக்கு ….அதற்குள் லைன் கட் ஆகியது..

இப்போது சுத்தமாக சிக்னல் இல்லை…பதட்டத்தோடு வீடு நோக்கி வண்டியை விரட்டினான்..

###########################

அப்பாடா! ஒரு வழியா என் வேலையை!! முடித்து விட்டேன்..

வெயிலான் SMS அனுப்பியது யார் என்று கூறவில்லையாதலால், மற்றும் புதிய கதாபாத்திரங்களை அதிக படுத்த கூடாது என்று கூறிவிட்டதால் அதை நான் கார்த்திக் அம்மா அனுப்பியதாக எடுத்துக்கொண்டு தொடர்ந்து இருக்கிறேன்.

இதன் தொடர்ச்சியை ராமலக்ஷ்மி அவர்களுக்கு கொடுக்கலாம் என்று இருந்ததை அவர்கள் கேட்டுக்கொண்டதன் பேரில் அவர்களை விட்டுவிட்டு …..சும்மா இல்லாமல் சங்கலி தொடர் ஒன்று ஆரம்பித்து லொள்ளு பண்ணிக்கொண்டு சந்தோசமாக இருக்கும் ஜெகதீசன் அவர்கள் இதை தொடரும் படி கேட்டுக்கொள்கிறேன் அவரை பாவமாக கருதி மேலும் நிபந்தனை எதுவும் போடாமல் இருக்கிறேன். ஏற்கனவே உள்ளவை தொடரும்.

வெயிலான் இப்ப சந்தோசமா! ம்ஹீம் என்ன ஒரு வில்லத்தனம்

யப்பா! இனி நிம்மதியா ஊருக்கு போகலாம்….எஸ்கேப் ஆகுடா கிரி….

பின் குறிப்பு

இதை படித்து விட்டு உங்களுக்கு ஏதாவது நேர்ந்தால் அதற்க்கு நான் பொறுப்பல்ல, முழு பொறுப்பு வெயிலான் அவர்களே!

No related posts.